Éxodo 20:4 - Cofán: Chiga Tevaen'jen

⁴ “Ñoña'cho chiga'can'me ñoñajama. Ni sefani jinqque'suve, ni andeni jinqque'suve, ni ande tsosini'su marni jinqque'suve chiga qquen ñoñajama.

Éxodo 20:4 Iomraidhean Croise

1 Reyes 12:28

Tsa'caen tisema fuitesundeccuma iñajampañamba tsu dos corima ñoña'cho vaura quitsaye'can'me ñoñamba aindeccunga su: “Israendeccu, nanitssi tsu que'i Jerusaléni japa ji'je'cho. Vani qui que'ima Egipto'ye somboen'su chigandeccuma an'bian'fa.”

2 Reyes 17:12

Na'su Chiga “¡Que'ija tsa'caen tson'fajama!” qquen su'ni'qque toya tsu ñoña'cho chigandeccuma iñajan'jen'fa.

Salmos 78:58

Chigama iyicca'yean'fa faesu chiga'candeqquiama iñajaña'ttive ñoñamba. Ñoña'cho chigandeccuve'qque ñoñamba iñajan'fasi Na'suja chi'gapa se'pi.

Salmos 97:7

Ñoña'cho chigandeccuve in'jamba iñajansundeccu'qque tsama in'jamba ja'ño ansange'faya. Nane ñoña'chove in'jamba quinsepoemba afa'ma ja'ño ansange'faya. ¡Poiyi'cco chiga'candeqquia tsu ja'ño Na'su Chigave in'jamba iñajan'faya!

Éxodo 32:1

Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?

Éxodo 32:23

Tise'pa tsu ñama su'fa: ‘Chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?’

Éxodo 32:4

Tsonsi Aarónjan isupa tsa corima tssutssiamba fiña cuintsu vaura du'shua'caen somboye. Tsomba ñoñaqque'su yoshavai'ccu ñoa'me nanitsse nani. Tsonsi poiyi'cco a'i tsama attepa qquen su'fa: —¡Israendeccu, va tsu que'i chiga, que'ima Egiptone somboen'su!

Éxodo 32:8

Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’

Éxodo 34:17

“Toya'caen minga'ni'qque que'ija jongoesuma tssutssiamba ñoñaqque'su chigave ñoña'fajama.

Isaías 42:8

Ña gi Na'su. Qquen tsu ña inise. Antteya'bi gi que'i ñanga afaqquia'caen faesuma tsa'caen ñotsse afa'faye. Nane se'piya gi que'i ñama iñajambipa ñoña'cho chigandeccuma iñajan'faye.

Levítico 26:1

“¡Chigambindeqquiama iñajan'fajama ni ñoña'cho chigandeccuve ñoña'fajama! Que'i andeni patuma ccutsian'fajama ‘Vaja chiga’ qquen supa. Toya'caen tevaen'cho patuma ccutsian'fajama tsanga ccaru'faye. Nane Ña gi Na'su, que'i Chiga.

Números 12:8

Tsa'cansi gi tisei'ccu cambajunaccu a'tatsse aya'fai'ccu condasecco'je. Tise tsa'caen ñama cambajunaccu atte'je'ninda ¿ma'caen qui que'ija tisema egae afa'faya?”

Tson'fa'cho 17:29

Chiga dushundeccuve'can'da qui que'i in'janqquia'caen in'jan'fambiye'can. ¿Ma'caen tsu Chigaja cori, totoa cori, patuma ñoña'choya? Nane a'ija aqquia injanga tisu injama'choi'ccu in'jamba tsa'caen ñoña'fa.

Romanos 1:23

Tsa'caen dapa pa'masia Chigama cati'fa. Ñoa'me'qque osha'choma ti'tsse'tssia Chigama catipa tise'pa tivei'ccu ñoña'choma iñajan'fa. Majan tise'pa tivei'ccu ñoña'choja paqque'su a'ia'ca'on, majanda chhiriria'ca'on, majanda tsu'tte tivei'ccu jacanqque'siaca'on, majanda ande'ye manguqque'siaca'on.

Canjaen'cho 16:2

Tsonsi otien'su sefacconi'su shondo'su japa tise tasa'suma andenga zaiña. Zaiñasi poiyi'cco a'i, majan dyo'ccoa cocoya tevaen'choi'ccu tevaengepa, majan tise ñoña'cho cocoyama iñajan'da, ccomenzufa'pa'e dapa iña'sui'ccu vana'fa.

Canjaen'cho 9:20

Tsa'ma cca'indeccu, tsa fi'ttiqque'sui'ccu toya pambichondeccuja toya tise'pa egae tsincon'choma catiye in'jan'fambi. Antte'fambi cocoyama iñajañe. Toya'caen ñoña'cho chiga'ca'ma'qque tsu iñajan'fa. Nane cori, totoa cori, cu'a yoshava, patu, quini'ccoma ñoña'choma tsu toya iñajan'fa. Tsa ñoña'cho chigaja barembi tsu. Atteye oshambipa ni pañañe'qque ni jacañe'qque osha'fambi.