Éxodo 20:2 - Cofán: Chiga Tevaen'jen

² “Ña gi Na'su, que Chiga, que Egiptoni tsangae sema'suve da'cho'ye somboen'su.

Éxodo 20:2 Iomraidhean Croise

1 Reyes 18:39

Tsama attepa poiyi'cco a'i camba'jui'ccu andenga puntssamba su'fa: “¡Na'suja ñoa'me Chiga tsu! ¡Na'suja ñoa'me Chiga tsu!”

2 Reyes 17:12

Na'su Chiga “¡Que'ija tsa'caen tson'fajama!” qquen su'ni'qque toya tsu ñoña'cho chigandeccuma iñajan'jen'fa.

2 Reyes 17:7

Nane israendeccuja Na'su tise'pa Chigama egae tsincomba faesu chigandeccuma iñajan'fa. Tsa'cansi tsu Chigaja antte cuintsu ccase vana'faye. Nane Egipto'su na'su faraón tise'pama vanae'jensi Chigaja tise'pama itsapa Egipto'ye somboen.

Éxodo 15:26

“Ña, que Na'su Chiga su'choma ñotsse in'jan'faja. Ña in'janqquia'caen tson'faja. Ña manda'choma pañamba tsomba pa'ccoma ña mandaqquia'caen nani'faja. Tsa'caen tson'fa'ninda gi ni fae paqque'suveyi'qque egiptondeccuma'caen tsoñambi. Nane ña gi Na'su Chiga que'ima ccushaen'su.”

Éxodo 20:1

Chigaja afapa pa'cco vama conda:

Jeremías 31:33

Nane qquen tsu ña tsequi a'ta Israeli'ccu fae'ngae injanccoya'cho: Ña tise'pama in'jaensi tsu injama'choi'ccu ña in'janqquia'caen in'jamba tsa'caen ñotsse tson'faya. Tise'pa tsa'caen ña aindeccuve dasi gi ñajan tise'pa Chigave daya. Ña, Na'su Chiga gi que'inga conda.

Levítico 11:45

“Ña gi Na'su, que'ima Egipto'ye somboemba que'i Chigave da'cho. Ñajan tsa'caen ñotssiasi que'i'qque ñotsse'yi canse'faya'cho.”

Levítico 26:1

“¡Chigambindeqquiama iñajan'fajama ni ñoña'cho chigandeccuve ñoña'fajama! Que'i andeni patuma ccutsian'fajama ‘Vaja chiga’ qquen supa. Toya'caen tevaen'cho patuma ccutsian'fajama tsanga ccaru'faye. Nane Ña gi Na'su, que'i Chiga.

Levítico 26:13

Ña gi Na'su, que'i Chiga, Egipto'ye que'ima somboen'su. Nane egiptondeccu ti'tsse que'ima semoesa'ne gi que'i candenama u'ccaqquia'caen que'ima ccushaen cuintsu que'i ansangembe'yi opatsse canse'faye.

Romanos 10:12

Nane israendeccu israembindeqquia'qque fae'nga'fa. Fae na'su tsu israendeccune, israembindeqquiane na'su. Tiseja poiyi'cconga ñotsse afeye atesu, majan Tisema iñajan'nijan.

Romanos 3:29

¿Chigata ti aqquia israendeccumbe Chiga? Me'i. ¿Osha'fa ti israembindeqquia'qque “Ingi Chiga” qquen afa'faye? Ju, Chigaja israendeccumbe, israembindeqquiambe Chiga tsu.

Deuteronomio 7:8

Tsa'ma Na'suja que'ima Egiptoni'su sema'jen'cho'ye somboen. Nane tise ñotssia quin'sui'ccu Egipto'su na'su faraónma patsupa que'ima in'jamba ccushaen tise que'i tayopisundeccu'yenga tansintsse su'choma tsoñe.

Jueces 6:10

Toya'caen gi que'inga su: Ña gi Na'su que'i Chiga. Tsa'cansi ja'ño amorreondeccu andeni can'jen'an'qque tise'pa chigandeccuma iñajan'fajama. Tsa'ma que'ija ñama paña'fambi.’ ”