Éxodo 3:15 - Cofán: Chiga Tevaen'jen

¹⁵ Toya'caen Chigaja Moisésnga su: —Toya'caen israendeccungaja qquen suja: ‘Na'su Chiga Quitsa que'i tayopi'su coenzandeccumbe Chiga, nane Abraham, Isaac toya'caen Jacobmbe Chiga tsu que'ini ñama moe.’ Tsangae tsu tsa ña iniseja jinchoya. Nane tsangae tsu a'ija tsesu qquen ñama injan'jen'faya.

Éxodo 3:15 Iomraidhean Croise

Génesis 24:12

Manda ccuiñamba Chigama iñajan: “Na'su Chiga, ña na'su Abraham Chiga, ja'ño ñama fuitepa na'su Abrahamma ñotsse tsonjan.

Éxodo 3:13

Tsa'ma Moisésja ccase afapa su: —Ña israendeccunga japa: ‘Tsa que'i coenzandeccumbe Chiga tsu ñama que'ini moe’ qquen ña susi tsendeccu: ‘¿Jongoesu inise tsu?’ qquen iñajampaña'ninda ¿jongoesu qquen gi suya?

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Éxodo 4:1

Na'su Chiga tsa'caen susi Moisésja su: —Aindeccuja ñama paña'faya'bi ni ña su'choma in'jan'faya'bi. Tsa'camba tsu ñama su'faya ‘Na'su Chigaja quenga attiambi.’

Éxodo 4:5

Tsonsi Na'suja su: —Voe gi canjaen cuintsu Na'su, tise'pa tayopi'su coenzandeccumbe Chiga, nane Abraham, Isaac toya'caen Jacobmbe Chiga, quenga attian qquen in'jan'faye.

Isaías 42:8

Ña gi Na'su. Qquen tsu ña inise. Antteya'bi gi que'i ñanga afaqquia'caen faesuma tsa'caen ñotsse afa'faye. Nane se'piya gi que'i ñama iñajambipa ñoña'cho chigandeccuma iñajan'faye.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Daniel 2:23

Ña yayandeccumbe Chiga, quenga gi chigatsuafepaenján qquen supa queve in'jan que ñama atesu'chove tsomba toya'caen quin'anme tsonsi. Toya'caen qui ja'ñojan ingi in'jamba iñajan'choma a'tatsse canjaen. Tsa'caen qui inginga na'su asi'ttaemba vana'jen'choma a'tatsse canjaen.”

Malaquías 3:6

“Ña gi Na'su, cambian'masia. Tsa'camba gi que'ima nepiambi, que'i Jacob dushundeccuma.

Mateo 22:32

“Ña gi Abraham, Isaac, Jacobmbe Chiga.” Nane Na'su Chigaja pa'chombe Chigambi tsu. Tsa'ma cansendeccumbe Chiga tsu.

Tson'fa'cho 3:13

Nane Abraham Chiga –tsa Isaac, Jacobmbe Chiga– ingi coenzandeccumbe Chiga –tsayi tsu Tise Dutssi'ye Jesúsma ñoa'me'qque ti'tsse'tssia've tson. Tsa'ma que'i tsa Jesúsma indipa Pilatonga afe'fa. Pilato Jesúsma ccupaye in'jansi que'ija Jesúsma chi'gapa se'pi'fa.

Tson'fa'cho 7:32

qquen su'choma: “Ña gi que coenzandeccu'yembe Chiga. Nane Abraham, Isaac, Jacobmbe Chiga gi.” Qquen susi Moisésja ttun'dundu'je'e dyopa cañe oshambi.

Hebreo'su 11:16

Tsa'ma tseni jaye in'jambipa ñoa'me bove ñotsse can'jeña'chonga jaye in'jan'fa. Nane Chigave in'jamba tisu Chiga qquen supa sefacconi japa tsangae Tisei'ccu can'jeña'chonga jaye in'jan'fa. Tsa'caen in'jansi Chigaja tise'pai'ccu avujatssi. Tisu a'i'fa qquen supa tsu ñotssia canqqueve tise'pane ñoña tseni tise'pai'ccu tsangae canseye.

Hebreo'su 13:8

Nane Jesucristoja ccaningaembi. Tayópi, ja'ño, tsangae tsu ccaningaembi.