Éxodo 24:1 - Cofán: Chiga Tevaen'jen

¹ Na'su Chigaja Moisésnga su: —Ña can'jeni ansundeja, que, Aarón, Nadab, Abiú, toya'caen setenta israe'su coenzandeccui'ccu. Tsa'ma biaccaccatsseyi jipa tse'ttingayi ccaru'faja.

Éxodo 24:1 Iomraidhean Croise

Éxodo 1:5

Tsa'caen ji'choma agattosi Jacob aindeccuja setenta a'ive nepi, José tayo Egiptoni can'jen'choi'ccu.

Éxodo 19:20

Tsomba Na'su Chigaja Sinaí ccotta'cco tansin'choni andepa Moisésma su cuintsu jundeyi tisenga ansundeye. Moisés ansundesi

Éxodo 19:24

Tsa'ma Na'su Chigaja su: —Andepa japa jai'ngae Aaróni'ccu ansundeja. Tsa'ma Chigama afasundeccu toya'caen aindeccuma'qque se'pija cuintsu ña can'jeni ansundembe'yi can'faye. Ña iyicca'yepa tise'pama dañosa'ne.

Éxodo 19:9

pañamba Na'suja su: —Que canjan, sintssia unjimba'cco'ye gi quenga attiaña cuintsu aindeccuja ña quenga afa'choma pañamba tsangae quema ñotsse in'jamba paña'jen'faye. Moisésja ccase aindeccu su'choma Na'sunga condasi

Éxodo 20:21

Tsa'caen aindeccu joqquitssi'je'ni Moisésja tsa Chiga can'jen'cho unjimba'cco sintssianga catse.

Éxodo 24:15

Tsa'caen supa Moisésja ccotta'cconga ansunde. Tsa ccotta'cco tsu pa'cco unjimba'ccoyi ccutsu'cho.

Éxodo 24:2

Jo'su queyi qui ñanga catseye osha. Tsa cca'indeccuta tsu ñanga catse'ma'sia. Toya'caen aindeccuja quei'ccu fae'ngae ansundeye osha'fambi.

Éxodo 24:9

Tsomba Moisésja Aarón, Nadab, Abiú, toya'caen setenta israe'su coenzandeccui'ccu ccotta'cconga ansunde.

Éxodo 3:5

Tsa'caen susi Chigaja su: —Vani catsejama. Que sapatoma shichhaja. Va'tti que ccutsu'ttija Chiga ande tsu.

Éxodo 34:2

Toya'caen tisuma ñoñajan tu'i sinte'yi Sinaí ccotta'cconga ansundeya'chove. Ansundepa ña tansin'choni can'jen'chonga catseja.

Números 11:16

Tsama pañamba Na'su Chigaja su: —Setenta israe'su coenzandeccuma ñambe boñajan majama que poiyi'cco israendeccuma manda'jeya'chone in'jan'chondeccu'suma. Tsendeccuma ipa ñai'ccu cachuicco'je'tti'su carpani tise'pai'ccu ronda'jeja.

Lucas 10:1

Omboe Jesúsja faesu setenta tisema shondosundeccuma ttu'sepa mani tisu jaye tson'jen'ni dosve dosve mandamaña. Majan canqqueni tise jayani tsendeccuma o'tie mandamaña.

Lucas 10:17

Tsa setenta Jesúsma shondosundeccu ja'fa'cho toequi jipa avujatsse bopa su'fa: —Na'su, que inisema afapa gi osha'choma manda'fa. Cocoyama'qque a'iye somboye mandasi tsu sombo'fa.