Éxodo 2:17 - Cofán: Chiga Tevaen'jen

¹⁷ Tsa'ma faesu ovejama coirasundeccu'qque jipa tsendeccuma posone se'pipa joqquitssian'fa. Tsa'caen se'pi'fasi Moisésja jangipa ccane'qque tsendeccuma joqquitssian moemba pushesundeccu i'cho ovejama cui'ña.

Éxodo 2:17 Iomraidhean Croise

Génesis 21:25

Tsa'ma tsa'caen condasepa Abraham tise tsa'ccu posone Abimelecnga conda. Nane Abrahambema tsu Abimelecmbe semasundeccuja itsa'fa.

Génesis 29:10

Tsa'caen tise ton'ton Labán ovejai'ccu jisi attepa tse'faei'ccuyi Jacobja posoma picco'cho patuma joqquitssiamba tise ton'ton Labán ovejandeccunga tsa'ccuma cui'ña.

Génesis 29:3

Nane poi naccu'su oveja tse'ttinga bosi tsu coirasundeccuja tsa patuma joqquitssiañe atesu'fa tise'pa ovejanga tsa'ccuma cui'ñañe. Oveja cu'i nanisi ccase tsu piccoya'cho.

Éxodo 2:12

Attepa faesu a'i caña'jensa'ne tta'ttasi me'i'onsi tsa egipto'suma fi'tti. Fi'ttipa sisipanga a'tu.