Éxodo 17:12 - Cofán: Chiga Tevaen'jen

¹² Tsa'caen tson'jemba Moisés tive quimbisi patuma isupa ccuiña'fa cuintsu tsanga dyaiye. Dyaisi Aarón toya'caen Hur poifa'su tivema indicho'fa cuintsu yasachoye. Tsa'caen indicho'fasi Moisésja chiga amppiya'ngae anttembitsseyi yasajin dyai.

Éxodo 17:12 Iomraidhean Croise

Salmos 35:3

Nane dansan'cho, oma'ccoma'qque ñama mandiansundeccunga canjaenjan. Toya'caen “¡Ñajan quema ccushaen'su!” qquen condapa ña injama'chonga in'jaenjan.

Éxodo 17:11

Iyicco'je'fasi Moisés tise tivema yasa'ninda tsu israendeccu ganajin'fa. Tsa'ma Moisés antte'nijan amalecitandeccu ganajin'fa.

Éxodo 17:13

Tsa'caen tsonsi Josuéja tisu aindeccui'ccu amalecitandeccuma ganamba matichi'ccu fitti'tti.

Éxodo 24:14

Israe'su coenzandeccumajan qquen su: —Que'ija va'tti ronda'je'faja ingi ccase jiya'ngae. Vani que'i'ccu tsu can'jeña Aarón toya'caen Hur. Tsendeccunga qui jongoesu vana'chove an'bian'da condaye osha'fa.

2 Corinto'su 1:11

Toya'caen que'i'qque Chigama iñajamba ingima fuiteya'cho. Poiyi'cco tsa'caen fae'ngae Chigama iñajamba fuite'ninda Chiga ingima ñotsse tsonsi gi poiyi'cco fae'ngae Chigama ñotsse afa'faya.

Efeso'su 6:18

Tsa'caen Chiga Qquendya'pa que'ima in'jaen'nijan ánttembe'yi Chigama iñajan'faja. Ñotsse in'jamba quia'me iñajan'faja. Ñoquimbimbe'yi ñotsse injan'jemba poi Cristove in'jan'chondeccune Chigama iñajan'faja.

Filipo'su 1:19

Que'ija ñane Chigama iñajansi Jesucristo Qquendya'pa ñama fuitesi gi osha'chone ñotsse ccushaya.

Colosa'su 4:2

Anttembe'yi Chigama iñajamba canse'faja. Anambiqquia'caen injama'chone Chigama ñotsse afapa iñajan'faja.

1 Tesalónica'su 5:25

Faengasundeccu, ingine Chigama iñajan'faja.

Hebreo'su 12:12

Poe'su'fajama. Tsa'ma quin'sui'ccu Jesúsve in'jamba sema'faja. Dyopa ttun'dundu'je'fajama. Jesúsve in'jamba dyombi'tsse canse'faja.

Santiago 1:6

Tsa'ma ñotsse in'jamba tsu iñajan'faya'cho. Majan ñotsse in'jambipa: “¿Ñoa'me ti Chigata paña?” qquen asi'ttaen'da tsaja mar'su shave'pa'caen. Vafanga, ccafanga fingian angaqquia'caen tise injama'cho shaca.

Josué 8:26

Nane Josuéja tise oma'ccoma yasapa poiyi'cco Hai canqque'su aindeccuma fitti'tti'faya'ngae anttembe'yi yasácho.