Éxodo 7:10 - Cofán: Chiga Tevaen'jen

¹⁰ Tsa'caen susi pañamba Moisés toya'caen Aarón faraóni japa Na'su Chiga tise'pama mandaqquia'caen tson'fa. Aarón tise accuicco'choma faraón toya'caen tisema shondosundeccu caña'jen'ttinga ttova ccuiñasi tsa accuicco'choja iyove da.

Éxodo 7:10 Iomraidhean Croise

Éxodo 12:28

japa Na'su Chiga Moisés toya'caen Aarónga mandaqquia'caen tson'fa.

Éxodo 4:3

Na'su Chigaja su: —Andenga ttova ccuiñajan. Tsa'caen mandasi Moisés andenga ttova ccuiñasi tse'faei'ccuyi accuicco'choja iyove da. Tsa'caen dasi Moisésja dyopa butto joqquitssi.

Éxodo 7:15

Tsa'ma tu'ija sinte'yi japa ronda'jeja na'en otafani tise andesi atteye. Tsa accuicco'cho iyove da'je'choma angaja.

Éxodo 7:20

Moisés toya'caen Aarón tsu Na'su Chiga mandaqquia'caen tson'fa. Aarónjan tise accuicco'choma isupa faraón toya'caen tisema shondosundeccu caña'jen'ni na'en'su tsa'ccuma ochhaisi pa'cco tsa'ccu anjampaveyi da.

Éxodo 7:6

Moisés toya'caen Aarónjan pa'cco ma'caen Na'su tise'pama mandaqquia'caen tsu tson'fa.

Éxodo 7:9

—Faraón canjaen'chove que'ima iñajan'ninda Aarónma suja cuintsu tise accuicco'choma isupa faraón dyai'tti'su andenga ttova ccuiñañe cuintsu iyove daye.

Marcos 16:18

iyoma tivei'ccu indi'ni'qque tisema sinttuya'bi; paqque'su seje'pama cu'i'a'qque paji'suve daya'bi; toya'caen pajisundeccuma tivei'ccu pporae'ninda ccusha'faya.

Lucas 10:19

¡Que canjan! Tayo gi antte que'ija tini, iyonga tsui'a'qque qui vana'faya'bi. Que'ima chi'gasundeccuma qui patsu'faya. Me'i'on tsu jongoesu que'ima dañoña'chove.