Éxodo 32:4 - Cofán: Chiga Tevaen'jen

⁴ Tsonsi Aarónjan isupa tsa corima tssutssiamba fiña cuintsu vaura du'shua'caen somboye. Tsomba ñoñaqque'su yoshavai'ccu ñoa'me nanitsse nani. Tsonsi poiyi'cco a'i tsama attepa qquen su'fa: —¡Israendeccu, va tsu que'i chiga, que'ima Egiptone somboen'su!

Éxodo 32:4 Iomraidhean Croise

1 Reyes 12:28

Tsa'caen tisema fuitesundeccuma iñajampañamba tsu dos corima ñoña'cho vaura quitsaye'can'me ñoñamba aindeccunga su: “Israendeccu, nanitssi tsu que'i Jerusaléni japa ji'je'cho. Vani qui que'ima Egipto'ye somboen'su chigandeccuma an'bian'fa.”

1 Reyes 12:32

Toya'caen tsu tsa chigama iñajaña'cho a'tave afa tsa ccovu ocho'su a'ta quincema. Nane Judáni Chigama iñajamba afe'choma oque oraemba afeqquia'caen tsu fae'ngatsse fiestaen'jeñe manda. Tsa'caen tsu Jeroboamjan Betelni japa ñoña'cho cori vauranga oque oraen'jen. Nane tsa chiga'can'me iñajan'jen'ttima Betelni ccutsiamba tseni'su afasundeccuma'qque ccutsiamba tseni Betelni japa ñoña'cho vaurama iñajan'jen'ttinga afe'choma afe.

Éxodo 20:2

“Ña gi Na'su, que Chiga, que Egiptoni tsangae sema'suve da'cho'ye somboen'su.

Éxodo 20:4

“Ñoña'cho chiga'can'me ñoñajama. Ni sefani jinqque'suve, ni andeni jinqque'suve, ni ande tsosini'su marni jinqque'suve chiga qquen ñoñajama.

Éxodo 32:1

Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?

Éxodo 32:24

Tsonsi gi ñajan su: ‘Majan corima an'bian'da afe'faja.’ Tise'pa corima afesi gi si'ngenga catisi tsu va vaura du'shuve sombo.

Éxodo 32:3

Tsa'caen susi poiyi'cco tise'pa tsosina'su cori sasiyoma battiamba Aaróni anga'fa.

Éxodo 32:35

Tsa'caen supa Na'su Chigaja tsa Aarón ñoña'cho vaurama iñajansundeccunga paqque'suma moe.

Éxodo 32:5

Tsa'caen tson'fasi attepa Aarónjan oque oraenqque'suve tsa vaura du'shui'ccu pporotsse ñoñamba qquen fundo: —¡Jinge tu'i fiestaen'faye Na'suma ñotsse afaye!

Éxodo 32:7

Tsonsi Na'su Chigaja Moisésnga su: —¡Junde andepa jaja! Egiptone que somboen'cho aindeccu tsu qqueye tson'jen'fa.

Éxodo 32:8

Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’

Tson'fa'cho 17:29

Chiga dushundeccuve'can'da qui que'i in'janqquia'caen in'jan'fambiye'can. ¿Ma'caen tsu Chigaja cori, totoa cori, patuma ñoña'choya? Nane a'ija aqquia injanga tisu injama'choi'ccu in'jamba tsa'caen ñoña'fa.

Tson'fa'cho 7:41

Qquen manda'fasi vaura du'shua'ca'me ñoñamba ccutsian tise'pa chigave. Tsa'caen ccutsiansi ovejama fi'ttipa oque oraen'fa tise'pa in'jansi ñoña'cho chiganga. Nane avuja'fa tise'pa tivei'ccu ñoña'cho chigama.

1 Corinto'su 10:7

Ñoña'cho chigama in'jan'fajama. Majan tsendeccu'su tayoe tsa'caen in'jamba egae tsincon'fa. Tayo tsu tise'pane tevaen: “A'ija dyaipa an'jemba cui'jettie jangi boiraye.” Boirapa tsu ñoña'cho chiganga iñajan'fa.