Éxodo 8:3 - Cofán: Chiga Tevaen'jen

³ Pa'cco na'en tsu sapoveyi goa'ttisi tsa'ye sombopa que tsa'onga ca'ni'faya. Ca'nimba tsu que anambaccuni, que ana'jen'chonga, quema shondosundeccumbe tsa'onga, que aindeccu tsa'onga toya'caen quembe panma mandyi'je'cho shavoccu, quembe panme matssan'jenccunga'qque ca'ni'faya.

Éxodo 8:3 Iomraidhean Croise

Salmos 105:30

Sapoma'qque injan'tsse isi ande'qque on'ba'o. Nane ande na'su anambaccu'qque sapoyi on'ba'o.

Éxodo 10:6

Pa'cco que tsa'onga quema shondosundeccumbe tsa'onga toya'caen poi egiptondeccumbe tsa'onga'qque tsu ttombuyi on'baya. Nane minga'ni'qque que yayandeccu, que yaya ccasheyendeccu'qque tsa'cantssia'ma attepa pa'fambi.’ Tsa'caen afa nanimba Moisésja piyipa faraón tsa'o'ye sombopa ja.

Éxodo 12:34

Tsonsi israendeccuja tise'pa ñoña'cho cupana'cco me'choa pan, mandyi'je'cho shavoccuni ccutsu'choma, injanga tise'pa sarupai'ccu onccamba opipa jaye ashaen'fa.

Éxodo 7:11

Tsa'caen tsonsi attepa faraónjan manda cuintsu tise atesu'cho injama'pandeqquia toya'caen tise mágicondeccuma'qque ttusengaye. Tsendeccu jipa tise'pa mágicoi'ccu tsa'caeñi tson'fa.

Éxodo 8:11

Pa'cco sapo tsu que tsa'o'ye jasi jo'su na'emeñi can'jeña. Ti'tsseja quema, ni quema shondosundeccuma, ni que aindeccuma noñangian'jeña'bi tsu.

Éxodo 8:2

Nane tise'pa jaye anttembiya'da gi sapoi'ccu pa'cco que andema vanaeña.

Éxodo 8:4

Nane sapoyi tsu buttotto'o shequeya que'ye, quema shondosundeccu'ye toya'caen poiyi'cco que aindeccu'ye'qque.’