Éxodo 11:3 - Cofán: Chiga Tevaen'jen

³ (Nane Na'su Chiga egiptondeccuma in'jaensi tsendeccuja israendeccuma ñoa'me ñotsse in'jan'fa. Toya'caen faraónma shondosundeccu, poiyi'cco egipto'su aindeccu'qque Moisésja tise'pama ti'tsse joccapitssia qquen in'jan'fa.)

Éxodo 11:3 Iomraidhean Croise

Génesis 12:2

Quema ñotsse tsomba gi que dutssiyendeccui'ccu ti'tsse'tssi a'ive tsoña. Nane quei'ccu ña poiyi'cco a'ima ñotsse tsonsi tsu poiyi'cco a'i que inisema ñotsse afa'faya.

Génesis 39:21

Na'su Chigaja Joséi'ccu can'jemba tisu ñotsse tsoña'chove canjaen'jen. Nane cuintsu picco'jeccuni'su na'su Joséma ñotsse in'jaña'chove Chigaja antte.

Salmos 106:46

Nane Na'su ccaningae tsomba in'jaensi Israelma patsusundeccu'qque tise'pama mende'yepa ñotsse tson'fa.

Éxodo 12:35

Toya'caen Moisés mandaqquia'caen poiyi'cco egiptondeccuma cori, totoacorima ñoña'cho toya'caen sarupave'qque iñajan'fa.

Éxodo 12:36

Iñajan'fasi Na'su Chigaja egiptondeccuma in'jaen cuintsu se'pimbe'yi israendeccu iñajan'choma afe'faye. Israendeccu tsa'caen tsonsi tsu egiptondeccuja me'cco catiye'fa.

Éxodo 3:21

Toya'caen gi egiptondeccunga tsoña cuintsu israendeccu sombo'je'ninda ñotsse camba moe'faye. Tsa'caen camba moesi tsu me'cco jambe'yi osha'choma anga'faya.

Tson'fa'cho 7:22

Tsa'caen coeñansi tsu Moisés pa'cco Egiptosundeccu atesuqque'suma atesucho. Nane tsa'caen atesuchopa pa'ccoma afapa tson.

Deuteronomio 34:10

Tsa'ma faesu Chiga aya'fama afa'suja Moisés'cantsse Israelnga attiambi. Nane Moisésja Na'su Chigai'ccu cambajunaccu condasecco'je.

Deuteronomio 34:11

Na'su Chiga mandasi Moisésja osha'cho canjaen'choma agattoen'choma'qque attian Egipto'su na'su faraón, tisema shondosundeccu, poi egiptondeccunga'qque.

Josué 4:14

Tsequi a'ta tsu Na'suja Josuéma ti'tsse'tssia've tson cuintsu Moisés cansuite in'janqquia'caen tisema'qque ñotsse in'jamba paña'faye.

Canjaen'cho 3:9

Majan a'ija Satanane atesian'jen'ttisundeccu can'jen'fa. “Israendeccu gi” qquen supa ñoa'me israendeccumbipa aqquia tsu afopoen'fa. Ña gi tise'pama que tsutteccofanga ipa ccuiñaña. Tsa'caen tise'pama patsupa ccuiñasi tsu ña quema in'jan'choma in'jan'faya.