Éxodo 16:8 - Cofán: Chiga Tevaen'jen

⁸ Toya'caen tsu Moisésja su: —Sime tsu Na'su Chigaja aña'choma afeya que'i an'faye. Toya'caen tu'i sinte tsu panma tsain'bitsse afeya. Nane tayo tsu paña que'i tisema afase'choma. Ñoa'me ingitsse tson'su'fambi gi. Que'ita qui ingima afase'fambi. Tsa'ma Na'su Chigama qui afase'fa.

Éxodo 16:8 Iomraidhean Croise

Éxodo 16:12

—Paña gi israendeccu afase'choma. Tsendeccunga afapa qquen suja: ‘Sime qui aña'choma an'faya. Toya'caen tu'i sinte'ta panma qui tte'pputsse an'faya. Tse'i qui in'jan'faya ñoa'me ñajan Na'su que'i Chigave.’

Éxodo 16:9

Omboe Moisésja Aarónma su: —Poiyi'cco israendeccunga condaja cuintsu Na'su Chiga attian'chonga catse'faye. Nane tiseja paña'jen tisema afase'choma.

Éxodo 17:2

Tsa'cansi tsu aindeccuja Moisési'ccu qquen afacco'fa: —¡Tsa'ccuma afeja ingi cui'ye! Tsonsi Moisésja su: —¿Jongoesie qui ñai'ccu afacco'fa? ¿Jongoesie qui Chigama noñangiancán'fa?

Números 11:18

Toya'caen aindeccuma mandaja cuintsu tu'ine tisupama ñoña'faye ñanga ccutsu'faya'chove. Ñoñamba tsu añachoma an'faya. Tayo gi paña tise'pa i'namba qquen su'je'choma: ‘¡Aña'cho te jiñe'can cuintsu ingi an'jeñe! ¡Egiptoninda gi ti'tsse ñotsse canse'fa!’ Nane ñotssi tsu ña tise'panga afesi cuintsu aña'choma an'faye.

Números 14:27

—¿Mi'nge'e gi va ega Israel aya'fanasindeccui'ccu vana'jeña? Tayo gi paña tise'pa ñama egae afa'je'choma.

Números 21:7

Tsa'caen pa'je'fasi Moisésni japa qquen su'fa: —¡Na'su Chiga toya'caen quema'qque afasepa gi ñoa'me egae tsincon'fa! ¡Na'su Chigama iñajanjan cuintsu ingi'ye iyoma joqquitssiañe! Tsa'caen su'fasi Moisésja Na'su Chigama iñajan cuintsu israendeccu egae tsincon'choma aqque'paye.

Mateo 10:40

Majan a'i que'ima in'jamba paña'da tsu ñama'qque in'jamba paña'fa. Ñama in'jamba paña'da tsu Chiga ñama moen'suma'qque in'jamba paña'fa.

Mateo 9:4

Jesúsja tise'pa in'jan'choma in'jamba su: —¿Jongoesie qui injama'choni qquen egae asi'ttaemba in'jan'fa?

Lucas 10:16

Majan que'ima paña'da ñama tsu paña'fa. Majan que'ima chi'ga'ta ñama tsu chi'ga'fa. Majan ñama chi'ga'ta ñama moen'su Chiga Quitsama'qque tsu chi'ga'fa.

Juan 13:20

Ñoa'me gi que'inga su: Majan ña mandasi ja'suma in'jan'da ñama'qque tsu in'jan. Majan ñama in'jan'da ñama moen'suma'qque tsu in'jan.

Romanos 13:2

Tsa'cansi majan a'i quini'cco'pa manda'choma pañambi'ta Chiga antte'choma tsu chi'ga. Tsa'caen pañambisi Chigaja tise'pa injama'choma somboeña.

1 Corinto'su 10:10

Ni Chigama afase'fajama. Majan tayopi'su israendeccu tsa'caen Chigama iyicca'yepa afasesi Chigaja manda Tisema sefacconi'su shondo'suma cuintsu tise'pama fi'ttiye.

1 Tesalónica'su 4:8

Tsa'cansi majan va atesian'choma pañamba chi'ga'ta aqquia a'i su'choma chi'gaya'bi tsu. Ñoa'me Chiga su'choma tsu chi'gaya. Tsa Chigayi tsu inginga afe Tise Qquendya'pama ingi ñotssiave da'faye.

1 Samuel 8:7

Tsa'ma Na'su Chigaja Samuel iñajan'choma pañamba su: “Ma'caen tise'pa in'jan'ninda tsa'caen tsonjan. Nane quema chi'gambipa ñoa'me ñama tsu chi'ga'fa. In'jan'fambi tsu ña tise'pama manda'jeye.