Éxodo 24:4 - Cofán: Chiga Tevaen'jen

⁴ Tsa'caen su'fasi Moisésja pa'cco Na'su Chiga su'choma tevaen. Ccaqui a'ta ñoa'me sinte'yi jangipa ccotta'cco tsosiccuni Chiganga afeye oque'je'chove ñoña. Toya'caen dose patu biaccova'ma'qque ccutsutsian cuintsu dose Israel naccuve canjeñe.

Éxodo 24:4 Iomraidhean Croise

Génesis 12:7

Abram tseni can'jensi tsu Na'su Chigaja tisenga attiamba su: “Va andema gi que dutssiyendeccunga afeya.” Tsa'caen tisenga attiamba susi Abramjan Na'su Chiganga afeye oque'je'chove tse'ttinga ccutsian.

Génesis 28:18

Ccaqui a'ta sinte'yi Jacobja jangipa tise asusupa ana'cho patuma jangian dyaiñamba asetei'ccu tsanga fiñamba feti Chigambe qquen canjeñe.

Génesis 28:22

Va patuma ña jangian dyaiña'cho tsu Chiga tsa'oya. Toya'caen, Chiga, osha'cho que ñanga afe'cho'suma enttingeve fae chongayi'ccoveyi gi quenga afe'jeya.”

Génesis 31:45

Tsa'caen susi Jacobja patuma isupa tansintsse ccutsiamba

1 Reyes 11:30

Tsa'camba tsa cunama oshichhapa chitta'sho dose chitta'jeve.

1 Reyes 18:31

doce patuve isupa. Nane tayopi'su Jacob'ye Chiga tisema Israelve inisiainte doce dutssiyendeccuve an'bian. Tsendeccu'ye tsu israe'su doce aindeccuja sombo'fa. Tise'pa'ye tsu Elíasja tsa'caen doce patuve isupa

Esdras 6:17

Fiestaemba tsu cien vaura quitsaye, dosciento oveja quitsaye, cuatrociento oveja quitsaye du'shuma'qque oque oraemba Chiganga afe'fa. Toya'caen tsu afe'fa doce chivoma, poi israe'su doce aindeccu fae chivo, fae chivove, poi israendeccu egae tsincon'chone.

Éxodo 17:14

Tsonsi Na'su Chigaja Moisésnga su: —Va tson'choma tevaenjan tisu injan'jeñe. Toya'caen Josuénga suja amalecitandeccuma fi'ttipa gi tise'pane injan'jen'choma'qque metsse ccuchaya.

Éxodo 17:15

Tsomba Moisésja Chiganga afeye oque'je'chove ñoñamba tsama qquen inisian “Na'su Chiga tsu ña bandera.”

Éxodo 24:7

Omboe Moisésja Chigai'ccu injancco'fa'cho tevaen'jema poiyi'cco paña'jen'ni afa. Afasi pañamba su'fa: —Jinge pa'cco Na'su Chiga manda'choma ñotsse in'jamba tson'faye.

Éxodo 34:27

Na'su Chigaja Moisésma su: “Va ña su'choma tevaenjan. Nane va su'choja ña quei'ccu toya'caen israendeccui'ccu'qque injancco'fa'chove su'cho tsu.”

Números 17:2

“Israendeccunga condaja cuintsu poi israenaccumbe nasundeccu tise'pa accuicco'choma i'faye. Poiyi'ccota tsu doce accuicco'choya. Que qui tevaeña'cho poi accuicco'chonga nasundeccumbe inisema.

Lucas 22:30

ña na'suve dasi que'i'qque ñai'ccu ña an'jen'cho mesanga fae'ngae amba cu'i'faye. Que'ija na'su dyaipa'chonga dyaipa qui poiyi'cco israendeccumbe injama'choma somboeñe manda'faya. Toya'caen tsu Na'suja su:

Galacia'su 2:9

Tsa'cansi Santiago, Pedro, Juan'qque Cristove in'jan'cho a'i nasundeccu qquen su'chondeccu, ingija tise'pa'caen Chiganga injaeñemba fae sema'baveyi semasundeccu qquen in'jamba tivei'ccu ingima chigambian'fa qquen canjaeñe. Tsa'caen chigambiamba tise'paja israendeccuma candusian'jemba ingimajan moen'fa israembindeqquianga candusian'faye.

Josué 4:20

Tse'ttinga tsu Josuéja tsa doce patuve Jordán na'ema somboen'choma ccutsutsian.

Josué 4:5

su: “Jordán enttingeni japa Chiga, que'i Na'su, a'i'ccu injancco'fa'cho cafonga catse'faja. Poiyi'cco tsu fae patuve isupa opipa iya'cho tsai'ccu doce israe'su aindeccuve canjaeñe.

Canjaen'cho 21:14

Canqque ttuccu'qque doce dyaiña'cho patuma dyaiñamba ccutsian'cho tsu. Tsa patu dyaiña'choni tsa doce Ovejama afasundeccu inisema tsu tevaen'cho.