Génesis 20:9 - Cofán: Chiga Tevaen'jen

⁹ Omboe Abimelecja Abrahamma ttu'sepa su: —¿Mingae qui inginga tson? ¿Jongoesui'ccu gi quema egae tsonsi qui tsa'caen ñama tson cuintsu va egae tsincon'cho ñanga, ña aindeccunga'qque shacave daye? Nane ñoa'me tsa'caen faesunga tsoñe ega tsu.

Génesis 20:9 Iomraidhean Croise

Génesis 12:18

Tsonsi faraónjan in'jamba Abramma ttu'sepa tisema su: “¿Jongoesie qui tsa'caenjan ñama tson? ¿Mingapa qui ñanga tansintsse condambi va pushesuja que pushe qquen?

Génesis 20:10

¿Jongoesu qquen asi'ttaemba qui ingima tsa'caen tson? Tsa'caen tsu Abimelecja Abrahamma su.

Génesis 20:8

Tsa'caen ayo'opa sinte'yi jangipa Abimelecja poiyi'cco tisema shondosundeccuma ttu'sepa pa'tssi tise ayo'o'choma conda. Tsama pañamba poiyi'cco dyo'fa.

Génesis 26:10

Tsa'ma Abimelecja tisema su: —¿Ma'caen qui inginga tsa'caen tson'jen? Ti'tssecan'da tsu va canqque'su majan tsandie que pushei'ccu ccuiye'can. Tsa'caen tson'choecan'da queyi qui ingima egae tsincoeñe'can.

Génesis 29:25

Ccaqui a'ta sinte Jacobja tise Leai'ccu ana'choma in'jamba iyicca'yepa Labánma afa: —¿Ma'caen qui ñanga qquen tson? Ñajan Raquelne quembe sema. Tsa'camanda, ¿jongoesie qui ñanga afopoen?

Génesis 34:7

Tsa'ma Jacob dutssiyendeccu tise'pa coiraye japa can'jene jipa tise antianma tson'choma atesupa ñombi'yepa ñoa'me iyicca'ye'fa. Nane Siquem tsa'caen Jacob onque'ngei'ccu ccuipa ñoa'me tsu Israel a'ima egae tson. Israendeccu'sumajan tsa'caen tson'masia tsu.

Génesis 38:24

Tres ccovu pasasi Judánga jipa conda'fa: —Tamar, tsa que china, tsu faesu tsandiei'ccu ccuipa ja'ñojan surie dapa can'jen. Pañamba Judája fundopa su: —¡Tsa'o'ye somboemba tisema oque cati'faja!

Génesis 39:9

Va tsaonijan majañi'qque me'i'on tsu ña'can'me. Ña na'suja jongoesuveyi'qque ñama se'pimbi. Aqquia queveyi tsu ñanga afembi queja tise pushesi. Tsa'cansi, ¿ma'caen gi oshaya quema egae tsomba Chiganga'qque egae tsoñe?

2 Samuel 12:5

Davidja condase'choma pañamba tsa ricoma ñoa'me iyicca'yepa Natánga su: —Chiga caña'jen'ni gi su: ¡tsa'caen tson'jen'cho tsandieja paya'cho tsu!

Éxodo 32:21

Tsomba Aarónma su: —¿Jongoesuma va aindeccu quenga tson'fasi qui qquen tson cuintsu va aindeccu tsa'caen egae tsincon'faye?

Éxodo 32:35

Tsa'caen supa Na'su Chigaja tsa Aarón ñoña'cho vaurama iñajansundeccunga paqque'suma moe.

Romanos 2:11

Chiga Quitsaja fae a'ima faesuma ti'tsse'tssia qquen in'jambi.

Titonga 1:11

Tise'pa atesian'jen'choma gi ziyaen'faya'cho. Ñoa'me tise'pa atesian'jen'choi'ccu tsu tsa'onga ca'nimba poiyi'cco tseni'su a'ima qqueña'fa. Injanga ganañe in'jamba tsu tsa'caen egae atesian'fa.

Hebreo'su 13:4

Tsandieja pusheye tsu ñotssi. Pushesu'qque tsa'nduye tsu ñotssi. Tsa'caen antte'fasi egave in'jan'fajama. Tsa'ma majan pushe'ta, majan tsa'ndu'ta ñotsse in'jamba tisenga antte'choi'ccuyi tsu can'jeña'cho. Faesui'ccu can'jen'fajama. Majan tise pushe, tise tsa'nduma catipa faesui'ccu in'jangae can'jen'nijan Chiga Quitsa tsu tsambe injama'choma somboeña.

Josué 7:25

Tseni nepipa tsu Josuéja Acánma su: —Queja ingima da'ño. Tsa'cansi tsu Na'su Chigaja ja'ño a'ta quema'qque dañoña. Tsa'caen susi poi israendeccu patuma isupa ttova'ccoen fi'tti'fa Acánma. Nane pa'cco tise'bema'qque tsa'caen patui'ccu fi'ttipa pa'ccoma si'ngei'ccu oque cati'fa.