Éxodo 7:19 - Cofán: Chiga Tevaen'jen

¹⁹ Toya'caen tsu Na'su Chigaja Moisésnga su: —Toya'caen Aarónma mandaja cuintsu tise accuicco'choma isupa tise tivema yasaye egipto'su na'en, nai'qui, singu'ccu toya'caen ma'ttini tsa'ccuma ccutsian'chonga cuintsu pa'cco anjampaveyi daye. Nane poi tasa majan quini'ccoma ñoña'cho toya'caen majan patuma ñoña'chonga'qque anjampayi tsu ccutsuya.

Éxodo 7:19 Iomraidhean Croise

Génesis 1:10

Tsa'caen dasi Chigaja san'ama andeve inisian. Tsa'caen na'en fa'enga bo'choma'qque marve inisian. Inisiamba pa'ccoma camba ñotssisi attepa avujatssi. Avujatssipa

Éxodo 10:12

Tsa'caen joqquitssian'fasi Na'su Chigaja Moisésnga su: —Que tivema pa'cco egipto'su andenga yasaja cuintsu ttombu jipa tsandapandaqui dañoite dañongembeyi pasa'cho jomba'choma an sefaen'faye.

Éxodo 10:21

Tsonsi Na'su Chigaja Moisésnga su: —Que tivema sefacconingae yasaja cuintsu pa'cco Egipto andenga ñoa'me sintsse dasi aindeccuja vasecamba ja'je'faye.

Éxodo 14:16

Tsonsi que'ja que accuicco'choma isupa va marnga yasaja cuintsu enttinge'ye dosi israendeccu santsse ise'faye.

Éxodo 14:21

Moisés tise tivema marnga yasasi Na'su Chigaja chiga sombo'jeni'su fingiama moe. Tsa'caen moesi quian'me jipa pa'cco cose fingiamba enttinge'ye marma doña. Tsa'caen doñamba tsu Na'su Chiga enttinge marma san'ame tson

Éxodo 14:26

Tsa'ma Na'su Chigaja Moisésnga su: —Que tivema marnga yasaja cuintsu ccase na'eme dapa amppipa egiptondeccu, tise'pa caro toya'caen cavayoma'qque piccoye.

Éxodo 4:9

Tsa'ma va dos canjen'choma in'jambipa quema paña'fambian'da na'en'su tsa'ccuma ichhoipa andenga zaiñajan. Tsa na'en'su tsa'ccuma zaiñasi andenga japa tsu anjampave daya.

Éxodo 8:16

Na'su Chigaja ccase Moisésnga su: —Aarónma mandaja tise accuicco'choma isupa tsai'ccu ande'su sisipama ochhaiye cuintsu tsa'ye pa'cco Egipto andenga ocuveyi daye.

Éxodo 9:33

Faraóin'ccu afa nanimba Moisésja tsa canqque'ye sombopa tise tivema Na'su Chiganga yasapa iñajan. Tse'faei'ccuyi tsandapandaqui, unjin toya'caen tsanda'qque ziya.