Génesis 16:10 - Cofán: Chiga Tevaen'jen

¹⁰ Toya'caen tsu Na'su Chigama shondo'suja su: “Tsain'bitsse gi atapoeña que dushundeccuma. Nane majañi'qque agattoye osha'faya'bi tsu.

Génesis 16:10 Iomraidhean Croise

Génesis 13:16

Ña anttesi tsu tsendeccuja ande'su sisipa'caen tsain'bitssia've da'faya. Nane sisipafo'choma agattoye oshambiqquia'caen tsu que dutssiyendeccuja agatto'ma'sia've da'faya.

Génesis 16:9

Tsonsi Na'su Chigama shondo'suja su: —Toequi que na'suni japa tisema ñotsse pañajan.

Génesis 17:20

Toya'caen tayo gi paña que Ismaelne in'jan'choma. Tsane'qque gi ñotsse tsoña. Tisei'ccu'qque gi tsain'bitssi du'shuve atapoeña. Tise omba'su dutssiyendeccu'qque tsain'bitssi'faya tsu. Nane Ismael tsu doce ti'tsse'tssia nasundeccumbe quitsaya. Tisei'ccu gi fae rande ande'su aindeccuve atapoeña.

Génesis 21:13

Toya'caen sema'su pushesumbe du'shu'qque quembesi gi tise omba'su dutssiyendeccuve tsain'bitsse atapoensi tise'pa'qque joccapitssia a'ive da'faya.”

Génesis 21:16

Catipa biaccaccatsse japa dyai, du'shu paye tson'jen'choma caña'jeñe in'jambipa. Du'shu i'nañe ashaensi

Génesis 21:18

Jangipa du'shunga japa tise tivema indipa tisema jangianjan. Ñoa'me gi tisema ccushaemba fuiteya cuintsu tise dutssiyendeccu joccapitssia aindeccuve da'faye.”

Malaquías 3:1

Na'su Osha'choma Oshacho'cho Chigaja su: “Ñane afa'suma gi manda moeña cuintsu ña jiya'chove ñoñañe. Tsonsi tsu que'i ttatta'je'cho Na'suja junde tisu can'jen'cho ettinga ca'niña. Nane tise tsu que'i in'jan'cho Chigai'ccu injancco'fa'choma afa'suya.”

Juan 1:18

Minguite'qque a'ija Chigama atte'fambi. Tsa'ma Jesucristo Chiga Dutssi'yeyi tsu tise Yayai'ccu fae'ngae jinchopa Chigama inginga canjaen.

1 Timoteoga 6:16

Chiga Quitsayi tsu ñoa'me pa'masia. Tise ñotssiaye chanjunsi ni majañi'qque Tisenga catse'fambi. Nane a'ija Tisema attembipa ñoa'me atteye osha'fambi. Tisene gi tsangae ñotsse afa'faya'cho. Tsangae tsu Tiseja osha'choma oshacho. Tsangaeyi.

Jueces 6:11

Tsonsi Na'su Chigama sefacconi'su shondo'suja Ofra canqqueni jipa Joásmbe roble quini'jin'su tumbianccuni dyai. Tsa Joás tsu Abiezer'su a'i. Tse'tti roble jin'tti tsu Joás dutssi'ye Gedeónjan vino tsa'ccuve somboen'jen'cho changonga ca'ni ccutsupa trigoma qquesho'je madiandeccu tisema atte'fasa'ne.

Jueces 6:16

Tsa'caen susi Na'suja su: —Ña quei'ccu can'jensi qui pa'cco ña manda'choma oshaya. Nane madiandeccuma qui patsuya fae a'ima tssai amppian moenqquia'caen.