Éxodo 2:21 - Cofán: Chiga Tevaen'jen

²¹ Tsa'caen tsonsi tsu Moisésja tsa Reuel ettini canseye ashaen. Can'jensi Reuelja tise onque'nge, Séforama, Moisés pusheve antte.

Éxodo 2:21 Iomraidhean Croise

Éxodo 2:10

Coeñamba faraón onque'ngenga afe. Afesi ñoa'me tise du'shuma'caen in'jamba Moisésve inisian “Na'en'suma somboen'cho” qquen suye.

Éxodo 2:20

Tsa'caen su'fasi Reuelja su: —¿Mani tsu tsa tsandieja can'jen? ¿Jongoesie qui tisuveyi catipa ji'fa? Japa ttusenga'faja cuintsu jipa añe.

Éxodo 3:1

Moisésja tise quitsa ccashe'ye Jetro ovejandeccuma coira'je. Nane Jetro tsu Madián'su Chigama afa'su (tise faesu inise Reuel). Tsa'caen coira'jepa biani a'i menia angapa fae a'ta tsu Horeb ccotta'cconga nepi. Tsa ccotta'cco tsu Chiga can'jen'cho ccotta'cco.

Éxodo 4:18

Tsa'caen susi pañamba Moisésja tise quitsa ccashe'ye Jetro tsaoni jipa su: —Toequi Egiptoni jaye gi in'jan ña antiandeccuma can'su. Atesuye gi in'jan tise'pa toya canse'chove. Jetroja su: —Ñotsse japa can'gaja.

Números 12:1

María toya'caen Aarón Moisésma egae afaseye ashaen'fa. Nane Moisés Cus ande'su pushesuma pushesi tsa'caen afase'fa.

Tson'fa'cho 7:29

Qquen susi pañamba Moisésja dyopa ccuyapa ja Madián andeni. Tseni japa tseni'su a'ia'caen can'jen. Can'jemba pushepa dos tsandie du'shuve an'bian.

1 Timoteoga 6:6

Ñoa'me Cristove in'jamba gi osha'choma an'bian'fa. Tsa'ma ingi tayo an'bian'choi'ccu avujatsse can'jembayi gi tsa'caen an'bian'fa.

Hebreo'su 11:25

Nane can'jen'choecan'da tsu na'suve dapa osha'cho Egipto'su ñotssia jincho'choma an'biañe'can. Tsa'ma Moisésja asi'ttaen: “Ña aindeccuma catipa re'riccoe tsa'caen can'jen'da egae gi tsincon. Bove ñotssi tsu ñajan Chiga in'jan'cho israendeccui'ccu fae'ngae vanañe.” Nane omboe Cristo'qque a'ima fuiteye a'ive dapa vana. Toya Cristo jimbi'te tsu Moisésja tsa'caen asi'ttaemba qquen in'jan: “Chigaja ñoa'me na'supa inginga ti'tsse ñotsse afeya. Tsa'caen in'jamba gi avujatsse vanaña.”

Hebreo'su 13:5

Panshaen corifin'dive in'jambe'yi canse'faja. Chiga Quitsaja su: “Ñajan que'ima catiya'bi gi. Tsangae gi que'ima an'biaña.” Tsa'caen Chiga su'choma in'jamba que'i tayo an'bian'choi'ccuyi ñotsse avujatsse canse'faja.

Santiago 1:10

Toya'caen Chiga in'jansi majan osha'choma an'biamba qqueña'da me'ccoe da'a'qque tsu avujaya'cho. Nane shoshovi te'ta pandipa paqquia'caen tsu tise'qque pasaya.