Éxodo 16:21 - Cofán: Chiga Tevaen'jen

²¹ Poiyi'cco tsu tisupa aña'chove sinte'yi tai'je'fa. Nane coe'je de'ninda pa'cco tsu tssutssu'je.

Éxodo 16:21 Iomraidhean Croise

Éxodo 16:20

Tsa'caen Moisés su'choma paña'ma majandeccuja ccaqui a'tane'qque anqque'suma antte'fa. Tsa'ma tise'pa anttepa ñoña'choja misiangepa tssu'jutsse tssu'jian. Tsa'caen tson'fasi Moisésja tsendeccuma iyicca'ye.

Éxodo 16:22

Tsa'ma sexto a'ta tsu dos a'tane tai'fa. Tsata tsu fae a'ine ccattufayi litroqquia'can. Tsa'caen tai'fasi israe'su coenzandeccuja Moisésnga conda'su ja'fasi

Mateo 6:33

Tsa'cansi que'ija o'tie Chiga Quitsama na'suve in'jan'faja. Tsa'caen in'jamba Tise in'janqquia'caen cansesi tsu Chiga Quitsaja que'inga osha'cho jongoesu shaca'ninda afeya.

Juan 12:35

Tsonsi Jesúsja tise'panga su: —Aqquia re'riccone tsu chanjien'suja toya que'i'ccu can'jeña. Chanjien'su attianqquia'caen que'inga atesian'choma in'jamba canse'faja, egae sinttia'su que'ima indisa'ne. Nane a'ija sinttia'ye jacanqquia'caen canse'ta ¿ma'caen tsu atesuya tisu mani jaya'chove?

2 Corinto'su 6:2

Nane Chigaja su: Paña'jen'cho a'ta gi que'ima paña. Ccushaeña'cho a'ta gi que'ima fuite. ¡Que canjan! Ja'ño tsu paña'jen'cho a'ta. Ja'ño tsu ccushaeña'cho a'ta.