Éxodo 13:21 - Cofán: Chiga Tevaen'jen

²¹ Poi a'ta tsu Na'su Chigaja unjimba'ccoi'ccu fuitepa canjaen'jen maningae ja'faya'chove. Toya'caen coseta tsu si'ngei'ccu sefane chanjiemba canjaen'jen. Tsa'caen canjaensi pa'cco a'ta pa'cco cose'qque jaye osha'fa.

Éxodo 13:21 Iomraidhean Croise

Salmos 105:39

Ja'fasi Chigaja tise'pama piccoye unjimba'ccoma attajaemba cose'qque si'ngei'ccu tise'pama attian.

Salmos 78:14

A'tanijan unjimba'ccoi'ccu fuitepa canjaen'jen maningae ja'faya'chove. Cose'qque si'ngei'ccu sefane chanjiemba canjaen'jen.

Éxodo 10:10

Tsa'ma faraónjan su: —¡Tayo gi atesu que egae in'jamba tson'jen'choma! ¿Que'i Na'su Chiga que'i'ccu fae'ngae jacamba fuiteya qquen ti qui in'jan? Toya'caen ¿que'i poiyi'cco tisupa dushundeccui'ccu jaye ña antteya qquen ti qui in'jan?

Éxodo 16:10

Tsa'caen susi Aarón israendeccunga afa'je'ni tse'faei'ccuyi poiyi'cco tsendeccu a'i menia'ma camba atte'fa Na'su Chiga unjimba'cco'ye chanjumba attian'choma.

Éxodo 32:1

Israendeccuja Moisés uta ccotta'ccone jimbisi Aarónga bopa tisema su'fa: —Japa chigandeccuve ñoñajan cuintsu ingima angacañe. ¿Ma'caen gi atesu'faya ingima Egiptone somboen'su Moisés ma'caen da'chove?

Números 10:34

Toya'caen poi a'ta tise'pa jaye sombo'fa'ninda tsu Na'su Chiga unjimbaja tise'pambe omba'ye jayi.

Números 14:14

tsu Canaán andesundeccunga condase'faya. Nane tsendeccu'qque tsu que qquen su'choma paña'fa: ‘Queja, Na'su, israendeccui'ccu can'jemba cambajunaccu tise'pai'ccu afa'je; toya'caen que unjimba'cco'qque tise'pa canqque ombani dusepa a'taja unjimba'ccove attiamba tise'pama o'tie jayi; coseja si'ngeve attiamba tsa'caen jayi.’

Deuteronomio 31:8

Na'su que Chigaja quema o'tie japa quei'ccu can'jeña. Tiseja quema catiya'bi ni chi'gaya'bi. Tsa'cansi dyojama ni injansejama.”