Génesis 11:4 - Cofán: Chiga Tevaen'jen

⁴ Omboe tsu su'fa: “Jinge rande canqqueve canqquiamba ñoa'me se'fatssia tsa'ove'qque tsao'ñañe sefacconi pporotsse. Tsa'caen tsao'ña'ninda tsu poiyi'cco cca'indeccuja ingima in'jan'faya joccapitssia've. Toya'caen tsa'caen tsomba gi biani attufambe'yi fae'ngae can'jen'faya.”

Génesis 11:4 Iomraidhean Croise

Génesis 6:4

Tsa'caen Chigave in'jan'cho tsandiendeccu faesu aindeccumbe onquengendeccuma pushepa du'shuve isu'fasi tsu rande quin'an aindeccuja andenga attian'fa. Nane bo'tsse tsa'caen pushe'je'fasi tise'pa dushundeccuja tayopi'su ti'tsse'tssia aindeccu tsu.

Daniel 4:11

Tsa quini'jin tsu coemba randeve da. Tise tsutopaja chiga sefacconi ppo'rotssi. Nane ande shaca'chone'qque qui tsama atteye osha.

Daniel 4:22

Que Ti'tsse'tssia'ma canjaen. Nane que coemba ma'caen ti'tsse joccapitssia've da'choma tsu canjaen. Nane Que Ti'tsse'tssia, osha'cho ñotssiama an'bian'cho tsu sefacconi ppo'rotsse atapa. Nane que manda'je'cho'qque tsu poi andeni ja.

Daniel 4:27

Ja'ño Ti'tsse'tssia, ña suqquia'caen qquen tsoncanjan: Ñotsse canseja ti'tsse egae tsincombe'yi. Tisu egae tsincon'choma anttepa va'chandeccuma fuiteye in'janjan. Isha qui tsa'caen tsomba ti'tsse ñotsse, avujatsse, toya'caen opatsse osha'choma an'biambaja canseya.’ ”

Daniel 4:30

qquen su: “Canjan Babiloniajan ñoa'me rande tsu. Ña gi tisu oshacho'choi'ccu ñoa'me va ande'su na'su can'jeña'cho canqqueve ñoña cuintsu aindeccu ña oshacho'choma atte'faye.”

Lucas 1:51

A'i quin'an tisu tivema canjaenqquia'caen Chigaja osha'choma oshapa canjaen. Aindeccu “Ña gi ño'a” qquen in'jan'ni'qque Chigaja tise'pama joqquitssian maña.

Juan 5:44

A'i “Queja ñotssi” qquen su'choma in'jamba tsa fae'ccoa Chiga “Queja ñotssi” qquen su'choma in'jambi'ta, ¿ma'caen qui que'ija Chigave in'jan'faya?

Deuteronomio 9:1

“¡Israendeccu, ñama paña'faja! Tayo tsu Jordánma iseya'cho nepi. Isepa qui que'ima ti'tsse quin'anma, ti'tsse injan'on aindeccuma patsuye ashaen'faya. Tise'pa rande canqquema'qque sefa'tssia ttuccui'ccu ttu'cho canqquema qui osuiamba patsu'faya.