Éxodo 2:5 - Cofán: Chiga Tevaen'jen

⁵ Omboe faraón onque'ngeja naeni onjoñe ande. Andepa tise onjon'jen'ni tisema coira'su pushesundeccuja na'en otafa'ye pasia'je'fa. Tsa'caen pasia'je'fa'ni faraón onque'ngeja saparo shoshoviccuni duse'choma atte. Attepa manda tise'be sema'suma cuintsu tsa saparoma i'ngaye.

Éxodo 2:5 Iomraidhean Croise

1 Reyes 17:6

Tseni can'jensi tsu seña'baja pan toya'caen aña'choma ipa tisenga afe'je sinte toya'caen sime'qque. Tsa'caen can'jen'ni Elías cui'je'cho

Éxodo 2:6

Isi saparoma fettapa atte tsani du'shu ppipa ina'jen'choma. Attepa tsa du'shuma mendeyepa qquen su: —Va tsu hebreondeccu'su tsandie du'shu.

Éxodo 7:15

Tsa'ma tu'ija sinte'yi japa ronda'jeja na'en otafani tise andesi atteye. Tsa accuicco'cho iyove da'je'choma angaja.

Éxodo 8:20

Na'su Chiga ccase Moisésnga su: —Tu'ita tsu faraónjan sinte'yi naeni andeya. Tsa'cansi toya cose'yi jangipa japa ronda'jepa qquen suja: ‘Qquen tsu Na'su Chigaja quema su: Antteja cuintsu ña aindeccu japa ñama iñajan'faye.

Jonás 1:17

Tsa'caen Jonásma marnga ttova moesi Na'suja rande ccuivoaca'ma moe cuintsu Jonásma cundeye. Tsa'caen Chiga moesi ccuivoja jipa Jonásma cunde. Cundesi ccuivo an'mani ppi tres a'ta, tres coseve.

Jonás 2:10

Tsonsi Na'su Chigaja tsa rande ccuivoaca'ma in'jaen cuintsu Jonásma san'anga a'juye.

Tson'fa'cho 7:21

Tsa'ma tisema ti'tsse a'tuye oshambipa catisi Faraón onque'nge tisema attepa mende'yepa isupa coeña. Nane tisu du'shuma'caen tsu in'jamba coeña.