Génesis 1:1 - Cofán: Chiga Tevaen'jen

¹ Me'ttia'ye Chigaja sefacco, andeve'qque agattoen.

Génesis 1:1 Iomraidhean Croise

Job 38:4

Ñajan va andema agattoensi ¿mani qui can'jen? ¡Ñoa'me atesu'cho'ta ñanga condaja!

Job 9:8

Nane faesu fuitembi'ma tisuyi tsu sefaccoma attajaemba mar shave'pa omba'ye tsui ja'jepa patsu.

Salmos 102:25

Me'ttia'ye queja andema agattoemba sefaccoma'qque attajaen.

Salmos 8:3

Sefaccoma camba gi atte que agattoen'choma. Nane cose'suchiga, o'fe'qque que agattoen'cho tsu. Tsama attepa gi qquen in'jan:

Salmos 8:4

¿Jongoesu tsu va ande'su a'ija? ¿Jongoesune qui tisema injan'jen? ¿Jongoesu tsu va ande'su tsandieja? ¿Jongoesune qui tisema in'jamba coira'je?

Éxodo 20:11

Nane Na'su Chigaja seis a'tayi tsu sefacco, ande, mar, osha'cho tsani can'jenqque'suve agattoemba septimo a'taja ño'fa. Tsa'camba tsa Na'su Chigaja tsequi a'tama ño'faya'chove anttepa tisema iñajaña'cho a'tave tson.

Éxodo 31:18

Na'su Chigaja Sinaí ccotta'cco'ye Moisésnga afa nanimba dos patufin'dima afe tise manda'chove tise tsimian'ccoi'ccu tevaen'choma.

Proverbios 3:19

Na'su Chigaja atesupa in'jan'choi'ccu andeve agattoemba osha'choma in'jamba sefaccove'qque agattoen.

Isaías 40:28

¿In'jan'fambi ti qui? ¿Paña'fambi ti qui? Na'suja tsangae canse'cho Chiga tsu. Nane va ande'su osha'choma agattoen'su tsu. Quimbimbe'yi can'jemba ño'faye atesumbi. Tise in'jan'choja ñoa'me joccapitssia tsu, a'i atesumbi'choa.

Isaías 42:5

Na'su Chigaja sefaccove agattoemba attajaen. Andema agattoemba tsa'ye sombo'chondeccuve'qque agattoen. A'ive'qque tsanga agattoemba qquendyaemba cansian. Qquen tsu tsaja tisema shondo'sunga su:

Isaías 65:17

“Que Canjan. Cuna sefacco, cuna andeve gi agattoeña. Tayo pasa'choma aqque'papa minguite'qque a'ija tsama injan'jeñambi.

Zacarías 12:1

Va tsu Na'su Chiga Israelne su'cho. Nane Na'suja sefaccove attajaenqquia'caen agattoemba andeve'qque ccuiñaqquia'caen agattoen. Toya'caen tise qquendya'pai'ccu a'ima qquendyaemba cansian. Tsa agattoemba cansian'su tsu tansintsse qquen conda:

Mateo 11:25

Tse'i Jesús Chiga Quitsama qquen iñajan: —Yaya Chiga Quitsa, Que qui Sefacconi'su Na'su. Pa'cco ande'su Na'su qui. Va ande'su injama'pandeqquianga qui Tisuma canjaembi. Tsa'ma injama'pandeqquianga Tisuma canjaembipa qui va du'shiacandeqquianga Tisuma canjaen. Nane ñotssia du'shu pañaqquia'caen tise'paja ñotsse pañamba in'jan'fa.

Marcos 13:19

Nane andeve agattointe ashaen'cho ja'ño'qque a'ija tsa'caen vana'fambi. Jai'ngae'qque a'ija tsa'caen ccase vana'faya'bi.

Tson'fa'cho 14:15

—Aindeccu, ¿jongoesie qui jova'caenjan tson'jen'fa? Ingija que'ia'caeñi a'i'fa gi. Ingita gi ji'fa ñotsse condase'choma condaseye. Nane osha'cho injanga iñajan'choma catipa ñoa'me canse'cho Chigave in'jan'faye gi condaseye ji'fa. Nane tsa canse'cho Chiga tsu sefacco, ande, marve agattoen'su. Toya'caen osha'cho sefacco, ande, marni jinqque'suve'qque tsu agattoen'su.

Tson'fa'cho 17:24

Tsa Chigayi tsu ñoa'me andeve, osha'cho tsani can'jenqque'suve agattoen'su Chiga. Tise tsu ñoa'me ande, sefaccone na'su. Tsaja a'i tsao'ña'cho tsaoni can'jembi'choa.

Tson'fa'cho 4:24

Tsonsi poiyi'cco pañamba fae'be aya'fa'caeñi Chiga Quitsama fae'ngae iñajan'fa: —Joccapitssia Na'su, que qui sefacco, ande, mar, osha'cho tsani jinqque'suve'qque agattoen'su.

Romanos 11:36

Chigaja osha'chove agattoemba Tise agattoen'choma qquendyaen cuintsu cansepa Chigaja ti'tsse'tssia qquen canjaeñe. Tsangae tsu Tiseja ti'tsse'tssia. Tsangaeyi.

1 Corinto'su 8:6

Tsa'ma ingija in'jan'fa fae Chigayi tsu jin. Tsaja Chiga Quitsa tsu. Tiseja osha'choma agattoensi ingija Tise in'jan'choma tsoñe canse'fa. Toya'caen fae Na'suyi tsu jin. Tsaja Na'su Jesucristo tsu. Tisei'ccu Chigaja osha'chove agattoemba ingive'qque agattoen.

Efeso'su 3:9

Ñama tsu manda ña candusiañe tsonsi cuintsu poiyi'cco a'i Chiga tayoe condambi'choave in'jan'faye. Tseyi Chiga andema agattointe Chigaja osha'choma in'jamba Tise in'jan'choma ni fae a'ingayi'qque condambi.

Hebreo'su 1:10

Toya'caen tsu su: Na'su, me'ttia'ye ñotsse ñoñamba qui va andeve agattoen. Sefacconi jincho'cho'qque que tivei'ccu agattoen'cho tsu.

Hebreo'su 1:2

Chigaja tayopi tsendeccui'ccu condasepa ja'ñojan Tise Dutssi'yema moen cuintsu inginga condaseye. Tseyi me'ttia'ye Chigaja Dutssi'yema oshaensi tsu osha'cho andeni, sefacconi jinqque'suve agattoen. Toya'caen Chigaja pa'cco agattoen'choma Dutssi'yenga afesi tise tsu pa'ccone na'su.

Hebreo'su 11:3

Chiga Aya'fama pañamba gi in'jan'fa Chiga tsu pa'cco andema, o'fema'qque agattoen. Tise in'jamba aya'fai'ccu afapa tsu tsa'caen tson. Nane Chigaja attembi'choama osha'cho atteqque'suve agattoen.

Hebreo'su 3:4

Nane a'i tsu tsao'ña'fa. Tsa'o ñotssisi cca'indeccuja tsane ñotsse afapa tsaoña'sune bove ñotsse afa'je'fa. Tiseja na'su tsu. Tsa'cansi Jesúsja Moisésma ti'tsse'tssia tsu. Moisésja aqquia a'i tsu. Tsa'ma Jesúsja a'ive agattoen'su tsu. Toya'caen Chigaja pa'tssine Na'su tsu.

2 Pedro 3:5

Nane tsendeccuja atesuye in'jan'fambi tayopi Chiga afasi sefacco, ande jincho'chove. Chiga afasi na'eñe sombopa na'eni jincho'cho tsu.

1 Juan 1:1

Tseyi me'ttia'ye tiseja can'jen. Tsa'ma ingija tisema paña'fa. Tisemajan ingi tso'fei'ccu gi atte'fa. Nane tisema camba gi ingi tivei'ccu pporaen'fa. Tsa Cansian'su Chiga Aya'fane gi condase'fa. Tsaja Jesucristo tsu.

Canjaen'cho 10:6

ñoa'me su'cho qquen canjaeñe. Nane tsangae canse'cho Chiga, tsa agattoen'su Chiga, sefaccove agattoemba pa'cco sefacconi jinqque'suve agattoen. Ande, andeni jinqque'suve, mar, marni jinqque'suve'qque tsayi agattoen. Tsa'caen joccapitssiasi sefacconi'su shondo'suja ñoa'me su'cho qquen canjaeñe Tisema iñajamba qquen afa: —Ti'tsse ron'dambe'yi tsu tayo napiji.

Canjaen'cho 14:7

Fundondo'e afapa su: —Dyoe'sui'ccu Chiga Quitsama in'jamba ñotsse afa'faja. Tayo tsu osefaeña'cho a'ta napiji Tise poimbe injama'choma somboeña'cho. Tiseja sefacco, ande, mar, tsa'ccu sombo'je'ttima'qque agattoen'su. Tisema iñajan'faja.

Canjaen'cho 21:6

Omboe tsu ccase su: —Tayo tsu nani. Ña gi Ashaen'su. Ña gi Nani'su. Majan tsaqquie'su'ninda gi corifin'dive iñajambe'yi cansiaña'cho tsa'ccu sombo'je'choma cui'ñaña.

Canjaen'cho 22:13

Ña gi Ashaen'su toya'caen Nani'su. Me'ttie'su gi Osefa'tti'su'qque. Osha'chove Agattoen'su gi Osefaen'su'qque.

Canjaen'cho 3:14

Toya'caen Laodicea canqque'su Jesúsve in'jamba bo'fa'choma coira'sunga qquen tevaenjan: Qquen tsu tsangaeyi tson'suja su. Tsa Chiga mandaqquia'caen tansintsse conda'su, tsa pa'cco Chiga agattoen'chove agattoen'suja qquen tsu su:

Canjaen'cho 4:11

Ingi Na'su, ingi Chiga qui. Ñoa'me qui ñotssia cuintsu ingija Quema in'jamba ñotsse afa'faye. Ñotssia qui osha'choma mandaye. Nane Queja osha'chove agattoemba mandaye osha. Que in'jansi tsu jin'fa. Que in'jamba agattoensi tsu canse'fa.