Éxodo 3:10 - Cofán: Chiga Tevaen'jen

¹⁰ Tsa'cansi, que jaja. Quema gi moeña faraónga japa Egipto ande'ye ña aindeccuma, tsa israendeccuma somboeñe.

Éxodo 3:10 Iomraidhean Croise

Génesis 15:13

Tsa'caen dyosi Na'suja tisema su: —Atesuya'cho tsu que dutssiyendeccu faesu andeni can'jemba tsenima aqquiatsse ganambe semasundeccuve da'faya'choma. Tsa'caen dapa tsu cuatro ciento canqque'fave me'detsse vana'faya.

Génesis 15:14

Tsa'ma tise'pama vanaesundeccumbe injama'choma gi somboeña. Nane tsa andema gi vanaeña que dutssiyendeccuma ccushaeñe. Ccushapa sombopa tsu osha'cho ñotssia bare'choma an'bian'faya.

Salmos 105:26

Tsomba tse'i Chigaja tisema shondo'su Moisés, Aarónma'qque ttu'sepa tseni moe.

Éxodo 12:40

Israendeccuja cuatro ciento treinta canqque'fave Egipto andeni canse'fa.

Éxodo 12:41

Nane tsa'caen cuatro ciento treinta canqque'fave nepi'cho a'ta tsu poiyi'cco israendeccu tsain'bitsse atapa'chondeccuja Na'su Chiga sundarondeqquia'caen tsa ande'ye sombo'fa.

Éxodo 33:12

Moisésja Na'su Chiganga su: —Que canjan, que qui manda ña va aindeccuma angacañe. Tsa'ma condambi qui majama ñai'ccu moeña'chove. Toya'caen qui su ñama ñotsse in'jamba atesu ñajan que in'janqquia'caen tsoña'chove.

Éxodo 33:13

Nane ñoa'me que su'cho tsa'camajan que asi'ttaemba in'jan'choma ñanga canjaenjan cuintsu ñajan que suqquia'caen tsoña'chove atesupa toya quei'ccu jacan qquen injan'jeñe. Ñotsse in'janjan va aindeccuja que aindeccu tsu.

Tson'fa'cho 7:34

Atte gi ña a'i Egiptoni vana'jen'choma. Paña gi tise'pa attuse'je'fa'choma. Tsa'camba gi ji tsendeccuma tise'pa vana'jen'cho'ye somboemba ño'faeñe. Ja'ñojan que jija, ña quema mandamoeñe Egiptoni.”

Tson'fa'cho 7:36

Moisésja Egipto andeni sefani'su agattoen'choma, sefani'su canjaen'choma'qque canjan'jen. Cu'a Marni'qque tsa'caen tsomba ingi tayopi'su coenzandeccuma Egipto'ye somboemba ccushaen. Toya'caen tsendeccu cuarenta canqque'fave a'i menia can'jensi Moisésja tsa'caen sefani'su canjaen'choma canjaen.

Tson'fa'cho 7:6

Toya'caen tsu Chiga Quitsaja qquen afa: “Que dutssiyendeccu tsu can'jen'faya faesumbe andeni. Tseni can'jen'fasi tsu tseni'su aindeccuja quia'me tsendeccuma semoen'faya. Nane ma'ppipa tsu semoen'faya cuatrociento canqque'fave.”

Tson'fa'cho 7:7

Toya'caen tsu su: “Ñajan ccane'qque tsa semoensundeccumbe injama'choma somboeña. Tsomba tse'i gi que dutssiyendeccuma somboemba ccase vani iya. Isi tsu tsendeccuja Ñame in'jamba iñajan'faya.”

Jueces 6:14

Tsonsi Na'suja Gedeónma su: —Japa quenga afe'cho quin'sui'ccu israendeccuma madiandeccu'ye ccushaenjan. Ña gi quema moe'jen.