Éxodo 16:4 - Cofán: Chiga Tevaen'jen

⁴ Tsonsi Na'su Chigaja Moisésnga su: —Unjin tuiqquia'caen gi sefacconi'su aña'cho nama amppiañe tson'jen cuintsu an'faye. Aindeccuta tsu poi a'ta japa tsequi a'tane'ñi tai'je'faya'cho. Atesuye gi in'jan majan ñama paña'faya'chove toya'caen majan me'inchoa've.

Éxodo 16:4 Iomraidhean Croise

Salmos 105:40

Israendeccu anqque'suve iñajansi yayapa chivi'rima moe. Toya'caen sefacconi'su panma tise'pa ttepputsse shequian moe.

Salmos 78:23

Tsa'ma Chiga sefaccoma mandasi sefaccoja fettayepa

Éxodo 15:25

Tsonsi Moisésja Na'su Chigama iñajan cuintsu tisema fuiteye. Iñajansi Na'suja quinisisiccoma canjaen. Tsa'caen canjaensi Moisés tsa quinisisiccoma saipa tsa'ccunga ttovasi ñoa'me ñotssia tsa'ccuve da. Nane tseni tsu Na'su Chigaja israendeccu tson'choma atesuye in'jamba tsa'caen tson. Toya'caen tsu Na'su Chigaja israendeccunga qquen supa manda'choma afa tise'pa ma'caen canse'faya'chove:

Éxodo 16:15

Tsa'ma israendeccuja jongoesuve atesumbipa tsesuma attepa tisupanaccu asi'ttaen'fa: “¿Vaja jongoesu te?” Tsonsi Moisésja su: —Vata tsu pan, Na'su Chiga que'i añe afe'cho.

Mateo 6:11

Poi a'ta coirapa ingima an'bianjan ingi cu'ipa amba canseye.

Lucas 11:3

Poi a'ta coirapa ingima an'bianjan ingi cu'ipa amba canseye.

1 Corinto'su 10:3

Poiyi'cco tsu fae'ngae Chiga afe'cho anqque'suma an'fa.

Deuteronomio 8:2

Ñotsse injan'jen'faja Na'su, que'i Chiga, cuarenta canqque'fave que'ima a'i menia angacan'choma. Nane atesucañe in'jamba que'ima vanaemba opatssia've tson que'i injama'choma atesuye. Ñoa'me tsu atesuye in'jan que'i tise manda'choma paña'chove tsambi'ta pañambi'choa've.