Génesis 15:1 - Cofán: Chiga Tevaen'jen

¹ Tsama omboe Na'su Chigaja Abramnga attiamba tisema su: —Dyombe canjan Abram. Ña gi quema fuite'su. Ña quenga afeya'choja ñoa'me injan'tssiya tsu.

Génesis 15:1 Iomraidhean Croise

Génesis 15:2

Tsa'ma Abramjan tisema su: —Na'su Chiga, ¿jongoesune tsu bare ña osha'choma injan'tsse isuye? Ñajan dutssi'yeve me'choa gi. Nane Queja ñanga du'shuma afembisi me'cco pa'ninda tsu tsa Damasco canqque'su Eliezer–ñambe sema'su a'i–pa'cco ña an'bian'choma isuya.

Génesis 15:4

Tsa'ma Na'su Chigaja tisema su: —Que an'bian'choma isuya'choja ñoa'me quembetsse dutssi'yeya tsu. Nane Eliezer isuya'bi tsu.

Génesis 21:17

Chigaja pañamba tisema sefacconi'su shondo'suma moe. Sefaccone tsu Chigama shondo'suja Agarma ttu'sepa su: “¿Micomba qui tsa'caen dyai, Agar? Dyombe canjan. Tayo tsu Chigaja paña du'shu tseni ccuipa ina'jen'choma.

Génesis 22:1

Omboe Chigaja Abraham tise've in'jan'chove atesuye in'jamba mandacan. Tsa'caen in'jamba tise inisei'ccu tisema ttu'sesi Abrahamjan su: —Vani gi can'jen.

Génesis 22:20

Tsa'caen tsomba omboe Abrahamjan paña tise quinshin Nacorne. Nacor pushe Milca'qque dushundeccuve an'bian'choma paña.

Génesis 26:24

Tsequi cose Na'su Chigaja tisenga attiamba su: “Ña gi que yaya Abrahambe Chiga. Dyombe can'jenjan. Ña gi quei'ccu can'jen. Nane ñama shondo'su Abrahamma in'jamba gi quema'qque in'jamba ñotsse tsoña. Toya'caen gi que omba'su dushundeccuve ti'tsse atapoeña.”

Génesis 31:7

Tsa'caen semasi tiseja ñama afopoemba tsu anttembe'yi ña afepoen'choma cambi'bian. Tsa'ma Chiga Quitsaja se'pi cuintsu tise ñama egae tsoñe.

Salmos 5:12

Nane, Na'su, sundaro tisuma panshaenqque'suma tiveni an'biamba tisuma piccoqquia'caen quema in'jan'chondeccuma in'jamba coiraja.

Salmos 91:4

Nane arapa tise sanccopai'ccu du'shuma piccoqquia'caen tsu tiseja quema coiraya. Tise sanccopa tsosiccuni can'jensi tiseja ñotsse'yi quema tsomba quema piccoqquia'caen a'tupa an'biaña.

Éxodo 14:13

Tsa'ma Moisésja tise'panga su: —Dyombe can'faja. Ñotsse in'jamba caña'jen'faja Na'su Chiga que'ima ccushaeña'choma. Nane minga'ni'qque qui ja'ño que'i atte'cho egiptondeccuma ccase atte'faya'bi.

Isaías 40:10

Na'su Chigaja Oshachoma Oshachopa ja'ño tsu ji. Nane Tise tivei'ccu tsu oshachoma patsu'je. Jipa tsu tise afepoeña'choma i, ño'anga ñotssiama afepa eganga egama afeye.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Números 12:6

qquen su: “Va ña que'inga su'choma paña'faja: Minga'ni Chiga Aya'fama afa'su que'i'ccu can'jeni ñajan attian'choi'ccu toya'caen ayo'oni tisema afa'je.

Números 24:4

Ñoa'me Chiga su'choma pañamba afa'cho tsu. Nane tiseja andenga ccuiye amppisi Osha'choma Oshacho'cho Chiga tisenga canjaemba tise tso'fema fettasi tsu atte.

Mateo 28:5

Tsomba pushesundeccu catsesi Chigama sefacconi'su shondo'suja tise'pama su: —Dyombe can'faja. In'jan gi que'ija avuja'cconga fi'tti'fa'cho Jesúsve qui ttattacan'fa.

Mateo 8:26

Tsonsi Jesús su: —¿Jongoesie qui ñame in'jambipa dyo'fa? Qquen supa jangi ccutsupa fingiama iyu'usi vuiqui. Shave'pama'qque iyu'usi ñoa'me ppimppianccuve da.

Lucas 1:13

Tsa'ma Chigama sefacconi'su shondo'suja tisema su: —Dyojama Zacarías. Tayo tsu Chiga Quitsaja que iñajan'choma paña. Que pushe Elisabetja tsandie du'shuve tsu isuya. Tisema qui inisian'faya Juanme.

Lucas 1:30

Tsa'caen dyosi Chigama sefacconi'su shondo'suja ti'tsse condase: —Dyombe canjan, María. Chigaja ñoa'me quema ñotsse in'jan.

Lucas 12:32

Que'i qui ña in'jan'cho ovejandeccu. Re'ricco'fa qui. Tsa'ma dyombe can'faja. Chiga que'i Quitsave in'jamba Tise in'jan'chove tta'ttasi tsu Tiseja que'ima na'suve tsoña.

Tson'fa'cho 10:22

Tsendeccuja su'fa: —Capitán Cornelio mandasi gi ji'fa. Tiseja ño'a a'i. Chigave in'jamba dyoe'sui'ccu Tisema pañamba canse. Poiyi'cco israendeccu'qque tisema ñotsse in'jan'fa. Tsa ño'a Chigama sefacconi'su shondo'su tsu Cornelioma manda cuintsu quema ttu'sesi queja tise tsaoni japa afasi tiseja que su'choma pañañe.

1 Corinto'su 3:22

Nane Pablo, Apolos, Pedro'qque que'imbe tsu que'inga atesiañe. Pa'cco agattoen'choja que'imbe tsu. Que'imbe tsu tsangae canseya'cho. Que'imbe tsu papa vana'jen'choma pasaya'cho. Ja'ño osha'choma an'biamba qui jai'ngae'qque ti'tsse an'bian'faya. Nane osha'cho tsu que'imbe.

Deuteronomio 31:6

Que'i injama'choma ñoñamba quinse'tsse iyicco'faja. Dyombe'yi tise'pai'ccu geraen'faja. Nane Na'su que'i Chiga tsu que'ima catimbe'yi que'i'ccu fae'ngae iyiccoya.”

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Canjaen'cho 1:17

Tisema attepa gi tise tsutteccofanga paqquia'caen amppi ccui. Tsa'ma tiseja tansinfa'su tivei'ccu ñama pporaemba su: —Dyombe canjan. Ña gi Me'ttie'su toya'caen Osefa'tti'su.

Rut 2:12

Que tsa'caen tsomba Na'su israe'su Chiganga jipa tise coira'je'choni ño'faqquia'caen can'jen'ninda cuintsu tise antteja quenga ñotsse afepa tsoña'chove.

1 Samuel 15:10

Tsa'caen tson'fasi Na'su Chigaja Samuelnga su: