Éxodo 9:23 - Cofán: Chiga Tevaen'jen

²³ Tsa'caen mandasi Moisésja tise tivema sefacconingae yasasi Na'su Chigaja tsandama afaen. Nane tsanda veyaemba afasi tsandapandaquija pa'cco Egipto andenga amppi'fa.

Éxodo 9:23 Iomraidhean Croise

Génesis 19:24

Tseni nepisi tsu Na'su Chigaja unjima tuiñaqquia'caen si'ngema asufrei'ccu amppian moe Sodoma toya'caen Gomorra canqquenga.

Éxodo 19:16

Dos a'ta pasasi tsanda tsu veyaemba afa'je. Toya'caen sintssia unjimba'cco tsu tsa ccotta'ccoma picco. Nane tsonjen'cho quian'me jen'choma pañamba poiyi'cco canjensundeccu ttun'dundu'je'e dyo'fa.

Éxodo 20:18

Poiyi'cco israendeccu tsu tsa tsanda veyaemba afa'choma, tsonjen'cho jen'choma, toya'caen ccotta'cco'ye onfen'ba sombo'choma attesundeccu. Tsa'ma tsama attepa ñoa'me dyopa tse'ttie joqquitssi'cca'fa.

Éxodo 9:18

Que'i tsa'caen in'jan'ninda gi tu'ija qquia'ni mandaya cuintsu rande tsandapandaqui amppi'faye. Nane tseyi Egipto andeve ashaente ja'ñoa'ngae tsa'cantssi tsandapandaqui amppimbi.

Éxodo 9:24

Tsandapandaqui tsa'caen amppi'jesi tsanda'qque veyaemba oque'je. Nane tseyi Egipto andeve ashaente ja'ñoa'ngae tsa'cantssi tsandapandaquija amppipa cansembi.

Canjaen'cho 16:18

Tsonsi tsanda tsu veyaen. Veyaemba jen'jemba quia'me afa. Ande'qque quia'me oya. Nane minguite'qque andeja tsa'caen oyambi.

Canjaen'cho 16:21

Rande tsandapandaqui'qque sefaccone a'inga amppi'fa. Majanjan ñoa'me rande patiaca'on. Nane fae tsandapandaqui tsu cien librave tssaiña. Chiga tsa'caen a'ima ñoa'me vanaemba tsa'caen fi'ttisi tsu a'ija Chigama afase'fa.

Canjaen'cho 8:7

O'ti'su sefacconi'su shondo'su jeñasi tsandapandaqui, si'nge'qque anjampai'ccu echho'chhoemba a'i can'jen'cho andenga amppi'fa. Amppisi ande, fae tercera'su enttingeccoyi tsu ju'ru sefa. Quini'cco'qque fae tercera'su enttingeccoyi tsu ju'ru sefa. Toya'caen pa'cco inzia shoshovi'qque ju'ru sefa.