Éxodo 3:18 - Cofán: Chiga Tevaen'jen

¹⁸ Tsa'caen susi tsu coenzandeccu quema pañamba quei'ccu fae'ngae egipto'su na'sunga ja'faya. Tsa'caen japa qui na'sunga qquen suya: ‘Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi in'jan'fa ingima antteja tres a'ta pa'cco a'i menia japa oque oraemba ingi Na'su Chiga Quitsanga afeye.’

Éxodo 3:18 Iomraidhean Croise

Génesis 12:1

Fae a'ta tsu Na'su Chigaja Abramma su: “Que andema catipa ña quenga can'jeña'cho andenga jaja. Nane que antiandeccu, que yaya tsa'oma'qque catipa jaja.

Génesis 14:13

Tsa'ma fae'cco tseni'su a'ija ccushapa sombopa Hebreo a'i Abramnga conda'su ji. Nane Abramjan toya tsa Amorreo a'i Mamrembe roble quini'ccoccuni can'jen. Mamre antiandeccu Escol, toya'caen Aner'qque Abramma fuitesundeccu tsu.

Génesis 15:1

Tsama omboe Na'su Chigaja Abramnga attiamba tisema su: —Dyombe canjan Abram. Ña gi quema fuite'su. Ña quenga afeya'choja ñoa'me injan'tssiya tsu.

Génesis 17:1

Tsomba Abram noventa y nueve canqque'fave an'bian'ni Na'su Chigaja tisenga attiamba su: —Ña gi Chiga Osha'choma Oshacho'cho. Ña in'janqquia'caen shacave me'cho canseja.

Génesis 48:3

Jangi dyaipa Josénga su: —Tsa Chiga Osha'choma Oshacho'cho tsu Canaán ande'su Luz canqqueni ñanga attiamba ñotsse afapa

Salmos 110:3

Que aindeccuja dyombe'yi tsu Zión ccotta'cconga bo'faya que patsuya'cho a'ta nepisi. Nane suruno sinte pa'ccoma piccopa chanjunqquia'caen qui queja poi a'ta cuname daya.

Éxodo 10:3

Tsa'caen susi pañamba Moisés toya'caen Aarón faraóni japa qquen su'fa: —Qquen tsu Na'su Chiga tsa hebreondeccumbe Chigaja quema su: ‘¿Minga'ni qui ñama utu'ccoa've da qquen in'jaña? Antteja cuintsu ña aindeccu japa ñama iñajan'faye.

Éxodo 17:5

Tsonsi Na'suja su: —Majan coenzandeccuma angapa canqquesundeccu caña'jen'fa'ni panshanjan. Toya'caen na'ema ochhai'je'cho quini'ccoma'qque angapa panshanjan.

Éxodo 19:1

Israendeccuja tise'pa Egiptone sombo'cho tres ccovuve nepisi Sinaí a'i menia nepi'fa.

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Éxodo 3:16

Japa israe'su coenzandeccuma boñamba qquen condaja: ‘Na'su Chiga Quitsa que'i tayopi'su coenzandeccumbe Chiga, nane Abraham, Isaac, toya'caen Jacobmbe Chiga tsu ñanga attiamba qquen su: Que'ima injan'jemba gi egiptondeccu que'ima ma'caen tson'jen'choma atte.

Éxodo 4:1

Na'su Chiga tsa'caen susi Moisésja su: —Aindeccuja ñama paña'faya'bi ni ña su'choma in'jan'faya'bi. Tsa'camba tsu ñama su'faya ‘Na'su Chigaja quenga attiambi.’

Éxodo 4:23

Tayo gi su: Antteja cuintsu ña dutssi'ye sombopa ñama iñajan'ga'faye. Tsa'ma tise'pa somboye anttembiya'da gi que dutssi'ye coenzama fi'ttiya.’

Éxodo 4:31

Tsama pañamba aindeccuja ñotsse in'jan'fa. Na'su Chiga tise'pama injan'jemba tise'pa vana'jen'choma attesi puntssamba Chigama iñajan'fa.

Éxodo 5:1

Tsa'caen condase nanimba Moisés toya'caen Aarón faraónga japa qquen su'fa: —Qquen tsu israendeccumbe Na'su Chigaja su: ‘Antteja cuintsu ña aindeccu a'i menia japa ñane fiestaen'faye.’

Éxodo 5:3

Tsonsi Moisés toya'caen Aarónjan su'fa: —Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi tres a'ta pa'cco a'i menia jayi'fa oque oraemba ingi Na'su Chiga Quitsanga afeye in'jamba'qque osha'cho paqque'sui'ccu tsambi'ta matichi'ccu ingima fi'ttiya'chove manda anttesa'ne.

Éxodo 7:16

Cachuipa qui qquen suya: ‘Tsa Na'su Chiga, hebreondeccumbe Chiga tsu ñama moe quenga qquen suye: Antteja cuintsu ña aindeccu japa a'i menia ñama iñajan'faye. Tsa'ma vama'qque que pañambian'da

Éxodo 8:1

tsu Na'suja Moisésnga qquen su: —Ccase faraónga japa qquen suja: ‘Qquen tsu Na'su Chigaja quema su: Antteja cuintsu ña aindeccu japa ñama iñajan'faye.

Éxodo 8:20

Na'su Chiga ccase Moisésnga su: —Tu'ita tsu faraónjan sinte'yi naeni andeya. Tsa'cansi toya cose'yi jangipa japa ronda'jepa qquen suja: ‘Qquen tsu Na'su Chigaja quema su: Antteja cuintsu ña aindeccu japa ñama iñajan'faye.

Éxodo 8:23

Nane ña aindeccuja que aindeqquia'cambi qquen canjeñe gi tsa'caen tsoña. Tu'i gi tsa'caen tsoña.’

Éxodo 9:1

Tsa'caen tsonsi Na'su Chigaja ccase Moisésnga su: —Faraónga japa qquen suja: ‘Qquen tsu Na'su, hebreondeccumbe Chigaja, quema su: Antteja ña aindeccuma cuintsu japa ñama iñajan'faye.

Éxodo 9:13

Tsonsi Na'su Chigaja Moisésnga su: —Tu'ija sinte'yi jangipa japa faraónga suja: ‘Qquen tsu Na'su Chiga tsa hebreondeccumbe Chigaja quema su: Antteja ña aindeccuma cuintsu japa ñama iñajan'faye.

Jeremías 26:5

ni ña aya'fama afasundeccu su'choma pañambi'ninda gi Silo'su ñama cachuicco'je'ttima nepianqquia'caen va Chiga ettima'qque nepiaña. Nane ña aya'fama afasundeccuma, fae'cco, fae'ccove moe'ñacca'ni'qque qui toya tise'pama paña'fambi. Toya'caen gi va canqquema egae tsoña cuintsu poi ande'su aindeccu ña iyicca'yepa tson'choma pañamba in'jan'faye.’ ”

Números 17:4

I'fasi tsu Cachuicco'je'tti'su carpanga angapa injancco'fa'chove canjaen'cho cafon ccui'ttinga ccuiñaña'cho, tsa ña que'i'ccu cachuicco'je'ttinga.

Josué 1:17

Nane Moisésma pañaqquia'caen gi quema'qque paña'faya. Tsa'ma Na'su que'i Chigaja Moisésma angacanqquia'caen tsu quema'qque angacaña'cho.