Éxodo 5:1 - Cofán: Chiga Tevaen'jen

¹ Tsa'caen condase nanimba Moisés toya'caen Aarón faraónga japa qquen su'fa: —Qquen tsu israendeccumbe Na'su Chigaja su: ‘Antteja cuintsu ña aindeccu a'i menia japa ñane fiestaen'faye.’

Éxodo 5:1 Iomraidhean Croise

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Éxodo 10:4

Nane que tise'pama moeñe ti'tsse sepi'je'ninda gi tu'ija pa'cco que andenga ttombuma moeña.

Éxodo 10:9

Moisés pañamba su: —Nane ingi dushundeccu, coenzandeccu, dutssiyendeccu, onquengendeccu toya'caen ingi oveja, vaura'qque tsu ja'faya'cho. Ingine'ja Na'su Chigane randeve fiestaeña'cho tsu.

Éxodo 3:18

Tsa'caen susi tsu coenzandeccu quema pañamba quei'ccu fae'ngae egipto'su na'sunga ja'faya. Tsa'caen japa qui na'sunga qquen suya: ‘Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi in'jan'fa ingima antteja tres a'ta pa'cco a'i menia japa oque oraemba ingi Na'su Chiga Quitsanga afeye.’

Éxodo 33:13

Nane ñoa'me que su'cho tsa'camajan que asi'ttaemba in'jan'choma ñanga canjaenjan cuintsu ñajan que suqquia'caen tsoña'chove atesupa toya quei'ccu jacan qquen injan'jeñe. Ñotsse in'janjan va aindeccuja que aindeccu tsu.

Éxodo 4:23

Tayo gi su: Antteja cuintsu ña dutssi'ye sombopa ñama iñajan'ga'faye. Tsa'ma tise'pa somboye anttembiya'da gi que dutssi'ye coenzama fi'ttiya.’

Éxodo 7:16

Cachuipa qui qquen suya: ‘Tsa Na'su Chiga, hebreondeccumbe Chiga tsu ñama moe quenga qquen suye: Antteja cuintsu ña aindeccu japa a'i menia ñama iñajan'faye. Tsa'ma vama'qque que pañambian'da

Éxodo 8:1

tsu Na'suja Moisésnga qquen su: —Ccase faraónga japa qquen suja: ‘Qquen tsu Na'su Chigaja quema su: Antteja cuintsu ña aindeccu japa ñama iñajan'faye.

Éxodo 8:16

Na'su Chigaja ccase Moisésnga su: —Aarónma mandaja tise accuicco'choma isupa tsai'ccu ande'su sisipama ochhaiye cuintsu tsa'ye pa'cco Egipto andenga ocuveyi daye.

Éxodo 8:17

Tsa'caen tsu tson'fa. Aarón tise accuicco'choi'ccu ande'su sisipama ochhaisi pa'cco egipto'su sisipaja ocuve dapa poiyi'cco aindeccu toya'caen tise'pa aiña'chondeccuma'qque sutsa'je'fa.

Éxodo 8:20

Na'su Chiga ccase Moisésnga su: —Tu'ita tsu faraónjan sinte'yi naeni andeya. Tsa'cansi toya cose'yi jangipa japa ronda'jepa qquen suja: ‘Qquen tsu Na'su Chigaja quema su: Antteja cuintsu ña aindeccu japa ñama iñajan'faye.

Éxodo 8:27

Tsa'cansi tsu tres a'ta pa'cco a'i menia japa tseni fi'ttipa oque oraemba ingi Na'su Chiganga afeya'cho tise suqquia'caen.

Éxodo 9:1

Tsa'caen tsonsi Na'su Chigaja ccase Moisésnga su: —Faraónga japa qquen suja: ‘Qquen tsu Na'su, hebreondeccumbe Chigaja, quema su: Antteja ña aindeccuma cuintsu japa ñama iñajan'faye.

Éxodo 9:2

Tise'pa jaye anttembipa toyayi que sepi'je'ninda

Mateo 10:18

Ju, que'i ñame in'jansi tsu governarorondeccunga, ande nasundeccunga'qque que'ima indipa anga'faya. Angasi qui tsendeccunga'qque ñane conda'faya. Israembindeqquianga qui ñane conda'faya.

Mateo 10:28

Dyo'fajama majan que'i ai'voma fi'ttiye osha'fa. Nane tsendeccuja que'i qquendya'pama fi'ttiye osha'fambi. Tsa'ma Chiga tsu a'i qquendya'pama, a'i ai'voma'qque si'nge anchanda'je'chonga catipa fi'ttiye osha. Tisema qui dyo'faya'cho.

Tson'fa'cho 4:29

Ja'ñojan, Na'su, tise'pa iyu'u'choma pañamba que shondosundeccuma fuiteja ingija dyombi'tsse que Aya'fama afa'faye.

1 Corinto'su 5:8

Tsa'cansi jinge Chiga manda'cho an'jen'choma añe, tssoru cupana'ccoma catiqquia'caen pa'cco tisu egae in'jan'choma catiye. Pa'cco egae tson'choma'qque cati'faya'cho. Pan cupana'cco mechoama anqquia'caen jinge ñotsse in'jamba tsa'caen ñotsse tson'faye.