Éxodo 33:3 - Cofán: Chiga Tevaen'jen

³ Ja'faja. Nane tseni tsu chocho, tuño cuñajun'cho'qque tsa'qquia'caen sombo'je'cho ande. Tsa'ma ñajan que'i'ccu fae'ngae jaya'bi gi in'jamba'qque que'ima utu tsaiquinga sefaensa'ne. Nane que'ita qui ñoa'me injiengembitssi'fa.

Éxodo 33:3 Iomraidhean Croise

2 Reyes 17:14

Tsa'ma aindeccuja paña'fambi. Nane tise'pa tayopisundeqquia'caeñi tsosinambipa Na'su tise'pa Chigave in'jan'fambi.

Salmos 78:8

Tsa'caen in'jamba cansepa tise'pa tayopisundeqquia'can'faya'bi. Nane tise'pa tayopi'su coenzandeccuja tsosinai'ccu pañambipa injama'choni'qque in'jambipa Na'su Chiga in'jan'chove tson'fambi.

Éxodo 23:21

Tise'ye attufa'fajama. Tisema ñotsse paña'faja pañambiqquia'caen tsinconsa'ne. Nane tiseja ñoa'me ña'cantsse afa'su tsu. Que'i egae tsincon'choma aqque'paya'bi tsu.

Éxodo 3:17

Toya'caen tsu su: Egiptondeccu vanae'jen'cho'ye gi somboemba cananeo, hitita, amorreo, ferezeo, heveo toya'caen jebuseondeccu can'jen'cho andeni angaya. Tsa andeni tsu chocho toya'caen tuño cuñajun'cho'qque shacaya'mbi.’

Éxodo 3:8

Tsa'camba gi vani ande egiptondeccu tson'jen'choma itsapa ccushaeñe. Nane tsa ande'ye gi israendeccuma somboemba ñotssia rande andenga angaya. Tseni tsu chocho toya'caen tuño cuñajun'cho'qque shacaya'bi. Tsa ande tsu cananeo, hitita, amorreo, ferezeo, heveo toya'caen jubuseondeccu canse'cho ande.

Éxodo 32:14

Moisés tsa'caen susi Na'su Chigaja tise aindeccuma dañoñe in'jan'choma antte.

Éxodo 33:5

Nane Na'su Chiga tsu Moisésnga qquen su: —Israendeccunga vama condaja: ‘Que'i qui ñoa'me injiengembitssi'fa. Nane ña que'i'ccu aqquia re'riccoe can'jen'choecan'da gi metsse que'ima sefaeñe'can. Ja'ñoñi sasiyo, andupama'qque antte'faja. Tsonsi gi atteya ma'caen que'ima tsoña'chove.’

Éxodo 34:9

qquen su: —¡Na'su! ¡Na'su! Ñoa'metsse que ñama in'jan'da ingima angacanjan. Va aindeccuta tsu ñoa'me injiengembitssi'fa. Tsa'ma ingi egae tsincon'choma aqque'papa ingija quembe'fa qquen injan'jenjan.

Jonás 3:10

Chigaja Nínive'su a'i egae tson'choma anttepa ñotsse canseye in'jan'choma atesupa ñoquipa tise'pama sefaen catiye su'choma antte.

Números 13:27

Canjaemba Moisésnga su'fa: —Ja'fa gi que ingima manda'cho andeni. Ñoa'me tsu tsenijan chocho toya'caen tuño cuñajun'cho'qque shacaya'bi. Toya'caen va tsu tseni naqque'su teta'cho.

Números 14:12

Nane ñoa'me paqque'suma gi tise'panga moeña cuintsu andema isumbe'yi pa'faye. Tsa'ma quei'ccu gi ñoa'me tsain'bitssi aindeccuve atapoemba va israendeccuma ti'tsse quin'andeccuve tsoña.

Números 14:8

Na'su Chiga ñoa'me ingima in'jan'da tsu fuitepa tsa andenga ingima ca'niamba tsangae afeya. Nane tsa ande tsu chocho toya'caen tuño cuñajun'cho'qque shacaya'bi.

Números 16:13

¿‘Ñotssi tsu’ qquen ti qui in'jan que ingima chocho, tuño cuñajun'cho shacambitssia ande'ye joqquitssiansi cuintsu va a'i menia qquipoe'supa pa'faye? Toya'caen: ¿‘Ñotssi tsu’ qquen ti qui in'jan ingima ti'tsse joccapitssia na'suve daye qquen in'jamba?

Números 16:21

—¡Joqquitssi'faja va aindeccu ccutsu'ttie! ¡Junde gi tise'pama nepiañe tson'jen!

Números 16:45

—¡Joqquitssi'faja va aindeccu'ye! ¡Junde gi tise'pama fi'ttiye tson'jen! Tsama pañamba Moisés toya'caen Aarón andenga puntssan ccuipa

Tson'fa'cho 7:51

Tsa'ma que'ija toyayi qui injama'choi'ccu in'jan'fambi. Tsonsinai'ccu'qque pañambipa qui injama'cho'qque atesumbindeqquia injama'choa'cañi'fa. Toyayi qui Chiga Qquendya'pama pañambiqquia'caen in'jan'fambi. Ñoa'me qui tayopi'su a'ia'cañi'fa.

Josué 5:6

Nane israendeccu cuarenta canqque'fave a'i menia jacamba poiyi'cco Egiptone sombo'cho tsandiendeccu, sundarove ca'niñe nepi'chondeccuja, tayo pa'fa. Nane tise'pa tayopi'su coenzandeccunga Na'su Chigaja andema afeye su, chocho toya'caen tuño cuñajun'cho'qque shacambitssia andema. Tsa'ma tsendeccu ñotsse pañambisi Na'suja tsendeccuma ñoa'me su'choi'ccu su cuintsu tise afeye su'cho andema attembe'yi pa'faye.