Éxodo 17:11 - Cofán: Chiga Tevaen'jen

¹¹ Iyicco'je'fasi Moisés tise tivema yasa'ninda tsu israendeccu ganajin'fa. Tsa'ma Moisés antte'nijan amalecitandeccu ganajin'fa.

Éxodo 17:11 Iomraidhean Croise

Éxodo 17:10

Josuéja Moisés mandaqquia'caen tsomba amalecitandeccui'ccu iyiccoye ja. Tsa'caen jasi Moisés, Aarón toya'caen Hur tsu ccotta'cco'chonga ansunde'fa.

Éxodo 17:12

Tsa'caen tson'jemba Moisés tive quimbisi patuma isupa ccuiña'fa cuintsu tsanga dyaiye. Dyaisi Aarón toya'caen Hur poifa'su tivema indicho'fa cuintsu yasachoye. Tsa'caen indicho'fasi Moisésja chiga amppiya'ngae anttembitsseyi yasajin dyai.

Lucas 18:1

Zutsse Chigama iñajaña'chove tisema shondosundeccunga atesiañe in'jamba condase'choi'ccu Jesúsja condase. Nane a'ija anttembe'yi tsu Chigama iñajaña'cho tise'pa iñajan'choma isuya'ngae.

1 Timoteoga 2:8

Tsa'caen condapa gi in'jan cuintsu tsandienaccuja mani can'je'an'qque egae tsincombe'yi tise'pa tivema Chiganga ya'sapa Tisema iñajan'faye. Iyicca'yembe'yi ni cca'i'ccu afaccombe'yi tsu Chigama iñajan'faya'cho.

Santiago 5:16

Tsa'cansi egae tsincon'da tisupapora condasecco'faja. Toya'caen tisupaporane Chigama iñajan'faja cuintsu ccushaeñe. Ño'a a'i ñoa'me Chigama iñajan'nijan Chigaja pañamba osha'choma tsoña.

Josué 8:26

Nane Josuéja tise oma'ccoma yasapa poiyi'cco Hai canqque'su aindeccuma fitti'tti'faya'ngae anttembe'yi yasácho.