Éxodo 20:5 - Cofán: Chiga Tevaen'jen

⁵ Tsesundeccunga puntssamba iñajanjama. Nane ñañi gi Na'su, que Chiga. Sepipa Chiga gi ñama chi'gapa egae tsincon'su injama'choma somboemba tise dushundeccu, tsambe du'shumbe dushundeccu injama'choma'qque somboeña tise'pa egae tsincon'chone.

Éxodo 20:5 Iomraidhean Croise

1 Reyes 19:10

Pañamba Elíasja su: “¡Na'su Chiga, queja Osha'choma Oshacho! Anttembe'yi gi ñajan quema ñotsse in'jan. Nane israendeccuja que tise'pai'ccu condasecco'choma chi'gapa quenga afeye oque'je'choma asitta'fa. Toya'caen matichi'ccu tsu que aya'fama afasundeccuma fi'tti'fa. Tsa'caen tson'jen'fasi fae, ñañi gi, que aya'fama afa'suja toya canse. Toya'caen tsu ñame'qque ja'ño ttatta'je'fa ñama fi'ttiye.”

Salmos 78:58

Chigama iyicca'yean'fa faesu chiga'candeqquiama iñajaña'ttive ñoñamba. Ñoña'cho chigandeccuve'qque ñoñamba iñajan'fasi Na'suja chi'gapa se'pi.

Éxodo 23:24

Tsa andesundeccu tson'jen'chonga ma'de'fajama. Tsendeccumbe chiganga ccaru'fajama ni tsanga iñajan'fajama. Tsa'ma tise'pa ñoña'cho chigandeccuma me'tsse catipa tise'pa iñajan'jen'cho patu ccutsu'choma'qque ttova cati'faja.

Éxodo 34:14

“Faesu chiganga iñajan'fajama. Nane Na'suta tsu ñoa'me sepipa. Tise iniseta tsu Sepipa Chiga.

Daniel 1:2

Tsonsi Na'su Chigaja antte cuintsu Nabucodonosor Joacimma patsupa osha'cho Chiga etti'su tasa, apisho'ttoma'qque isupa angaye. Tsa'caen Na'su Chiga anttesi Nabucodonosorja patsupa aindeccuma'qque indipa Babiloniani anga. Toya'caen osha'cho Chiga etti'su tasa, apisho'ttoma'qque angapa tise chigandeccu ettinga boña.

Daniel 3:18

Tsa'caen tsonsi qui in'jaña ingija que chigandeccu ni que corima ñoña'chonga ccarupa iñajan'jeña'bi'choa've.

Levítico 26:1

“¡Chigambindeqquiama iñajan'fajama ni ñoña'cho chigandeccuve ñoña'fajama! Que'i andeni patuma ccutsian'fajama ‘Vaja chiga’ qquen supa. Toya'caen tevaen'cho patuma ccutsian'fajama tsanga ccaru'faye. Nane Ña gi Na'su, que'i Chiga.

Números 14:18

‘Ñajan junde iyicca'yeye atesumbi.’ Ñoa'me ñotsse qui injancho. Egae tsinconsundeccu, toya'caen pañambiqquia'caen tsinconsundeccu tsincon'choma qui aqque'papa ñoquiya. Tsa'ma quema chi'gapa egae tsincon'sumbe injama'choma somboemba tise dushundeccumbe, tsambe du'shumbe dushundeccumbe toya'caen tsambe dushundeccumbe injama'choma qui somboeña.

Números 14:33

Tsa'cansi que'i dushundeccuja cuarenta canqque'fave ovejama coirasundeccuve dapa que'i poiyi'cco pa'faya'ngae a'i menia canse'faya. Nane tsa'caen tsomba tsu que'i egae tsincon'cho shacama nanitsse afepoen'faya.

Mateo 4:9

su: —Que qui ñanga ccarupa iñajan'ninda gi pa'cco va andema quenga afeya que na'suve dapa pa'tssima mandaye.

Juan 15:18

Ñame in'jambindeqquia que'ima chi'ga'ninda vama injan'jen'faja: O'tie tsu ñama chi'ga'fa.

Juan 7:7

Aindeccuja que'ima chi'gaye osha'fambi. Tsa'ma ñajan tise'pa egae tsincon'choma afa'susi tsu ñamajan chi'ga'fa.

Juan 9:2

Ingija Jesúsma iñajampaña'fa: —Atesian'su, ¿micomba tsu binime va a'imajan isu'cho? ¿Tise yaya, tise mama egae tsincomba ti? Tsambi'ta ¿tisu egae jinchopa ti?

Romanos 1:30

Faesune egae afopoen'fa. Chigama chi'ga'fa. Faesui'ccu iyicca'yepa afase'fa. Tisuja ñotssi qquen in'jan'fa. Tsa'caen in'jamba patsuye afa'fa. Egae tsincoña'chove asi'ttaen'fa ti'tsse egae tsincoñe. Tise yaya, tise mamama paña'fambi.

Romanos 8:7

Majandeccu ai'vo in'jan'choma ti'tsse in'jan'da Chigama chi'ga'chondeccu tsu. Tsendeccuja Chiga manda'choma'qque chi'gapa ñoa'me manda'cho suqquia'caen tsoñe osha'fambi.

1 Corinto'su 10:22

¿Ma'caen gi Chigama iyicca'yiaña? ¿Ingita ti gi Chigama ti'tsse'tssia, Tisema patsuye?

Deuteronomio 6:15

Nane tsa'suma iñajan'ninda tsu Na'su que'i Chigaja, cca'i'su chigandeccuma chi'gapa, iyicca'yepa que'ima tsangae nepiaña.

Santiago 4:4

¡Que'ija casara'chonaccu'su faesundeccui'ccu canse'su'can'fa qui! ¿Atesu'fambi ti qui va ande'su in'jan'chove in'jan'da qui Chiga in'jan'choma chi'ga'suve da'fa? Nane majan va andeni jincho'chove in'jan'choja Chigai'ccu iyicco'suve tsu da.

Josué 23:7

Quei'ccu toya can'jen'cho va ande'su israembindeqquiai'ccu fae'ngae tson'fajama. Tise'pa chigandeccuma pañamba iñajan'fajama. Nane tsesu chigandeccu iniseja afa'ma'sia tsu. Tsai'ccu que'i su'choja tansintsse su'cho qquen afa'fajama.

Jueces 2:19

Tsa'ma tise'pa manda'su pasi aindeccuja ccase egae tsincomba tise'pa tayopisundeccuma bove egae dapa faesu chigandeccuma iñajamba canse'fa. Nane anttembe'yi egae tsincomba tsosinambie dapa Na'suma pañañe in'jan'fambi.