Éxodo 24:6 - Cofán: Chiga Tevaen'jen

⁶ Moisésja tsa'su anjampama enttingeve tasanga boña. Toya'caen enttingeve tsa Chiganga afeye oque'je'chonga zanzan.

Éxodo 24:6 Iomraidhean Croise

2 Reyes 17:15

Na'su Chiga tise'pa tayopi'su ccasheyendeccui'ccu fae'ngae injancco'fa'choma catipa tise manda'choma'qque chi'ga'fa. Tsa'caen “¡Tson'fajama!” qquen Chiga su'ni'qque pañambiqquia'caen tsincon'fa. Nane “¡Faesu pporotsse can'jen'cho aindeqquia'caen tson'fajama!” qquen Chiga se'pi'ni'qque tsendeccunga ma'depa barembi'choa ñoña'cho chigandeccuma iñajan'fa. Tsa'caen iñajamba tsu tise'pa'qque barembi'choa've da'fa.

Éxodo 12:22

Anjampama bandejanga boñamba canttini'cco tosema tsanga tssipoemba tsa'o sombo'tti'su utufa toya'caen ombafa'fama'qque onjoen'faja. Ni fae'ccoyi'qque tisupa etti'ye toya a'tambite sombo'fajama.

Éxodo 12:7

Tsa'caen fi'ttipa tsu tsa'su anjampai'ccu tisupa an'cho'su tsa'ombe sombo'tti'su utufa toya'caen ombafa'fama'qque onjoeña'cho.

Éxodo 24:8

Tsa'caen su'fasi Moisésja anjampama isupa aindeccunga zanzapa qquen su: —Va anjampa tsu que'i Na'su Chigai'ccu injancco'fa'choma canjaen, que'i tayo tise condase'choma pañasi.

Levítico 4:6

Ca'nimba tisu tsimian'ccoma tssipoemba enttinge'su cuarto sarupa piccofin'dinga catsepa siete se tsanga bitssaeña'cho Na'su Chiga can'jen'chonga.

1 Corinto'su 11:25

Tsa'caeñi tsu an nanimba tasama'qque isupa su: “Ña anjampa que'ine tssansi tsu va tasaja Chiga quei'ccu cuname fae'ngae injancco'fa'chone canjaeña. Minga'ni va tasama cui'je'ta ñama injan'jen'faja.”

Colosa'su 1:20

Toya'caen Chigaja in'jamba Jesúsi'ccu osha'choma ccushaemba Tisunga ñoquian. Nane osha'cho va andeni jincho'choma toya'caen osha'cho Chiga Sefacconi jincho'choma'qque Tiseja Jesús anjampai'ccu ccushaen. Nane Jesús avuja'cconga pasi osha'cho tsu ccushapa Chiganga ñoqui.

Hebreo'su 12:24

Ñoa'me qui Jesúsnga catse'fa. Tiseja Chiga cuname a'i'ccu fae'ngae injancco'fa'choma a'inga condapa ingine afa'su tsu. Tise anjampa tssansi a'ima tsangae nanitsse ccushaen. Nane Caínjan tayopi Abelma fi'ttisi Abel anjampaja tssan. Tise anjampa tssan'cho afaye osha'choecan'da tsu: “Ccane'qque Caínma fi'ttija” qquen suye'can. Tsa'ma Jesús anjampa tssan'cho afaye osha'choecan'da tsu: “Poiyi'ccoma ccushaenjan” qquen afaye'can.

Hebreo'su 8:9

Tsaja ña o'tie a'i'ccu fae'ngae injancco'fa'choa'cambi tsu. Tayopi tise'pa coenzandeccui'ccu fae'ngae injanccopa gi tise'pama anga Egipto ande'ye somboeñe. Tsa'ma ñama paña'ma in'jan'fambisi gi tise'pama ccane'qque pañambi –qquen tsu Na'suja su.

Hebreo'su 9:18

Tsa'cansi Chigaja Tise tayo'su a'i'ccu injancco'fa'choma condasepa anjampama tssañañe manda tayo injancco'fa qquen canjaeñe.

Hebreo'su 9:19

Qquen tsu Moisésja tson: Chiga mandaqquia'caen Moisésja pa'cco manda'choma a'inga condase. Tsomba vaura du'shu anjampa, chivo anjampama'qque tsa'ccunga tssutssian. Tssutssiamba cu'a oveja tosema canttini'cconga tandamba tssipoen. Tssipoemba tsai'ccu Chiga manda'cho tevaen'jema bitssaen. Toya'caen aindeccunga'qque bitssaen

Hebreo'su 9:21

Tsa'caen supa Moisésja Chigai'ccu cachuicco'je'cho carpama, pa'cco tseni'su Chigama iñajañe vase'je'choma'qque anjampai'ccu bitssaemba giyaen.

1 Pedro 1:19

Tsa'ma Cristombe ñoa'me ñotssia anjampa tsu que'ima ccushaen. Nane oveja giya'tssi egaeve me'choama Chiganga afeqquia'can tsu Cristoja.

1 Pedro 1:2

Chiga Quitsaja osha'choma atesupa tayoe tisu in'jan'cho a'ima in'jamba ja'ñojan tsendeccuma ttu'se. Que'i qui tsendeccu. Chigaja Tise Qquendya'pai'ccu que'ima Tisene pa'cco ñotsse ñoña cuintsu Jesúsma pañamba tise anjampai'ccu ccuchayepa canse'faye. In'jan gi cuintsu Chiga que'inga osha'cho ñotsse tson'jensi que'i ñotsse opatsse canse'faye.