Éxodo 17:3 - Cofán: Chiga Tevaen'jen

³ Tsa'ma aindeccuja tsaqquie'supa Moisésma afase'fa qquen supa: —¿Jongoesie qui ingima Egiptone somboen? ¿Aqquia ingima tsaqquie'sian fi'ttiye ti qui somboen, toya'caen ingi dushundeccu, ingi aiña'choi'ccu fae'ngae?

Éxodo 17:3 Iomraidhean Croise

Éxodo 12:38

Tsendeccui'ccu tsu tsain'bitssia a'i faesu aindeccu'qque jaja'fa. Toya'caen tsain'bitssi oveja tsain'bitssi vaura tsu fae'ngae ja'fa.

Éxodo 14:11

Tsomba Moisésnga su'fa: —¿Egipto andeninda ti atu'ttive me'i'on que tsene ingima somboensi jipa va a'i menia'ni paye? ¿Jongoesie qui ingima tsa'caen tsincon? ¿Jongoesie qui ingima Egiptone somboen?

Éxodo 15:24

Tse'ttinga tsu aindeccuja Moisésma afasepa qquen iñajampaña'fa: “¿Jongoesuma gi cu'ifaya?”

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

Números 20:4

¿Jongoesie qui Na'su Chigambe aindeccuma va a'i menia i'fa? ¿In'jan'fa ti qui ingi tisupa vaurandeccui'ccu fae'ngae paye?