Éxodo 16:2 - Cofán: Chiga Tevaen'jen

² Tseni a'i menia aindeccuja Moisés toya'caen Aarónma afaseye ashaen'fa

Éxodo 16:2 Iomraidhean Croise

Génesis 19:4

Tsomba toya anañe ccuimbi'te tsu poiyi'cco tsa Sodoma'su tsandiendeccu, nane chu'a, coenza'qque Lot tsa'oma shoquendipa

Salmos 106:13

Tsa'ma junde tsu Chiga ñotsse tson'choma aqque'papa ron'daye in'jan'fambi tise in'jan'choma atesuya'chove.

Salmos 106:25

Tise'pa carpani Na'suma egae afapa tise manda'choma pañambipa ccaningae tson'fa.

Salmos 106:7

Ingi tayopisundeccuja Egiptoni can'jemba que ti'tsse'tssia canjaen'choma chi'gapa que tise'pama ñotsse in'jan'choma aqque'pa'fa. Tsa'caen aqque'papa Cu'a mar jin'ttinga quema'qque chi'gapa cati'fa.

Éxodo 14:11

Tsomba Moisésnga su'fa: —¿Egipto andeninda ti atu'ttive me'i'on que tsene ingima somboensi jipa va a'i menia'ni paye? ¿Jongoesie qui ingima tsa'caen tsincon? ¿Jongoesie qui ingima Egiptone somboen?

Éxodo 15:24

Tse'ttinga tsu aindeccuja Moisésma afasepa qquen iñajampaña'fa: “¿Jongoesuma gi cu'ifaya?”

Éxodo 17:3

Tsa'ma aindeccuja tsaqquie'supa Moisésma afase'fa qquen supa: —¿Jongoesie qui ingima Egiptone somboen? ¿Aqquia ingima tsaqquie'sian fi'ttiye ti qui somboen, toya'caen ingi dushundeccu, ingi aiña'choi'ccu fae'ngae?

Éxodo 5:21

Tsomba su'fa: —Cuintsu Na'su Chiga que'i ingima tson'choma attepa que'i injama'choma somboenjan. Nane que'i qui shacapa'fa faraón toya'caen tise mandasi semoeñe mandasundeccu'qque ingima chi'ga'fa'chone. Que'iyi qui tson'fa tise'pa ingima sema'moen cansepa sefaen'faya'chove.

Números 14:22

Ñoa'me tsu va aindeccuja ña tayopi'su coenzandeccunga afeye su'cho andema atte'faya'bi. Nane ña ñotssiama, toya'caen ña oshacho'choma Egiptone vani a'i menia'qque atte'ma tsa andema atte'faya'bi. Nane a'i menia ña tise'pama fi'ttite ñama tsain'bitsse noñangiamba ña manda'choma pañañe chi'ga'chondeccu tsu tsa andema atte'faya'bi. Ñama chi'gapa ‘Barembi tsu’ qquen su'chondeccupa tsu tsa andema atte'faya'bi.

1 Corinto'su 10:10

Ni Chigama afase'fajama. Majan tayopi'su israendeccu tsa'caen Chigama iyicca'yepa afasesi Chigaja manda Tisema sefacconi'su shondo'suma cuintsu tise'pama fi'ttiye.