Éxodo 14:12 - Cofán: Chiga Tevaen'jen

¹² Qqueña'si gi toya Egipto andeni can'jemba quenga su'fa: ‘Antteja Egiptondeccumbe ingi sema'jeñe. A'i menia pa'choma bove ñotssi tsu Egipto andeni tsangae sema'suve dapa canse'faye.’

Éxodo 14:12 Iomraidhean Croise

Salmos 106:7

Ingi tayopisundeccuja Egiptoni can'jemba que ti'tsse'tssia canjaen'choma chi'gapa que tise'pama ñotsse in'jan'choma aqque'pa'fa. Tsa'caen aqque'papa Cu'a mar jin'ttinga quema'qque chi'gapa cati'fa.

Éxodo 13:17

Tsa'caen faraón israendeccu jaya'chove anttesi Chigaja Filisteo andeni, tsa tansintsse Canaán andeni jaya'cho tsaiqui'ye, angambi. Nane in'jamba'qque israendeccu Filisteo sundarondeccuma attepa dyopa toe Egipto andeni shanda'fasa'ne.

Éxodo 3:9

Que canjan, paña gi israendeccu ñombi'yepa fundo'je'choma. Toya'caen gi atte egiptondeccu tise'pama tsain'bitsse egae tson'jen'choma.

Éxodo 5:21

Tsomba su'fa: —Cuintsu Na'su Chiga que'i ingima tson'choma attepa que'i injama'choma somboenjan. Nane que'i qui shacapa'fa faraón toya'caen tise mandasi semoeñe mandasundeccu'qque ingima chi'ga'fa'chone. Que'iyi qui tson'fa tise'pa ingima sema'moen cansepa sefaen'faya'chove.

Jonás 4:3

Na'su tsa'cansi gi quema iñajan junde ñama fi'ttija. Canse'choma bove ñotssi tsu junde ña paye.

Jonás 4:8

Toya'caen coejechiga sombosi Chigaja in'jan cuintsu chiga sombo'jene ju'rutssia fingian jiye. Tsonsi coe'je depa tumbianccuve me'i'onsi tansintsse tise tsovenga desi Jonásja sian'me papa ñoa'me paye in'jan. Tsomba tsu su: —Canse'choma bove ñotssi tsu junde ña paye.

Marcos 1:24

—¿Mincoñe qui ingingata ji, Jesús Nasareno'su? ¿Ji ti qui ingima sefaeñe? Ñanda gi quema atesu. Queta qui Ño'a Chigani'su.

Marcos 5:7

Tsonsi Jesúsja su: —Cocoya, ¡joqquitssija va a'i'ye! Tsa'caen susi cocoyaja a'ima afaensi quia'me fundopa su: —¡Joccapitssia Chigambe Dutssi'ye qui, Jesús! ¿Jongoesie qui ñangata ji? ¡Chigáne ñama noñangianjama!