Éxodo 24:2 - Cofán: Chiga Tevaen'jen

² Jo'su queyi qui ñanga catseye osha. Tsa cca'indeccuta tsu ñanga catse'ma'sia. Toya'caen aindeccuja quei'ccu fae'ngae ansundeye osha'fambi.

Éxodo 24:2 Iomraidhean Croise

Éxodo 19:12

Ccotta'cco andepa'fanga ma'caen ccutsu'faya'chove condaja cuintsu aindeccu panshambeyi can'faye. Nane tsa ccotta'ccoja ansunde'masia tsu, toya'caen catse'ma'sia. Majan catse'ninda tsu fi'ttiya'cho.

Éxodo 20:21

Tsa'caen aindeccu joqquitssi'je'ni Moisésja tsa Chiga can'jen'cho unjimba'cco sintssianga catse.

Éxodo 24:1

Na'su Chigaja Moisésnga su: —Ña can'jeni ansundeja, que, Aarón, Nadab, Abiú, toya'caen setenta israe'su coenzandeccui'ccu. Tsa'ma biaccaccatsseyi jipa tse'ttingayi ccaru'faja.

Éxodo 24:13

Tsama pañamba Moisésja jangipa tisema shondo'su Josuéi'ccu Chiga can'jen'cho ccotta'cconga ansunde.

Éxodo 24:15

Tsa'caen supa Moisésja ccotta'cconga ansunde. Tsa ccotta'cco tsu pa'cco unjimba'ccoyi ccutsu'cho.

Éxodo 24:18

Tsonsi Moisésja tsa unjimba'cconga ca'nimba ccotta'cconga ansundepa cuarenta a'ta pa'cco cuarenta cose'qque tseni can'jen.

Éxodo 24:3

Tsa'caen pañamba Moisésja Na'su Chiga afapa manda'choma aindeccunga condase. Pañamba poiyi'cco fae'ngae in'jamba qquen su'fa: —Jinge pa'cco Na'su Chiga manda'choma pañamba tsoñe.

Números 16:5

Coré toya'caen tisei'ccu jacansundeccunga qquen su: —Tu'i sinte tsu Na'su Chigaja que'inga canjaeña majan tise'beve toya'caen majan tise in'jamba ttu'se'cho cuintsu Chiganga afe'je'choma afeye. Nane tise in'jamba ttu'se'choyi tsu tisenga afeye osha.

Hebreo'su 9:24

Ma'caen Tisunga catsepa cachuiccoya'chove canjaeñe in'jamba Chigaja a'ima manda cuintsu Tisei'ccu cachuicco'je'cho carpave ccutsiañe. Ccutsiamba tsanga ca'ni'fa Chigama iñajañe. Tsa'ma Cristoja tseni ca'nimbipa tansintsse Chiga sefacconi japa tsu Chiganga ccutsupa cambajunaccu ingine afa'je.