Génesis 12:2 - Cofán: Chiga Tevaen'jen

² Quema ñotsse tsomba gi que dutssiyendeccui'ccu ti'tsse'tssi a'ive tsoña. Nane quei'ccu ña poiyi'cco a'ima ñotsse tsonsi tsu poiyi'cco a'i que inisema ñotsse afa'faya.

Génesis 12:2 Iomraidhean Croise

Génesis 13:16

Ña anttesi tsu tsendeccuja ande'su sisipa'caen tsain'bitssia've da'faya. Nane sisipafo'choma agattoye oshambiqquia'caen tsu que dutssiyendeccuja agatto'ma'sia've da'faya.

Génesis 15:5

Tsa'caen supa Na'suja Abramma tsoteni angapa su: —Sefacconima ñotsse camba o'fema agattocanjan; da osha've'se qui. Nane tsa'caen tsu que dutssiyendeccuja agattoye oshambi'tsse atapaya.

Génesis 17:20

Toya'caen tayo gi paña que Ismaelne in'jan'choma. Tsane'qque gi ñotsse tsoña. Tisei'ccu'qque gi tsain'bitssi du'shuve atapoeña. Tise omba'su dutssiyendeccu'qque tsain'bitssi'faya tsu. Nane Ismael tsu doce ti'tsse'tssia nasundeccumbe quitsaya. Tisei'ccu gi fae rande ande'su aindeccuve atapoeña.

Génesis 18:18

Nane tiseja tsain'bitssi a'ive atapasi joccapitssia aindeccuve tsu da'faya. Tisei'ccu gi poi ande'su aindeccuma ñotsse tsoña.

Génesis 18:19

Nane tisema gi in'jan cuintsu tise mandasi tise dushundeccu, tise omba'su dutssiyendeccu'qque ña su'choma pañamba ñotsse canse'faye. Tsa'caen tson'ninda gi pa'cco ña su'choma tsoña.”

Génesis 19:29

Tsa'caen tsu Chigaja tsa Jordán na'en sinjunccu'su canqquema sefaen cati. Abraham antianmbe du'shu Lot tseni can'jen'choma Na'su Chigaja Abrahamma in'jamba Lotma ccushaen.

Génesis 24:1

Na'su Chiga osha'choi'ccu tisema ñotsse tsonsi tsu Abrahamjan coenza ccashe'yeve dapa canse.

Génesis 24:35

Na'su Chiga tsu ña na'suma ñotsse in'jamba ricove tson. Nane osha'choma tsu tisenga afe: ovejandeccu, vaurandeccu, cori, totoacori, sema'su tsandiendeccu, sema'su pushesundeccu, cameyondeccu, toya'caen borondeccuma'qque.

Génesis 25:11

Abraham tayo pasi Chigaja Isaacma ñotsse tson. Nane Isaacja “Chiga cansepa ñama atte” qquen inisecho'cho Lajairoi poso jin'ttini canse.

Génesis 26:3

Ja'ñojan va andeni can'jenjan. Ñajan quei'ccu can'jemba gi quenga ñotsse tsoña. Nane pa'cco va andema gi quenga toya'caen que dushundeccunga'qque afeya. Tsa'caen gi tsoña que yaya Abrahamnga su'choma naniñe.

Génesis 26:4

Que omba'su dushundeccuma gi atapoeña sefacconi'su o'feacan'tsse. Tsomba gi pa'cco va andema afeya. Toya'caen gi que omba'su dushundeccui'ccu poi ande'su aindeccuma ñotsse tsoña.

Génesis 27:29

Tsain'bio a'i tsu quema paña'faya. Nane faesu ande'su aindeccu'qque quenga ccaru dyai'faya. Que antiandeccuma'qque qui mandaya. Nane que mamambe dushundeccu'qque quenga ccaru'faya. Majan quenga egae tsoña'chove afa'ninda Chiga tsu tisenga egae tsoña. Tsa'ma majan quenga ñotsse tsoña'chove afa'ninda Chiga tsu tisenga ñotsse tsoña.”

Génesis 28:14

Nane tsendeccu tsu atapa'faya tsain'bitssi sisipa andeni jinqquia'cantsse. Tsa'caen atapapa tsu attufacco'faya majandeccuja cambajufanga, majandeccuja sepaccofanga, majandeccuja tansinfanga, toya'caen majandeccuja pavefanga. Nane tsa'caen attufapa tsu que, tisu omba'su dushundeccu'qque poi ande'su aindeccuma ñotsse tson'faya.

Génesis 35:11

ti'tsse qquen su: “Ña gi Osha'choma Oshacho'cho Chiga. Tsain'bitssi du'shuve an'biamba qui omba'su dushundeccuve'qque tsain'bitsse atapaja. Nane que'ye tsu tsain'bio aindeccuve sombopa fae naccuve da'faya. Tsa que omba'su dutssiyendeccu'su tsu nasundeccuve da'faya.

Génesis 46:3

Tsa'caen susi Chigaja su: —Ña gi Chiga Quitsa, que yaya'yembe Chiga. Dyombe'yi Egiptoni jaja. Nane tseni gi que omba'su dushundeccuve tsain'bitsse atapoeña.

Éxodo 1:7

Tsa'ma israendeccuja tsain'bio dushundeccuve an'biamba ñoa'me ti'tsse tsain'bitsse atapapa ti'tsse joccapitssia've da'fa. Nane tsa Egipto ande on'batsse tsu atapa'fa.

Éxodo 32:10

Ja'ño ñama antteja ña iyicca'ye'choi'ccu metsse tsendeccuma sefaeñe. Tsa'ma que'i'ccu gi tsain'bitssi a'ive atapoeña.

Números 14:12

Nane ñoa'me paqque'suma gi tise'panga moeña cuintsu andema isumbe'yi pa'faye. Tsa'ma quei'ccu gi ñoa'me tsain'bitssi aindeccuve atapoemba va israendeccuma ti'tsse quin'andeccuve tsoña.

Números 22:12

Tsa'caen pañamba Chigaja Balaamnga su: —Tise'pai'ccu jajama ni tsa aindeccuma qqueñajama. Tsendeccuta tsu ña in'jan'cho aindeccu.

Números 23:20

Tise ñotsse afaja qquen mandasi gi ñotsse afa'je. Chiga ñotsse afa'choma ñajan egae afaye oshambi.

Romanos 4:11

Chigaja “Abrahamjan ño'a” qquen supa tisema manda cuintsu tisu ttonoma tevaeñe tiseja tayo Chigave in'jan qquen canjaeñe. Tsa'camba tsu Abrahamjan poiyi'cco Chigave in'jan'chondeccumbe yaya. Nane ttonoma tevaembindeqquia'qque Chigave in'jan'da Abraham dushundeccuve tsu da'fa. Chigaja tsendeccuma'qque su “Que'ija ño'a'fa qui.”

Galacia'su 3:14

Cristo tsu ingine catiye'chove da, cuintsu tise've in'jamba ccusha'faye. Tise ccushaen'choi'ccu tsu israembindeqquia'qque fae'ngae ingi'ccu Abraham isuya'cho Chiga Qquendya'pama isu'faya.

Galacia'su 3:7

Tsa'cansi poiyi'cco majan Chigave in'jan'chota Abraham dutssiyendeccu tsu.