Génesis 19:12 - Cofán: Chiga Tevaen'jen

¹² Tsonsi pasiasundeccu Lotma iñajampaña: —¿Faesu que antiandeccuta ti vani can'jen'fa? Nane que dutssiyendeccu, que onquengendeccu, dushundeccu, toya'caen poiyi'cco que'imbema angapa vane joqquitssipa biani jaja'faja.

Génesis 19:12 Iomraidhean Croise

Génesis 19:11

aindeccuma binime tson'fa. Tsa'caen poiyi'cco, chu'a, coenzandeccu'qque binime dapa sombo'ttima atteye oshambipa quimbipa antte'fa.

Génesis 19:13

Ñoa'me gi va canqquema sefaen catiya. Nane va canqque'su aindeccu tsain'bitsse egae tsincon'fasi tsu Na'su Chigaja shacama isuqquia'caen tise'pama sefaen catiya'chove ingima manda.

Génesis 19:14

Tsa'caen susi Lotja tise dusundeccunga japa conda. Nane tayo tsu antteye su cuintsu tsendeccu tise onquengendeccuma pusheye. Tise'pama su: —Jangipa va'ttie joqquitssipa ja'faja. Ñoa'me tsu Na'su Chiga va canqquema sefaen catiye tson'jen. Tsa'ma tise dusundeccu pañambipa feña'fa.

Génesis 19:17

Tsomba canqque'ye somboemba sefacconi'su shondosundeccu tise'pama su'fa: —Buttopa jaja'faja tisuma ccushaeñe. Sepacconima can'fajama. Ni va sinjunccuni can'jen'fajama. Nane ccotta'cconga jaja'faja tisuma ccushaeñe in'jan'da.

Génesis 19:22

Uta'tsseyi tseni japa ca'nijan. Nane que toya tseni nepimbi'ta Na'su Chiga mandaqquia'caen tsoñe osha'fambi gi. Tsa canqqueja chipirisi tsu inisian'fa Zoarve.

Génesis 7:1

Omboe tsu Na'su Chigaja Noéma su: “Tsa'o shavonga ca'ni'faja que aindeccui'ccu. Nane que'iyi qui va ja'ño cansuite'su aindeccu'suma ño'amba ñama paña'fa.

Jeremías 32:39

Ñajan tise'pa injama'choma ñoñaña cuintsu anttembe'yi ñame in'jamba canse'faye. Tsa'caen cansepa tsu tise'pa, tise'pa dushundeccu'qque tsangae ñotsse opatsse canse'faya.

Números 16:26

Japa poiyi'cco aindeccunga qquen su'fa: —¡Junde joqquitssi'faja va ega aindeccu carpa'ye! Toya'caen tise'pa an'bian'choma pporaen'fajama tise'pa egae tsincon'chone que'i'qque pa'fasa'ne.

2 Pedro 2:7

Tseni'su ega aindeccuja in'jangae canse'fa. Tsa'ma fae a'i, Lot, ño'amba tise'pa egae tsincon'choma chi'gasi Chigaja tisema ccushaen.

2 Pedro 2:9

Na'su Chigaja atesu ño'a a'ima ccushaeñe tise vana'jen'cho'ye egae tsinconsa'ne. Tsa'ma Tiseja egae tsinconsundeccuma an'bian injama'choma somboeña'cho a'ta vanaeña'chove.

Canjaen'cho 18:4

Faesu aya'fa sefaccone afasi gi paña: ¡Ña aindeccuja! Va canqque'ye sombo'faja, tisei'ccu egae tsinconsa'ne. Tisema cati'faja fae'ngae tisei'ccu Chiga iyicca'yepa vanaeña'chonga vanasa'ne.