Génesis 22:7 - Cofán: Chiga Tevaen'jen

⁷ Japa Isaacja tise yayama iñajampaña: —¡Yaya! Abrahamjan su: —¿Jongoesie qui in'jan ña dutssi'ye? Isaacja su: —Que canjan, si'tsi, si'ngema'qque gi an'bian'fa. Tsa'ma, ¿mani tsu oveja du'shu ingi oquepa Chiganga afeye?

Génesis 22:7 Iomraidhean Croise

Génesis 22:8

Iñajampañasi Abrahamjan su: —Jaricho, Chiga Quitsa tsu ovejama afeya cuintsu ingi tsama oquepa tisenga afeya. Tsa'caen supa fae'ngae ja'fa.

Génesis 8:20

Tsonsi Noéjan Na'su Chiganga afeye oque'je'chove ccutsiamba osha'cho anqque'su vaura, oveja'can'ma, osha'cho anqque'su chhiririama'qque isupa oquepa Na'su Chiganga afe.

Éxodo 12:3

Poiyi'cco israendeccuma ttu'sepa qquen condaja: ‘Va ccovu'su diez a'tangae tsu poiyi'cco que'i tisupa tsa'o'sui'ccu oveja du'shuma tsambi'ta chivo du'shuma indiya'cho.

Mateo 26:39

Qquen supa ti'tsse jocca'tticcoe japa camba'jui'ccu andenga amppi ccuipa Chigama iñajan: —Ña Yaya, Chiga Quitsa, Que osha'ta va ña vanaña'choma joqquitssianjan. Tsa'ma joqquitssiañe in'jambi'ta que in'janqquia'caen tsonjan. Ña in'jan'chomajan me'i.

Mateo 26:42

Tsomba ccase Jesús japa Chigama iñajan: —Ña Yaya, ña vanaña'choma joqquitssiañe oshambi'ta antteja cuin'qque ña vanañe. Que in'janqquia'caen tsonjan.

Juan 1:29

Ccaqui a'ta Jesús Juanga catsesi Juanjan attepa inginga su: —Que canjan: Tsa a'ija Chiganga afe'cho oveja tsu. Poiyi'cco a'i egae jincho'choma joqquitssian'su tsu.

Juan 1:36

Jesús tse'fae jayisi Juanjan tisema attepa inginga su: —Que canjan: Tsa a'ija Chiganga afe'cho oveja tsu.

Juan 18:11

Tsa'ma Jesúsja Pedroma su: —Toengayi que matichima ppiñajan. Ña Yaya vanañe anttesi gi tsa'caen vanañe tson'jen. ¿Jongoesie qui eje ca'ni?

Romanos 8:15

Que'ini can'jen'cho Chiga Qquendya'paja ega na'sia'caen panshaen mandambi cuintsu que'i ccase dyojo'cco canse'faye. Tsa'ma Chiga Qquendya'pa ingima in'jaensi gi Chiga dushundeccuve dapa Tisenga su'fa: “¡Ingi Yaya qui!”

Canjaen'cho 13:8

Nane poi andeni'su aindeccu tsu tsa dyo'ccoa cocoyama iñajan'fa. Toya andeve meinte Chigaja osha'choma in'jamba canseya'chondeccu tevaen'jema tevaen. Nane Tise'be Oveja pasi tise've in'jamba ccushaya'chondeccuma in'jamba tsa Ovejambe Canseya'chondeccu Tevaen'jenga tise'pa inisema tevaen. Tsa'ma poiyi'cco majambe inisema tseni tevaembi'choa tsu cocoyama iñajan'fa.