Éxodo 17:6 - Cofán: Chiga Tevaen'jen

⁶ Ñanda gi Horeb ccotta'cco'su patuvo'choni queve ronda'jeya. Tsanga nepipa patuvo'choma ochhaisi tsu tsa'ccuja somboya cuintsu aindeccu cu'i'faye. Moisés poiyi'cco israe'su coenzandeccu caña'jen'ni

Éxodo 17:6 Iomraidhean Croise

Salmos 105:41

Patuvo'choma'qque doñasi tsa'ye tsa'ccuja sombopa na'en'caen a'i menia'su andengae ai'je.

Salmos 78:18

Iyicca'yepa Chigama atesucañe in'jamba dyombi'tsse tise'pa in'jan'cho anqque'suve iñajan'fa.

Salmos 78:20

Nane tansintsse Chigaja fattoccoma doñasi tsa'ccuja na'en'caen sombo. Tsa'ma ¿oshaya ti panme inginga afeye? ¿Oshaya ti aña'choma tise aindeccunga afeye?”

Éxodo 14:16

Tsonsi que'ja que accuicco'choma isupa va marnga yasaja cuintsu enttinge'ye dosi israendeccu santsse ise'faye.

Éxodo 16:10

Tsa'caen susi Aarón israendeccunga afa'je'ni tse'faei'ccuyi poiyi'cco tsendeccu a'i menia'ma camba atte'fa Na'su Chiga unjimba'cco'ye chanjumba attian'choma.

Números 20:8

—Accuicco'choma somboemba isupa, que quindya fuite'choi'ccu a'ima boñajan. Poiyi'cco bo'fasi patuvo'choma mandaja cuintsu tsa'ccu tsa'ye somboye. Tsa'caen mandapa qui atteya aindeccu toya'caen tise'pa vaurandeccu cui'ye sombo'cho tsa'ccuma.

Juan 4:10

Tsa'caen susi Jesúsja su: —Queja Chiga afe'chove in'jan'choecan'da, majan quema tsa'ccuve iñajan'chove in'jan'choecan'da, ñoa'me qui ñama tsa'ccuve iñajañe'can. Iñajan'choecan'da gi cansiaña'cho tsa'ccuma afeye'can.

Juan 4:14

Tsa'ma majan ña cui'ña'cho tsa'ccuma cu'i'ta minga'ni'qque tsu tsaqquie'su'faya'bi. Ña cui'ña'cho tsa'ccuta tsu tisenga sombopa oshaqquia'caen tsangae canseya'chove cansiaña.

1 Corinto'su 10:4

Poiyi'cco tsu fae'ngae Chiga afe'cho tsa'ccuma'qque cu'i'fa. Chiga agattoen'cho patu tise'pa sepaccofae jiñasi tsa'ye tsa'ccu sombosi tsu cu'i'fa. Tsa patuja Cristo tsu.

Canjaen'cho 22:17

Chiga Qquendya'pa, Ovejambe pushe'qque tsu su'fa: —¡Jija! Poiyi'cco pañasundeccu'qque tsu su'fa: —¡Jija! Nane poiyi'cco majan tsa'qquie'su'ta tsu jiya'cho. Majan in'jan'da tsu Cansiaña'cho Tsa'ccuma cu'iya'cho. Aqquia afe'cho tsu.