Éxodo 3:21 - Cofán: Chiga Tevaen'jen

²¹ Toya'caen gi egiptondeccunga tsoña cuintsu israendeccu sombo'je'ninda ñotsse camba moe'faye. Tsa'caen camba moesi tsu me'cco jambe'yi osha'choma anga'faya.

Éxodo 3:21 Iomraidhean Croise

Génesis 15:14

Tsa'ma tise'pama vanaesundeccumbe injama'choma gi somboeña. Nane tsa andema gi vanaeña que dutssiyendeccuma ccushaeñe. Ccushapa sombopa tsu osha'cho ñotssia bare'choma an'bian'faya.

Génesis 39:21

Na'su Chigaja Joséi'ccu can'jemba tisu ñotsse tsoña'chove canjaen'jen. Nane cuintsu picco'jeccuni'su na'su Joséma ñotsse in'jaña'chove Chigaja antte.

1 Reyes 8:50

Que aindeccu quenga egae tsincon'choma joqquitssianjan. Tise'pa quenga iyicca'ye'choma'qque ñoquianjan. Toya'caen tise'pama patsusundeccuma in'jaenjan cuintsu que aindeccuma mende'yepa ñotsse tson'faye.

Nehemías 1:11

Chigáne Na'su, ña quema iñajansi, toya'caen quema shondosundeccu iñajansi, pañamba tsa'caen tsonjan. Nane avujatsse gi quema ñotsse afa'je'fa. Toya'caen ña na'suni japa iñajansi tisema in'jaenjan cuintsu ñame in'jamba ña iñajan'choma afeye.”

Salmos 105:37

Tse'i Chigaja tise aindeccuma Egipto'ye somboen. Nane injan'tsse cori, totoacorima'qque andupa dyombi'tsse quin'sui'ccu sombo'fa.

Salmos 106:46

Nane Na'su ccaningae tsomba in'jaensi Israelma patsusundeccu'qque tise'pama mende'yepa ñotsse tson'fa.

Éxodo 11:2

Tsa'ma ja'ño israendeccuma mandaja tsandiendeccu, pushesundeccu'qque cuintsu tise'pai'ccu pporotsse canjen'su tsandiendeccuma toya'caen pushesundeccuma'qque cori, totoacorima ñoña'choma iñajan'faye.

Éxodo 11:3

(Nane Na'su Chiga egiptondeccuma in'jaensi tsendeccuja israendeccuma ñoa'me ñotsse in'jan'fa. Toya'caen faraónma shondosundeccu, poiyi'cco egipto'su aindeccu'qque Moisésja tise'pama ti'tsse joccapitssia qquen in'jan'fa.)

Éxodo 12:35

Toya'caen Moisés mandaqquia'caen poiyi'cco egiptondeccuma cori, totoacorima ñoña'cho toya'caen sarupave'qque iñajan'fa.

Éxodo 12:36

Iñajan'fasi Na'su Chigaja egiptondeccuma in'jaen cuintsu se'pimbe'yi israendeccu iñajan'choma afe'faye. Israendeccu tsa'caen tsonsi tsu egiptondeccuja me'cco catiye'fa.

Tson'fa'cho 7:10

tise vana'jen'choma pasaen. Tsa'caen fuitepa Chiga in'jaensi José osha'choma atesuchosi Egipto'su na'su, Faraónjan tisema in'jan. Nane Faraónjan Joséma in'jamba na'su quini'cco'pave tson. Nane Egipto ande'su governarorve, Faraón tsa'o na'suve'qque tson.