Éxodo 10:9 - Cofán: Chiga Tevaen'jen

⁹ Moisés pañamba su: —Nane ingi dushundeccu, coenzandeccu, dutssiyendeccu, onquengendeccu toya'caen ingi oveja, vaura'qque tsu ja'faya'cho. Ingine'ja Na'su Chigane randeve fiestaeña'cho tsu.

Éxodo 10:9 Iomraidhean Croise

Génesis 50:8

Toya'caen Jacob dutssiyendeccu, nane José tsa'o'su aindeccu, José antiandeccumbe aindeccu'qque jaja'fa. Gosén andenijan jo'su dushundeccu toya'caen tise'pa aiña'chondeccuveyi cati'fa.

Éxodo 10:10

Tsa'ma faraónjan su: —¡Tayo gi atesu que egae in'jamba tson'jen'choma! ¿Que'i Na'su Chiga que'i'ccu fae'ngae jacamba fuiteya qquen ti qui in'jan? Toya'caen ¿que'i poiyi'cco tisupa dushundeccui'ccu jaye ña antteya qquen ti qui in'jan?

Éxodo 10:26

Toya'caen pa'cco ingi aiña'cho ingi'ccu tsu jaya'cho. Ni fae'ccoyi'qque tsu vani catiyeya'bi. Nane tsendeccu'suma gi indipa oque oraen'jen'faya'cho Na'su Chigama iñajañe. Toya tseni jambipa gi jongoesuma Na'su Chiganga afeya'chove atesu'fambi.

Éxodo 12:32

Toya'caen que'i oveja, que'i vaurama'qque que'i in'janqquia'caen angapa ja'faja. Japa ñane'qque Chigama iñajan'faja.

Éxodo 12:37

Israendeccuja Ramsés canqquene sombopa Sucotni ja'fa. Nane pushesu, du'shuma'qque agattombe'yi jo'su coenza tsandiendeccuveyi agattosi tsu seisciento mil a'i'fa.

Éxodo 12:38

Tsendeccui'ccu tsu tsain'bitssia a'i faesu aindeccu'qque jaja'fa. Toya'caen tsain'bitssi oveja tsain'bitssi vaura tsu fae'ngae ja'fa.

Éxodo 3:18

Tsa'caen susi tsu coenzandeccu quema pañamba quei'ccu fae'ngae egipto'su na'sunga ja'faya. Tsa'caen japa qui na'sunga qquen suya: ‘Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi in'jan'fa ingima antteja tres a'ta pa'cco a'i menia japa oque oraemba ingi Na'su Chiga Quitsanga afeye.’

Éxodo 5:1

Tsa'caen condase nanimba Moisés toya'caen Aarón faraónga japa qquen su'fa: —Qquen tsu israendeccumbe Na'su Chigaja su: ‘Antteja cuintsu ña aindeccu a'i menia japa ñane fiestaen'faye.’

Éxodo 5:3

Tsonsi Moisés toya'caen Aarónjan su'fa: —Na'su Chiga Quitsa, tsa hebreondeccumbe Chiga tsu inginga cachian. Tsa'caen cachiansi gi tres a'ta pa'cco a'i menia jayi'fa oque oraemba ingi Na'su Chiga Quitsanga afeye in'jamba'qque osha'cho paqque'sui'ccu tsambi'ta matichi'ccu ingima fi'ttiya'chove manda anttesa'ne.

Proverbios 3:9

Que corifin'di'ccu Na'suma ñotsse tson'jemba que tai'cho'su o'tie isu'choma'qque tisenga afeya'cho.

Efeso'su 6:4

Yayandeccu, que'i dushundeccuma panshaen iyu'ujama iyicca'ye'fasa'ne. Tsa'ma tansintsse atesiamba coeñaña'cho. Na'su Chiga nafattianqquia'caen tise'pama nafattiamba atesiaña'cho.