Génesis 12:7 - Cofán: Chiga Tevaen'jen

⁷ Abram tseni can'jensi tsu Na'su Chigaja tisenga attiamba su: “Va andema gi que dutssiyendeccunga afeya.” Tsa'caen tisenga attiamba susi Abramjan Na'su Chiganga afeye oque'je'chove tse'ttinga ccutsian.

Génesis 12:7 Iomraidhean Croise

Génesis 12:8

Omboe tsene sombopa Betel canqquema chiga sombo'jefa'su ccotta'cconga japa tise carpama ccutsian. Tseni can'jen'ninda tsu Betel canqqueja chiga amppi'jefani. Toya'caen chiga sombo'jefani tsu Hai canqque. Abram tseni can'jemba faesu Chiganga afeye oque'je'chove ccutsian Na'su Chigama iñajañe.

Génesis 13:15

Quenga gi afeya pa'cco que camba atte'cho andema. Tsangae qui queja, que omba'su dutssiyendeccu'qque va andema an'bian'faya.

Génesis 13:17

Tsa'cansi jangipa pa'cco ande bia'sunga attaja'sunga'qque jacamba canjan ña quenga afe'cho andema.”

Génesis 13:18

Tsa'caen susi Abramjan pa'cco tise an'bian'choma ñoñamba Hebrón canqque pporotsse japa ccotta'cco'su roble quini'ccoccuni can'jen. Tseni'su na'suja Mamre tsu. Tseni can'jemba Abramjan Chiganga afeye oque'je'choma ccutsian Na'su Chigama iñajañe.

Génesis 13:4

Tse'ttinga tsu tayoeja Chiganga afeye oque'je'choma ccutsian. Tsa'camba tsu toe'ttingayi Na'su Chigama iñajan.

Génesis 15:18

Tsa'caen tsu tsequi a'ta Na'su Chigaja Abrami'ccu injanccopa tisema su: —Va andema gi que omba'su dutssiyendeccunga afeya. Egipto'su naene pa'cco tsa Eufrates na'en jimpi.

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Génesis 17:3

Tsama pañamba Abramjan andenga puntssan ccui. Puntssan ccui'ni'qque toya tsu Chigaja afapa su:

Génesis 17:8

Quenga, toya'caen poiyi'cco tsendeccunga gi pa'cco Canaán andema afeya. Nane que'i ja'ño can'jen'cho andema gi tsangae que'inga afepa tsangae que'i Chigave daya.

Génesis 18:1

Tsonsi Na'su Chiga ccase Abrahamnga attian Mamrembe roble quini'ccoccuni. Enttinge a'ta a'que'osi Abrahamjan tise carpa tsa'o'su sombo'ttini dyai.

Génesis 22:9

Tsomba Chiga su'cho oque'jeni nepipa Abrahamjan oque'je'chove ñoñamba si'tsima'qque tsanga ñoña ccuiña. Tsa'caen ñoñamba tise dutssi'ye Isaacma tandamba oque'je'chonga ccuiña si'tsi ombanga.

Génesis 24:7

Na'su Chiga tsu quema o'tie tisema sefacconi'su shondo'suma moeña. Nane Sefacconi'su Na'su Chigaja ñama somboen ña yaya tsa'o'ye, ña antian ande'ye'qque. Ñama somboemba tsu ñoa'me su va andema afeye ña dushundeccunga. Tsa Chiga tsu tisema sefacconi'su shondo'suma quema o'tie moeña cuintsu in'jaensi tseni'su pushesuma iye ña dutssi'ye pusheve.

Génesis 26:25

Tsa'caen susi pañamba Isaacja Chiganga afeye oque'je'chove ñoñamba tsanga Na'su Chigama iñajan'jen. Tse'tti cansesi tisema shondosundeccuja faesu tsa'ccu posove dyan'dya'fa.

Génesis 26:3

Ja'ñojan va andeni can'jenjan. Ñajan quei'ccu can'jemba gi quenga ñotsse tsoña. Nane pa'cco va andema gi quenga toya'caen que dushundeccunga'qque afeya. Tsa'caen gi tsoña que yaya Abrahamnga su'choma naniñe.

Génesis 28:13

Toya'caen tsu atte Na'su Chiga tsai'ccu pporotsse ccutsupa qquen afa'je'choma: “Ña gi Na'su que yaya ccashe'ye Abrahambe Chiga. Toya'caen que yaya Isaacmbe Chiga. Quenga toya'caen que omba'su dushundeccunga gi que ja'ño ccui'cho andema afeya.

Génesis 28:4

Chigaja Abrahamnga ñotsse tsoñe su'chopa tsu quenga ñotsse tsomba que omba'su dushundeccunga'qque ñotsse tsoña. Nane ja'ñoñi gi ccane ji'choa'caen va andeni canse'fa. Tsa'ma Chiga Abrahamnga suqquia'caen tsonsi qui va ande'su nasundeccuve dapa canse'faya.”

Génesis 32:30

Afasi Jacobja: “Tayo Chigama cambajunaccu atte'ma gi toya canse”–qquen supa tse'ttima inisian Penuel.

Génesis 33:20

Can'jemba tsu Chiganga afe'jeya'chove ñoñamba inisian El-Elohe-Israel.

Génesis 35:12

Va ande tayo Abraham Isaacnga afe'cho andeveyi gi quenga'qque afeya. Toya'caen gi que omba'su dutssiyendeccunga'qque afeya.”

Génesis 35:7

Tseni nepipa Chiganga afe'je'chove ñoñamba tse'ttima inisian El-betel. Nane tise antianma dyopa jayisi Chiga tse'ttinga attian'chosi tsu tsa'caen inisian.

Génesis 50:24

Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

Génesis 8:20

Tsonsi Noéjan Na'su Chiganga afeye oque'je'chove ccutsiamba osha'cho anqque'su vaura, oveja'can'ma, osha'cho anqque'su chhiririama'qque isupa oquepa Na'su Chiganga afe.

1 Reyes 18:32

tsai'ccu Na'su Chiganga afe'choma oque'je'chove ñoña. Ñoña nanimba tsambe utufama shoquendi'e andema dyan'dya tsanga tsa'ccu bo'ya'chove. Nane tso'si'e tsu pa'fu jongoesu injan'tssia'ma on'boeña'ca'en, cuatro, tsambi'ta cinco galónme.

Esdras 3:2

Bo'fasi Josadac dutssi'ye Josué, tisema fuite'su Chigama afasundeccu, toya'caen Salatiel dutssi'ye Zorobabel tise antiandeccu'qque Israel Chiganga afeye oque oraen'jen'chove ñoña'fa. Nane tsanga tsu jongoesuma oque oraemba Chiganga afe'je'faya'cho, Chiga in'jan'cho Moisés manda'cho mandaqquia'caen.

Éxodo 17:15

Tsomba Moisésja Chiganga afeye oque'je'chove ñoñamba tsama qquen inisian “Na'su Chiga tsu ña bandera.”

Éxodo 24:4

Tsa'caen su'fasi Moisésja pa'cco Na'su Chiga su'choma tevaen. Ccaqui a'ta ñoa'me sinte'yi jangipa ccotta'cco tsosiccuni Chiganga afeye oque'je'chove ñoña. Toya'caen dose patu biaccova'ma'qque ccutsutsian cuintsu dose Israel naccuve canjeñe.

Éxodo 32:13

Injan'jenjan quema shondo'su Abraham, Isaac, toya'caen Israelma'qque que tisu injama'choi'ccu in'jamba ñoa'me su'chove afapa qquen su'choma: ‘Que omba'su dutssiyendeccuma gi atapoeña cuintsu sefacconi'su o'fema agattoye oshambi'qquia'caen tise'pama'qque agattoye oshambiye.’ Toya'caen ‘Pa'cco va ña afeya qquen su'cho andema gi tsangae que'inga afeya.’

Éxodo 33:1

Na'su Chigaja Moisésnga su: —Va'ttie sombopa que Egiptone somboen'cho aindeccui'ccu jaja. Nane ña Abraham, Isaac toya'caen Jacobnga supa tise'pa omba'su dushundeccunga afeye su'cho andeni jaja.

Tson'fa'cho 7:5

Tsa'ma Chiga Quitsaja ni minga'vieyi'qque Abrahamnga andema afembi. Tsa'cansi Abraham: “Va andeja ñambe” qquen suye oshambi. Tsa'ma tsa'caen Abrahamnga afembipa Chiga Quitsaja jai'ngae afeya'chone conda. Nane Abraham toya du'shu mechoite Chigaja tsa andema tisenga, tise dutssiyendeccunga'qque afeye su.

Romanos 9:8

Qquen pañamba gi in'jan'fa poiyi'cco majan Abraham dushundeccuja Chiga dutssiyendeccumbi tsu. Tsa'ma majan a'i Chiga Abrahamma su'chove in'jamba tsendeccu tsu ñoa'me Chiga dutssiyendeccu.

Galacia'su 3:16

Tsa'caen Chigaja Abrahamnga, tise dutssi'yenga'qque jai'ngae tsoña'chone condase. Nane dutssiyendeccu qquen condambi tsu tsain'bio a'i qquen suye. Tsa'ma Dutssi'ye qquen tsu conda. Nane fae'ccoeyi tsu conda. Tsaja Cristo tsu.

Galacia'su 4:28

Tsa'cansi faengasundeccu, ingija Sara du'shu Isaac'can'fa gi. Patrón mechoa pushesumbe dushundeccu gi. Chiga susi isu'cho'fa gi.

Deuteronomio 30:20

Na'su que'i Chigama ñotsse in'jan'faja. Tisema ñotsse pañamba tise suqquia'caen tson'faja. Nane tise tsu que'ima cansian'su. Que'ima cansiansi qui bo'tsse canqque'fave can'jen'faya, que'i tayopisundeccu'yenga afeye su'cho andeni. Nane que'i tayopisundeccu'yenga Abraham, Isaac toya'caen Jacobnga'qque tsu Na'su Chigaja, ñoa'me su'choi'ccu tsa'caen su.”

Deuteronomio 34:4

Canjaemba Na'suja tisema su: “Va tsu ña Abraham, Isaac, Jacobnga'qque tise'pa dushundeccunga afeye qquen tansintsse su'cho ande. In'jamba gi quema canjaen que ca'niñambia'qque tso'fei'ccu atteye.”

Deuteronomio 6:10

Na'su Chigaja que'i tayopisundeccu'yenga, nane Abraham, Isaac toya'caen Jacobnga'qque, andema jai'ngae afeya'chone tansintsse conda. Ja'ño tsu Na'suja que'ima tsa andenga ca'niaña. Ñotssia rande canqque tsu tsa andeni jin, que'i canqquiambi'choa.

Hebreo'su 11:13

Poiyi'cco vandeccuja –Abraham, Isaac, Jacob'qque– Chigave in'jan'fa. Tsa'ma pa'cco Chiga tise'panga afeya'choma toya isumbe'yi pa'fa. Tso'fei'ccu attembi'ma injama'choi'ccu in'jan'fa Chigaja jai'ngae tise'pa a'ima tsain'bitsse atapoeña. Qquen in'jamba asi'ttaemba avujatssi'fa. Tise'paja ñoa'me va ande'su a'imbi qquen atesupa aqquia re'riccoe vani can'jenccaye qquen in'jan'fa.

Hebreo'su 11:8

Tsa'caeñi Abraham'qque Chigave in'jamba ñotsse pañasi Chigaja tisema ttu'sepa biani faesu andenga mandamaña. Tseni tisu andeve isupa an'biaña'chone conda. Mandamañasi Abrahamjan tise aindeccuma catipa ja. Tsa'ma tisu mani japa andeve isuya'choma atesumbe'yi ja.

Josué 1:6

Dyombi'tsse quinse'tsse ccutsuja. Tayo gi va aindeccumbe tayopisundeccunga conda va andema afeya'chove. Queja tsama attufaen'su.

Josué 8:30

Tsonsi Ebal ccotta'cconi Josuéja Na'su Israel Chiganga oque oraen'jeña'chove ñoña.

Jueces 6:24

Tsa'caen tsonsi Gedeónjan Chiganga afeye oque oraen'jen'chove ñoñamba tsama inisian “Na'su Chigaja opatsse tson'su tsu.” Ja'ño a'tapan tsaja toya ccutsu Abiezer aindeccu'su Ofra canqqueni.