Éxodo 3:13 - Cofán: Chiga Tevaen'jen

¹³ Tsa'ma Moisésja ccase afapa su: —Ña israendeccunga japa: ‘Tsa que'i coenzandeccumbe Chiga tsu ñama que'ini moe’ qquen ña susi tsendeccu: ‘¿Jongoesu inise tsu?’ qquen iñajampaña'ninda ¿jongoesu qquen gi suya?

Éxodo 3:13 Iomraidhean Croise

Génesis 32:29

Tsonsi Jacobja ccane'qque iñajampaña: —Ja'ño condaja jongoesu inise qui queja. Tsa'ma tsa a'ija su: —¿Jongoesie qui ña iniseve iñajampaña? Tsa'caen supa tsa a'ija tse'ttingayi Chiga tisema ñotsse tsoña'chove afa.

Éxodo 3:12

Tsa'caen susi Chigaja su: —Ña gi quei'ccu can'jeña. Toya'caen va canjen'chota tsu ñoa'me ñotsse canjaemba quema manda'cho: Maqui a'ta queja, ña aindeccuma Egipto'ye somboen'da qui que'i poiyi'cco va'ttinga jipa ñama iñajan'faya.

Éxodo 3:14

Iñajampañasi Chigaja su: —ña gi ñoa'me ña. Toya'caen israendeccungata qui suya: ‘Tsa ña gi qquen su'cho tsu que'ini ñama moe.’

Éxodo 3:15

Toya'caen Chigaja Moisésnga su: —Toya'caen israendeccungaja qquen suja: ‘Na'su Chiga Quitsa que'i tayopi'su coenzandeccumbe Chiga, nane Abraham, Isaac toya'caen Jacobmbe Chiga tsu que'ini ñama moe.’ Tsangae tsu tsa ña iniseja jinchoya. Nane tsangae tsu a'ija tsesu qquen ñama injan'jen'faya.

Éxodo 7:16

Cachuipa qui qquen suya: ‘Tsa Na'su Chiga, hebreondeccumbe Chiga tsu ñama moe quenga qquen suye: Antteja cuintsu ña aindeccu japa a'i menia ñama iñajan'faye. Tsa'ma vama'qque que pañambian'da

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Jeremías 23:6

Tise manda'je'ni judándeccuja ccusha'faya. Nane israendeccuja opatsse canse'faya. Qquen qui tisema afa'faya: ‘Na'su ingima ccushaen'su qui.’ ”

Mateo 1:21

Tsandie du'shuve tsu isuya. Tise aindeccuma tsu tise'pa egae tsincon'cho'ye ccushaeña. Tsa'cansi tisema qui inisian'faya Jesúsve. Jesús qquenda tsu ccushaen'su qquen su.

Mateo 1:23

Toya tsandiei'ccu cansembi'choa pushesu tsu surie dapa tsandie du'shuve isuya. Du'shumbe iniseja Emanuelya tsu. Chiga ingi'ccu can'jen, qquen tsu suye in'jan.

Tson'fa'cho 3:13

Nane Abraham Chiga –tsa Isaac, Jacobmbe Chiga– ingi coenzandeccumbe Chiga –tsayi tsu Tise Dutssi'ye Jesúsma ñoa'me'qque ti'tsse'tssia've tson. Tsa'ma que'i tsa Jesúsma indipa Pilatonga afe'fa. Pilato Jesúsma ccupaye in'jansi que'ija Jesúsma chi'gapa se'pi'fa.

Jueces 13:17

Tsonsi Manoajan Na'sumbe sefacconi'su shondo'suma iñajampaña: —Condaja jongoesu inise qui, toya'caen minga'ni que suqquia'caen dasi cuintsu ingi quema ñotsse afa'faye.

Jueces 13:6

Tsa'caen susi pushesuja tise tsa'ndunga japa pa'ccoma condase: “Chigambe a'i tsu ñanga ji. Ñoa'me dyo'tsse Na'su Chigama shondo'sia'caen tsu attian. Tise mane ji'chove gi iñajampañambi. Ni tise'qque tisu inisema condambi.