Éxodo 8:8 - Cofán: Chiga Tevaen'jen

⁸ Tsama attepa faraónjan Moisés toya'caen Aarónme ttu'senga'faye manda. Tise'pa jisi qquen su: —Na'su Chigama iñajan'faja cuintsu ña'ñe toya'caen ña aindeccu'ye sapoma joqquitssiañe. Tsa'caen tsonsi gi que aindeccuma antteya cuintsu japa Na'su Chiganga oque oraemba afe'faye.

Éxodo 8:8 Iomraidhean Croise

Éxodo 10:16

Tsonsi faraónjan uta'tsseyi Moisés toya'caen Aarónme ttu'senga'faye manda. Tise'pa jisi qquen su: —Ñoa'me gi que'i Na'su Chiganga toya'caen que'inga'qque egae tsincon.

Éxodo 10:17

Tsa'camba gi iñajan ja'ñoñi'qque ña egae tsincon'chone aqque'papa ñane Na'su Chigama iñajan'faja cuintsu va tsangae fi'ttiqque'su paqque'suma ña'ñe joqquitssiañe.

Éxodo 10:18

Tsa'caen susi Moisésja faraón tsa'o'ye sombopa japa Na'su Chigama iñajan.

Éxodo 14:5

Tsa'caen tson'jen'fa'ni egipto'su na'sunga conda'fa israendeccu ccuyapa ja'choma. Pañamba faraón toya'caen tisema shondosundeccu'qque asi'ttaemba ccaningae in'jamba qquen su'fa: “¿Jongoesu qquen in'jamba gi antte'fa cuintsu israendeccu ingi'be sema'jen'choma anttepa tsa'caen ja'faye?”

Éxodo 32:11

Moisésja tsa'caen in'jambipa Na'su Chigama ñoquiañe in'jamba qquen su: —Ña Na'su, ¿jongoesie qui que aindeccuma iyicca'ye? Nane queyi qui tise'pama Egiptone somboen osha'cho paqque'sui'ccu tsomba.

Éxodo 5:2

Tsa'ma faraónjan pañamba su: —¿Majan tsu tsa ‘Na'su Chiga’ ña tisema pañamba israendeccu jaye antteye? Nane atesumbi gi tsa na'suve, ni antteya'bi gi cuintsu israendeccu sombopa ja'faye.

Éxodo 8:15

Tsa'ma tsa'caen tise vana'jen'choma vuiquiansi faraónjan ccase iyicca'yepa se'pipa Moisés toya'caen Aarón su'choma pañañe in'jambi ma'caen Na'su Chiga suqquia'caen.

Éxodo 8:29

Tsa'ma Moisésja su: —Ñoa'me sombopa jayipa gi Na'su Chigama iñajaña cuintsu tu'ija que'ye, quema shondosundeccu'ye toya'caen que aindeccu'ye'qque tenqquen'choma joqquitssiañe. Tsa'ma aqquia israendeccu, Na'su tise'pa Chiganga oque oraemba afe'faye moeña'caen afopoen tsinconjama.

Éxodo 8:32

Tsa'ma tsa'caen joqquitssiansi faraónjan ccase iyicca'yepa se'pipa israendeccu jaya'chove anttembi.

Éxodo 8:9

Tsama pañamba Moisésja su: —Ñanga condaja minga'ni ña quene, quema shondosundeccune toya'caen que aindeccune'qque iñajañe qui in'jan cuintsu sapo que'ye toya'caen que tsa'o'ye joqquitssisi jo'su na'emeñi can'jeñe.

Éxodo 9:27

Tsonsi faraónjan Moisés toya'caen Aarónme ttu'senga'faye manda. Tise'pa jisi qquen su: —In'jan gi ña egae tsincon'choma. Nane ña, toya'caen ña aindeccu gi shacapa'fa. Na'su Chigaja shacapambi tsu.

Éxodo 9:28

Panshaen tsu tsanda toya'caen tsandapandaqui ingima vanae'jen. Tsa'cansi gi ti'tsse que'ima sepi'jeye in'jambi. Nane Na'su Chigama ingine iñajansi gi que'i jaye antteya.

Éxodo 9:33

Faraóin'ccu afa nanimba Moisésja tsa canqque'ye sombopa tise tivema Na'su Chiganga yasapa iñajan. Tse'faei'ccuyi tsandapandaqui, unjin toya'caen tsanda'qque ziya.

Números 21:7

Tsa'caen pa'je'fasi Moisésni japa qquen su'fa: —¡Na'su Chiga toya'caen quema'qque afasepa gi ñoa'me egae tsincon'fa! ¡Na'su Chigama iñajanjan cuintsu ingi'ye iyoma joqquitssiañe! Tsa'caen su'fasi Moisésja Na'su Chigama iñajan cuintsu israendeccu egae tsincon'choma aqque'paye.

Tson'fa'cho 8:24

Qquen susi Simónjan su: —Na'su Chigama iñajan'faja ñane que suqquia'caen ña dasa'ne.