Génesis 17:5 - Cofán: Chiga Tevaen'jen

⁵ Tsa'cansi tsu ti'tsse Abram qquen quema su'faya'bi. Tsa'ma ja'ñonda tsu quema inisian'faya Abrahamme. Nane tsain'bitssi aindeccumbe yayasi tsu tsa'caen su'faya.

Génesis 17:5 Iomraidhean Croise

Génesis 17:15

Toya'caen tsu Chigaja Abrahamma su: —Que pushe Saraima'qque ti'tsse tsa'caen su'faya'bi. Nane ja'ño ashaemba tsangae tsu Sarave inisian'faya.

Génesis 32:28

Tsa'caen susi a'ija su: —Ti'tsse quema Jacob qquen afambipa Israel qquen tsu afa'faya. Nane queja Chigai'ccu, aindeccui'ccu iyiccopa patsusi tsu tsa'caen quema afa'faya.

Génesis 32:29

Tsonsi Jacobja ccane'qque iñajampaña: —Ja'ño condaja jongoesu inise qui queja. Tsa'ma tsa a'ija su: —¿Jongoesie qui ña iniseve iñajampaña? Tsa'caen supa tsa a'ija tse'ttingayi Chiga tisema ñotsse tsoña'chove afa.

Génesis 35:10

qquen afa: “Queta qui Jacob ‘A'tutsse afopoen'su’ qquen su'cho. Tsa'ma ja'ñojan ti'tsse tsesuya'bi qui. Ja'ño a'ta ashaemba tsangae qui Israelve daya ‘Chigai'ccu iyicco'su’ qquen su'chove.” Tsa'caen tise inisema cambiamba Chigaja

Jeremías 23:6

Tise manda'je'ni judándeccuja ccusha'faya. Nane israendeccuja opatsse canse'faya. Qquen qui tisema afa'faya: ‘Na'su ingima ccushaen'su qui.’ ”

Números 13:16

Tsa tsu Moisés a'tutsse jacamba cansundeccuve moe'chondeccumbe inise. Moisésja Oseas, Nun dutssi'yema tsu Josuéve inisian.

Juan 1:42

Tsomba tisema anga Jesúsnga. Jesúsja Simónma attepa su: —Que qui Simón, Jonás dutssi'ye. Tsa'ma Cefasve tsu inisiaña'cho. (Pedro, qquen tise aya'fangae, patu qquen su'cho.)

Romanos 4:17

Chiga Tevaen'jen tsu qquen conda Abrahamnga su'choma: “Tayo gi antte queja tsain'bitssia poi ande'su a'imbe yayave qui daya.” Abrahamjan Chigai'ccu condasepa Tise su'choma pañamba in'jan. Chiga tsu pa'chondeccuma qquendyaen'su. Nane Tiseja tayo canse'fa'ma'caen tsu toya isumbi'choane'qque afa.

Canjaen'cho 2:17

Majan tsosinapaja Chiga Qquendya'pa Jesúsve in'jamba bo'fa'chonga su'choma paña'faja. Majan patsu'ninda gi tisenga a'tu'cho pan'can'cho manama afeya. Toya'caen totoa patuma afeya. Tsa patuni tsu tise cuna inisema tevaen'cho. Patuma isupa tisuyi tsu tsa inisema in'jaña.