Génesis 18:9 - Cofán: Chiga Tevaen'jen

⁹ An nanimba Abrahamnga su'fa: —¿Mani tsu que pushe Saraja? Iñajampañasi Abrahamjan su: —Carpani tsu can'jen.

Génesis 18:9 Iomraidhean Croise

Génesis 18:10

Tsonsi fae'cco tsendeccu'suja su: —Fae canqque'fa panshansi gi ccase queni jiya. Ña jisi tsu que pushe Saraja tsandie du'shuve isuya. Tsa'caen su'je'choma Saraja Abraham sepaccofae a'tutsse carpani pañá ccutsu.

Génesis 18:8

Tsonsi sho'ccoen nanimba chocho, quesoma'qque ipa pasiasundeccunga afe vaura nai'ccu añe. Tsendeccu quini'cco tumbianccuni dyaipa an'jen'fasi Abrahamjan tise'pama shondo'je.

Génesis 24:67

Omboe Isaacja Rebecama anga tise mama Sara'ye carpa tsaoni. Tsa'caen angapa tisema pushe. Isaacja Rebecama ñotsse in'jamba tise mama'ñe pa'choma aqque'pa.

Génesis 3:9

Tsa'ma Na'su Chiga Quitsaja tsandiema ttu'sepa su: —¿Mani qui can'jen?

Génesis 31:33

Tsonsi Labán Jacob carpa tsa'onga ca'nimba tse'ttieja Leambenga'qque, toya'caen tsa dos sema'su pushesundeccumbenga'qque ca'nimba tta'tta'ma attembi. Lea carpa'ye sombopa Raquelmbenga ca'ni.

Génesis 4:9

Tsa'caen fi'ttipa jisi Na'su Chigaja Caínma iñajampaña: —¿Mani tsu que quinshin, Abelja? Caínjan su: —¿Ma'caen gi atesuya? ¿Ñanda ti gi ña quinshinma coira'su?

Titonga 2:5

Chu'a pushesundeccu'qque tsa'caen atesupa tsu tisuma ñotsse mandaqquia'caen injama'choni Chiga in'janqquia'caen ñotsse in'jan'faya. Nane tise'pa tsaoni ñotsse vase'jepa poiyi'cconga ñotsse tsomba tisupa tsa'nduma'qque ñotsse paña'faya'cho. Tsa'caen tsu ñotsse canse'faya'cho cca'indeccu Cristone ñotsse condase'choma chi'gapa afase'fasa'ne.

Hebreo'su 11:9

Japa Chiga tisenga afeye qquen su'cho andeni can'jemba cca'indeccuni pasia'su jiqquia'caen can'jen. Carpa tsa'oi'ccu tsu cca'tti cca'tti jacan. Tise dutssi'ye Isaac'qque tsa'caen can'jensi tsambe dutssi'ye Jacob'qque tsa'caeñi omboen can'jen. Tsendeccu'qque “Chigaja va andema inginga afeya” qquen in'jamba tsa'caen avujatsse can'jen'fa.