Éxodo 3:8 - Cofán: Chiga Tevaen'jen

⁸ Tsa'camba gi vani ande egiptondeccu tson'jen'choma itsapa ccushaeñe. Nane tsa ande'ye gi israendeccuma somboemba ñotssia rande andenga angaya. Tseni tsu chocho toya'caen tuño cuñajun'cho'qque shacaya'bi. Tsa ande tsu cananeo, hitita, amorreo, ferezeo, heveo toya'caen jubuseondeccu canse'cho ande.

Éxodo 3:8 Iomraidhean Croise

Génesis 11:5

Tsa'ma Na'su Chigaja a'i ñoña'cho canqquema atteye ande. Toya'caen tsu a'i ñoña'cho se'fatssia tsa'oma atteye in'jan.

Génesis 11:7

Jinge andepa tise'pa aya'fama ccaningae cambiamba qqueñañe cuintsu poiyi'cco tisupapora ñotsse pañambe'yi can'faye.”

Génesis 15:13

Tsa'caen dyosi Na'suja tisema su: —Atesuya'cho tsu que dutssiyendeccu faesu andeni can'jemba tsenima aqquiatsse ganambe semasundeccuve da'faya'choma. Tsa'caen dapa tsu cuatro ciento canqque'fave me'detsse vana'faya.

Génesis 15:14

Tsa'ma tise'pama vanaesundeccumbe injama'choma gi somboeña. Nane tsa andema gi vanaeña que dutssiyendeccuma ccushaeñe. Ccushapa sombopa tsu osha'cho ñotssia bare'choma an'bian'faya.

Génesis 18:21

Tsane gi japa atesuya tise'pa ña pañaqquia'caen tsincon'choma. Attepa gi in'jaña.

Génesis 43:11

Tsa'caen susi tise yayaja su: —Ccaningae tsoñe oshambi'ta qquen tson'faja: Tsa a'inga afeya'chove que'i saquiyonga anga'faja. Nane va ande'su bove ñotsse jincho'cho'suma anga'faja, re'ricco balsa'mo seje'pa, re'ricco tuño cuñajun'cho, ñome'ba, mirra seje'pa, ccasepa'cho toya'caen almendra.

Génesis 46:4

Quei'ccu fae'ngae gi Egiptoni jaya. Toya'caen ñañi gi que omba'su dushundeccuma tsa ande'ye somboeña. Nane que pa'ni'qque tsu Joséja quei'ccu jinchoya.

Génesis 50:24

Fae a'ta Joséja tise antiandeccunga su: “Re'ricco tsu shaca ña paya'cho. Tsa'ma Chiga Quitsa tsu jipa que'ima fuite'jeya. Toya'caen tise tsu va ande'ye que'ima somboemba Abrahamnga, Isaacnga, toya'caen Jacobnga afeye su'cho andenga que'ima angaya.”

Salmos 34:8

Tsa'cansi Na'suma atesucamba canjan tise ñotsse tson'choma atesuye. ¡Nane avujatssi tsu majan tisuma Na'sunga afe'su!

Salmos 91:15

Ñama iñajansi gi pañamba afaya. ¡Nane ña gi tisei'ccu can'jeña! Tise injama'choma gi vuiquiaña cuintsu opatsse can'jeñe. Toya'caen gi tisema ñotssiave tsoña.

Éxodo 12:41

Nane tsa'caen cuatro ciento treinta canqque'fave nepi'cho a'ta tsu poiyi'cco israendeccu tsain'bitsse atapa'chondeccuja Na'su Chiga sundarondeqquia'caen tsa ande'ye sombo'fa.

Éxodo 3:17

Toya'caen tsu su: Egiptondeccu vanae'jen'cho'ye gi somboemba cananeo, hitita, amorreo, ferezeo, heveo toya'caen jebuseondeccu can'jen'cho andeni angaya. Tsa andeni tsu chocho toya'caen tuño cuñajun'cho'qque shacaya'mbi.’

Éxodo 34:11

“Ja'ño ña que'inga manda'choma ñotsse tson'faja. Ña gi amoreondeccu, cananeondeccu, hititandeccu, ferezeondeccu, heveondeccu toya'caen jebuseondeccuma'qque joqquitssiamba tsa andema que'inga afeya.

Éxodo 5:23

Nane tseyi ña jipa faraónga que mandasi afa'choma afasi tsu ti'tsse que aindeccuma vanae'jen. Tsa'ma queja mingae'qque tsomba tsa vanasundeccuma ccushaembi.

Números 13:18

Ñotsse in'jamba can'faja tsa andema. Toya'caen tsani can'jensundeccuma can'faja: ¿Osha'faya'cho ti?–tsambi'ta, ¿patsuye'faya'cho? Toya'caen, ¿re'ricco a'i ti?–tsambi'ta, ¿tsain'bitssi?

Números 13:19

Tise'pa canqquema'qque ñotsse can'faja. ¿Aqquia carpani ti can'jen'fa?–tsambi'ta, ¿ttuccuni ti ta'etssia tsaoni can'jen'fa? Toya'caen, ¿tise'pa can'jen'cho ande ti ñotssia?–tsambi'ta, ¿ega?

Números 13:27

Canjaemba Moisésnga su'fa: —Ja'fa gi que ingima manda'cho andeni. Ñoa'me tsu tsenijan chocho toya'caen tuño cuñajun'cho'qque shacaya'bi. Toya'caen va tsu tseni naqque'su teta'cho.

Juan 3:13

Majañi'qque sefacconi ansundepa andepa conda'fambi. Tsa'ma Sefaccone Ji'cho A'i gi andenga ande'cho condaye osha.

Juan 6:38

Ñajan sefaccone jimbi gi tisu in'jan'chove tsoñe. Tsa'ma ñama moen'su in'jan'chove tsoñe gi ji.

Deuteronomio 6:3

Tsa'cansi, israendeccu, Chiga manda'choma pañamba tson'faja. Nane tsa'caen tsomba qui tsa andeni ñotsse cansepa ti'tsse'tssi aindeccuve atapa'faya. Na'su que'i tayopisundeccumbe Chiga tise'pama tansintsse suqquia'caen tsa andeni tsu chocho toya'caen tuño cuñajun'cho'qque shacaya'bi.

Deuteronomio 7:1

Na'su, que'i Chigaja, que'i an'biaña'cho andenga ca'niamba siete ande'su aindeccuma, que'ima ti'tsse quin'an, ti'tsse tsain'bitssia aindeccuma tteya mañaña. Nane hititandeccu, gergeseondeccu, amorreondeccu, cananeondeccu, ferezeondeccu, heveondeccu, jebuseondeccuma'qque tsu tteya mañaña.

Josué 5:6

Nane israendeccu cuarenta canqque'fave a'i menia jacamba poiyi'cco Egiptone sombo'cho tsandiendeccu, sundarove ca'niñe nepi'chondeccuja, tayo pa'fa. Nane tise'pa tayopi'su coenzandeccunga Na'su Chigaja andema afeye su, chocho toya'caen tuño cuñajun'cho'qque shacambitssia andema. Tsa'ma tsendeccu ñotsse pañambisi Na'suja tsendeccuma ñoa'me su'choi'ccu su cuintsu tise afeye su'cho andema attembe'yi pa'faye.

Josué 9:1

Jordánma chiga amppi'jefa'su nasundeccu tsa tson'choma pañamba bo'fa israendeccui'ccu iyiccoye. Nane majan ccotta'cconi canjensundeccu, sinjunccuni canjensundeccu toya'caen rande mar otafani canjensundeccu Líbano andepie, tsu Josuéi'ccu iyiccoye bopa condasecco'fa. Nane tsa hitita'su, amorreo'su, cananeo'su, ferezeo'su, heveo'su toya'caen jebuseo'su nasundeccu tsu tsa'caen bo'fa.

Josué 9:7

Tsa'ma israendeccuja tsa heveondeccunga su'fa: —Isha que'ija ingi'ccu pporotsse canjensundeccumajan ¿ma'caen gi que'i'ccu fae'ngae injancco'faya?