Éxodo 20:3 - Cofán: Chiga Tevaen'jen

³ “Faesu chigave ñama'caen an'bianjama.

Éxodo 20:3 Iomraidhean Croise

1 Reyes 11:4

Nane Salomón coenza ccashe'yeve dasi tise pushendeccu tise injama'choma qqueña'fa cuintsu faesu chigandeccuve in'jañe. Salomónjan tsa'caen tsomba Na'su Chigama tansintsse in'jambi tise yaya David'ye in'janqquia'caen.

Éxodo 23:24

Tsa andesundeccu tson'jen'chonga ma'de'fajama. Tsendeccumbe chiganga ccaru'fajama ni tsanga iñajan'fajama. Tsa'ma tise'pa ñoña'cho chigandeccuma me'tsse catipa tise'pa iñajan'jen'cho patu ccutsu'choma'qque ttova cati'faja.

Éxodo 32:8

Nane jundeyi tsu joqquitssi'fa ña mandapa afe'cho tsaiqui'ye. Joqquitssipa tsu corima vaura du'shua'caen ñoñamba tsanga iñajamba afe'choma'qque afe'fa. Tsomba tsu qquen su'fa: ‘¡Israendeccu, va tsu que'i chiga, que'ima Egiptone somboen'su!’

Éxodo 34:14

“Faesu chiganga iñajan'fajama. Nane Na'suta tsu ñoa'me sepipa. Tise iniseta tsu Sepipa Chiga.

Isaías 42:8

Ña gi Na'su. Qquen tsu ña inise. Antteya'bi gi que'i ñanga afaqquia'caen faesuma tsa'caen ñotsse afa'faye. Nane se'piya gi que'i ñama iñajambipa ñoña'cho chigandeccuma iñajan'faye.

Jeremías 7:9

Nane que'ija cca'na'fa; fi'tti'fa; faesumbe pushei'ccu can'jen'fa; tansintssi qquen supa qui afopoen'fa; ñome'bama qui Baalnga oque oraen'fa; poi tisu atesumbindeqquia chigandeccuma'qque qui iñajan'fa.

Daniel 3:18

Tsa'caen tsonsi qui in'jaña ingija que chigandeccu ni que corima ñoña'chonga ccarupa iñajan'jeña'bi'choa've.

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

1 Corinto'su 8:4

Tsa'caen tsonsi ¿aña ti gi chiga'ca'me ñoña'chonga afe'cho aña'choma? Atesu'fa gi tsa ñoña'cho chigaja ñoa'me chigambi tsu. Qquendya'pa mechopa ñoa'me jimbi'tssi tsu va andeni. Toya'caen gi in'jan “Fae Chigayi tsu jin. Faesuja jimbi.”

1 Corinto'su 8:6

Tsa'ma ingija in'jan'fa fae Chigayi tsu jin. Tsaja Chiga Quitsa tsu. Tiseja osha'choma agattoensi ingija Tise in'jan'choma tsoñe canse'fa. Toya'caen fae Na'suyi tsu jin. Tsaja Na'su Jesucristo tsu. Tisei'ccu Chigaja osha'chove agattoemba ingive'qque agattoen.

Efeso'su 5:5

Ñoa'me vama ñotsse paña'faja: Maqui a'ta Chiga Quitsa, Jesucristo'qque pa'tssima ñoñamba Tise'pa aindeccunga ñotsse afesi majan a'ija isu'faya'bi. Majan tsandie, pushesui'ccu casarambe'yi in'jangae fae'ngae cansesundeccu'ta tsequi a'ta isu'faya'bi. In'jangae tsinconsundeccu'qque isu'faya'bi. Majan cca'indeccu an'bian'choma in'jansundeccu'qque isu'faya'bi. Tsendeccuja ñoña'cho chiga'ca'me iñajansundeqquia'can'fa tsu.

Deuteronomio 6:14

Pporotsse canjen'su israembindeqquiambe chigandeccuma iñajan'fajama.

Deuteronomio 6:5

Pa'cco injama'choi'ccu Na'su que Chigama ñotsse in'jan'faja. Nane pa'cco que canse'pai'ccu, pa'cco que quin'sui'ccu tisema ñotsse in'jan'faja.

Filipo'su 3:19

Tsendeccuja tsa'caen cansepa tsu tsangae papa catiye'faya'cho. Chiga'can'ga iñajanqquia'caen tisupa ttopanga o'fian'fa. Osha'cho egae tsincon'choi'ccu ansangembe'yi avujatsse patsu'fa. Va andeni jincho'choveyi tsu in'jan'fa.

Colosa'su 2:18

Antte'fajama cca'indeccu que'inga afopoemba que'ima dañosi que'i jai'ngae isuya'choma pasasa'ne. Nane tsendeccuja Chiga attian'choma atte qquen afopoemba tsu qquen manda'fa: “Tisuma se'pipa Chigama sefacconi'su shondosundeccuma iñajaña'cho tisu ccushaye.” Tsa'ma tsa'caen manda'fa'ni'qque paña'fajama ni tise'panga dyo'fajama. Tise'pa injama'cho egasi injanga asi'ttaemba tsu tsa'caen tisuja ñotssi qquen in'jan'fa.

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.

Canjaen'cho 22:9

Tsa'ma ccaru dyaisi tsu ñama su: —Tsa'caen tsonjama. Que'i'ccu fae'ngae gi Chigambe sema'su. Nane que, que faenga'su Chiga Aya'fama afasundeccu, poiyi'cco va tevaen'choma camba in'jan'chondeccu'qque ñai'ccu fae'ngae Chigambe semasundeccu tsu. Nane Chiga Quitsaveyi in'jamba Tisenga ccarupa ñotsse afaja.

Jueces 6:10

Toya'caen gi que'inga su: Ña gi Na'su que'i Chiga. Tsa'cansi ja'ño amorreondeccu andeni can'jen'an'qque tise'pa chigandeccuma iñajan'fajama. Tsa'ma que'ija ñama paña'fambi.’ ”