Génesis 24:3 - Cofán: Chiga Tevaen'jen

³ tansintsse su'chove afaja que ña mandaqquia'caen tsoña'chove. Nane Na'su tsa sefacco, andema'qque agattoen'su Chiga paña'jen'ni tansintsse suja. Nane antteya'bi qui cuintsu ña dutssi'ye Isaac va ña can'jeni'su Canaán ande'su pushesuma pusheye.

Génesis 24:3 Iomraidhean Croise

Génesis 14:19

Abramma ñotsse afapa qquen su: “Cuintsu Sefacconi'su Joccapitssia Chiga sefacco, andema'qque agattoen'su quema ñotsse tsoñe.

Génesis 14:22

Tsa'ma Abramjan tisenga su: —Nane Na'su Sefacconi'su Joccapitssia Chiga sefacco, andema agattoen'su paña'jen'ni gi su:

Génesis 21:23

Tsa'cansi ingi vani can'jensi Chiga pa'ccoma paña'jen'ninda, ingi'ccu fae'ngae injancco'faja. Chigáne, ñama egae tsonjama, ni ña dushundeccuma, ni ña omba'su dutssiyendeccuma'qque egae tsonjama. Nane ña quema ñotsse tsonqquia'caen ccane'qque ñama, ña ande'su a'ima'qque ñotsse tsonjan.

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Génesis 27:46

Omboe Rebecaja Isaacnga su: —Esaú pushe hititandeccu panshaen noñangiansi gi ñoa'me quimbipa paye in'jan. Jacob'qque va Canaán ande'su hititama pushe'ninda ñoa'me gi paya.

Génesis 28:1

Tsa'caen Rebeca su'choma pañamba Isaacja Jacobma ttu'sepa ti'tsse tisenga ñotsse tsoña'chove afapa qquen conda: “Va Canaán ande'su pushesuma pushejama.

Génesis 28:8

Tsama'qque attepa tsu Esaúja in'jan tise yayaja in'jambi Canaán'su pushesundeccuma.

Génesis 34:9

Tsa'caen tsomba ingi antiandeccuve da'faja. Tsonsi ingi'suja que'i onquengendeccuma pushe'je'faye. Toya'caen que'i'qque ingi'su onquengendeccuma pushe'je'faya.

Génesis 38:2

Tseni can'jemba cananeo'su a'i Súa onque'ngema attepa tsama pushe. Tisei'ccu can'jensi

Génesis 47:31

Tsa'ma tise yayaja ccase quian'me su: —¡Ñoa'metsse suja! Tsonsi José ñoa'metsse susi Israelja tise ana'jen'cho'su asusu'chonga ccui.

Génesis 50:25

Tsa'caen supa Israel dutssiyendeccuma su cuintsu ñoa'metsse su'choi'ccu tise in'janqquia'caen tsoñe qquen su'faye: “Ñoa'me gi su Chiga Quitsa jipa tsu fuiteya. Tsa'caen ashaensi jayi'ta ña tsu'ttama'qque somboemba anga'faya'cho.”

Génesis 6:2

Tsonsi Chigave in'jan'cho tsandiendeccuja in'jambindeqquiambe onquengendeccu me'detssisi in'jamba tise'pama pushe'fa majame in'jan'da.

Génesis 6:4

Tsa'caen Chigave in'jan'cho tsandiendeccu faesu aindeccumbe onquengendeccuma pushepa du'shuve isu'fasi tsu rande quin'an aindeccuja andenga attian'fa. Nane bo'tsse tsa'caen pushe'je'fasi tise'pa dushundeccuja tayopi'su ti'tsse'tssia aindeccu tsu.

Éxodo 20:7

“Aqquia injanga Na'su, que Chiga inisema egae afajama. Nane Chigaja tise inisema egae afa'suma vanaembe pasaya'bi tsu.

Éxodo 34:16

Tsambi'ta tsendeccu tise'pa onquengendeccuma que'i dutssiyendeccunga anttesi in'jamba'qque tise'pa chiganga iñajañe egae tson'jemba que'i dutssiyendeccuma'qque tsa'caen in'jaensi egae tson'fasa'ne.

Levítico 19:12

“ ‘Chiga paña'jen'ni tansintsse afa'cho tsu’ qquen afopoenjama. Nane tsa'caen tson'da qui Na'su que Chigama afaseya. Ña gi Na'su.

1 Corinto'su 7:39

Majan pushesu tsandu'pa tisu tsa'ndu canseite tisei'ccu canseya'cho. Tsa'caen tsu manda'choja manda. Tsa'ma tsa'ndu pasi pushesuja majame in'jan'da faesuma tsa'nduye ñotssi Na'su Cristove in'jan'choma.

Deuteronomio 6:13

Na'su que'i Chigama ñotsse in'jamba tise'veyi shondo'faja. Que'i su'cho tansintssia qquen canjaeñe in'jamba tise inisei'ccuyi afa'faja.

Hebreo'su 6:16

Nane a'ija tise su'cho ñoa'me su'cho tsu, qquen canjaeñe in'jamba tisema ti'tsse joccapitssia'ma iñajan'fa cuintsu tsaja “Ju, tsa'caen tsu” qquen suye. Majan ti'tsse joccapitssia tsa'caen su'nijan poiyi'cco tsu ñoa'me su'choma in'jan'fa. Tsangae tsu afacco'fa'choja pasaya.

Josué 2:12

Tsa'cansi chigáne Na'su Chiga caña'jen'ni ñanga tansintsse su'faja ña que'ima ñotsse tsonqquia'caen ccane'qque que'ija ingima ñotsse tsomba ña antiandeccuma ccushaeña'chove. ¡Tansintsse canjaen'chove ñanga canjaen'faja,

Jueces 14:3

Pañamba tise yaya tise mama'qque su'fa: —¿Que antiandeccu'suta ti ñotssia pushesuta jimbi? ¿Israendeccu'su ñotssia pushesuta ti jimbi? ¿Jongoesie qui Chigave in'jambi'choa filisteondeccu'su pushesuma pusheye in'jan? Tsa'ma Sansónjan tise yayama su: —Tsa pushesu tsu ñoa'me ña in'jan'cho. Tisema gi tisu pusheve in'jan.