Éxodo 8:11 - Cofán: Chiga Tevaen'jen

¹¹ Pa'cco sapo tsu que tsa'o'ye jasi jo'su na'emeñi can'jeña. Ti'tsseja quema, ni quema shondosundeccuma, ni que aindeccuma noñangian'jeña'bi tsu.

Éxodo 8:11 Iomraidhean Croise

Éxodo 4:21

Omboe Na'su Chigaja ccase Moisésma su: —Egiptoni nepi'ta ñotsse in'jamba ña quenga canjaen'choma faraónga canjaenjan. Tsa'ma ña gi tise injama'choma ta'etsse tsoña cuintsu israendeccu somboye anttembe cañe.

Éxodo 7:13

Tsa'caen tsonsi attepa faraónjan iyicca'yepa ñoa'me se'pipa tise'pa su'choma pañañe in'jambi, Na'su Chiga ma'caen suqquia'caen.

Éxodo 7:14

Omboe Na'su Chigaja Moisésnga su: —Faraónda tsu ñoa'me iyicca'yepa se'pi cuintsu israendeccu sombombe'yi can'faye.

Éxodo 8:12

Tsa'caen supa Moisés toya'caen Aarón faraón tsa'o'ye sombopa ja'fa. Japa Moisésja Na'su Chigama iñajan cuintsu tise faraónga moe'cho sapoma joqquitssiañe.

Éxodo 8:13

Moisés iñajansi Na'su Chiga tsa'caen tsonsi pa'cco sapo tsaoni sheque'cho, atandunduni sheque'cho toya'caen nasipani sheque'cho'qque pa'cco pa'fa.

Éxodo 8:3

Pa'cco na'en tsu sapoveyi goa'ttisi tsa'ye sombopa que tsa'onga ca'ni'faya. Ca'nimba tsu que anambaccuni, que ana'jen'chonga, quema shondosundeccumbe tsa'onga, que aindeccu tsa'onga toya'caen quembe panma mandyi'je'cho shavoccu, quembe panme matssan'jenccunga'qque ca'ni'faya.

Éxodo 8:9

Tsama pañamba Moisésja su: —Ñanga condaja minga'ni ña quene, quema shondosundeccune toya'caen que aindeccune'qque iñajañe qui in'jan cuintsu sapo que'ye toya'caen que tsa'o'ye joqquitssisi jo'su na'emeñi can'jeñe.